رواية هجران رحيل الفصل السابع بقلم شامه الشعراوي حصريه وجديده

اكيد لا و هتفضل تتوجع طول ما أنت لسه بتفكر فى الماضى عارفه انه جزء مننا وعمره ما هيتنسى بالسهوله دى بس لازم نتعايش معاه ونتخطاه ومنخليهوش يأثر علينا لأن كدا هدمر نفسك ومش هتقدر تعيش حياتك بشكل طبيعى حاول أنك تدى لنفسك فرصه بأنك تشوف حياتك مع حد بيحبك بجد ويقف جنبك ويبقى سند ليك حاول تقرب من نور ع فكرة أنا عارفه أنك أوقات بتفكر فيها أنت جواك مشاعر ناحيتها بس بتحاول تخبيها أو تتغاطى عنها علشان خاېف مع أنك عارف أن عمر نور ما هتجرحك ابدا لأنها بتحبك بجد أنت فاكر انى مش واخدة بالى من نظرتك ليها وأنك نفسك تقرب منها صدقنى ياأدهم لو فضلت خاېف كدا هتخسر نور وهترجع ټندم وتقول ياريت اللى جرا ماكان
أركن خۏفك ع جنب وخد خطوة وصدقني كل حاجه هتتعالج مع نفسها وهتتخطى كل حاجه حصلت معاك قبل كدا صدقني.
تفتكرى هقدر!.
أرتسمت على محياها ابتسامة بشوشة
طبعآ هتقدر أنا واثقه فيك.
هحاول يارحيل هحاول.
اتفقنا يادومى اسيبك أنا ترتاح ثم أضافت ضاحكة
وأنا كمان هروح ارتاح لاني تعبت بسببكم النهاردة ده أنتم عيلة كئيبه والله المفروض اخد من كل واحد فيكم بيعيط ويخليني أعيط معاه فلوس اه وربنا دا أنا بتعب معاكم ياجدع.
قهقه أدهم على حديثها ثم قام بضمھا إليه قبل أن تغارد فقال بامتنان
شكرآ ليكى يارحيل بجد شكرا أنتى فتحتى عيني على حاجات مكنتش واخد بالي منها.
ع ايه بس أنت أخويا ومفيش شكر ما بين الأخوات يلا تصبح ع خير.
وأنتى من اهله ياحبيبتى.
جلس مكانه مجددا ليفكر ماذا سيفعل فى الأيام المقبلة.

فى التجمع العائلي أردف هشام بنبرة لعوبة
يعنى يامازن الزفت مقولتليش أنك رايح تخطب.
نظر نحوه وقال مندهشا  
هو الكلام دا ليا أنا !.
تحدث سليم متسائلا
مين دا اللى رايح يخطب.
ايه دا ياخالو أنت متعرفش أن ميزو هيخطب وراح اتفق مع أبوالعروسه.
صوب سليم بصره نحو مازن وقال غاضبا 
أنت يازفت الكلام اللى قاله ابن عمتك ده صح.
وربنا ماعرف حاجه أنا زى زيك والله ياحج.
تفوه هشام بخبث 
ياولاه ياكداب بطل كدب هتدخل الڼار حدف.
هتف مازن بضيق
ماتبطل ياحريقه أنت عايز تولع الدنيا وأنت قاعد وبعدين يابابا ياحبيبى أنا عمري ما اعمل كدا ويوم لما أحب اخطب مش هعمل أى حاجه أو هاخد أى خطوة غير لما اقول لحضرتك واستاذنك واستشيرك الاول واخد برأيك ما أنت فى الأول والآخر ابويا اللى مقدرش استغنى عنه مهما حصل.
أردف أبيه قائلا
ونعمه الأدب والأخلاق.
تحدث الجد مندهشا 
ايه ياواد الرزانه والعقل اللى أنت فيهم دول لا بجد ابهرتنى.
رد مازن بمرح 
علشان تعرف بس ياحجوج أن حفيدك مش قليل بردو.
تبسم الجد ضاحكا
طبعا يابنى دا أنتو أحفاد وهدان الالفى مينفعش حد فيكم يبقى قليل.
تحدث هذة