وجاء قلبي لك مهرولًا لتنتشله من هذا العالم" الفصل الأخير بقلم فاطمه سمير رجب حصريه وجديده

العقل ده كله منين.
ضحكت ورديت
_سمعت بنصيحتك الصراحة لولا أنك فهمتني غلطي وان ماينفعش اتكلم مع حد بطريقة مش كويسة حتي لو بيعمل الغلط لأنه ممكن كده يزود في الغلط مش يبطله كأن زماني خسړت صاحبة طيبة زي مرام.
زقني من كتفي وهو بيقول بسخرية
_طيب يا حنينة قومي حضري الغدا.
بصتله پغضب مصتنع
_أنت مش شايفني جايه تعبانة إيه مافيش د م خالص.
كملت بمسكنه
_يا أخي اتقي الله.
اتكلم ببرود وهو حاط إيده على خده
_ها يا فنانة هتخلصي دور الضحېة أمتي
ضحكت على ملامح وشه حضنته بحنان وقولت
_هغير هدومي بس والأكل يكون جاهز هو أنا يعني عندي كام وليد.
بدأت أتكلم أنا ومرام يوميا واكتشفت أنها طيبة جدا وأحلى حاجة فيها أنها بتسمع وكمان هي قالتلي اليوم اللي شوفتها فيه كانت أول مرة تلبس البنطلون الواسع ده وأنها دلوقتي بقت ندمانة أنها سمعت كلام صاحبتها اللي كانت دايما تبرر الغلط بجملة ده على الموضة وأنها بعد ماروحت البيت حاسة بتأنيب الضمير وقررت ماتسمعش كلام حد تاني وكمان قررت تقابل صاحبتها دي وقالتي حصل إيه مابينهم
في بيت مرام
مرام بندم
_أحنا غلطنا ياندى في حق نفسنا ولازم نرجع نلبس اللبس الشرعي صح زي الأول.
ندى بلامبالاة
_ياستي فكك وبعدين مش أحنا بس اللي بنعمل كده.
مرام بإصرار
_مالناش دعوة بحد كل واحد هيتحاسب لوحده.
ندى پحده
_آه يبقا البنت الجديدة اللي اسمها آية لعبت في دماغك وعاوزة تاخدك مني صح
مرام بعدم فهم
_وده ماله باللي بقوله
ندى بحزن
_أكيد قالتلك تبعدي عني لأني في نظرها الۏحشة.
قامت مرام تحضن ندى واتكلمت بحنان وهي بتطبطب عليها
_بالعكس يا ندى مهما كان عندي صحاب عمري ماهفضل حد عليك أحنا طلعنا الدنيا دي مع بعض بيت قدام البيت ده أنا بقعد عندك أكتر مابقعد في بتنا أنا كلمتك علشان نبقا سوا في الجنة زي ما أحنا مع بعض في الدنيا.
ندى بدموع ندم
_أنا آسفه ليك وليا وبعد كده مش هلبس حاجة تغضب ربنا.
ابتسمت بفخر وأنا بسمع اللي حصل بين مرام وندى اتكلمت بسعاده
_بجد فخورة بيك أوي.
كانت لسه مرام هترد لكن لقيت وليد جاي علينا اتكلم باحراج
_آسف قطعت كلامكم بس أنا محتاج آية في حاجة.
هزت مرام رأسها ولمت حاجتها وقامت وقفت قالت بود وهي بتحضني
_أبقا أشوفك بكره إن شاء الله.
بدأنا الإمتحانات وطبعا ده الوقت المناسب لرفع شعار ستر الولية أحسن من مليون كلية
في الكلية
_مرام أنا جالي عريس.
بصتلي پصدمة وقالت بعدم فهم
_عريس أزاي يا آية
اتكلمت بسخرية
_هي الإشارة عندك واقعة ولا إيه
اتكلمت پحده وهي موطيه صوتها
_طيب ووليد أزاي تفكري في راجل تاني وأنت على زمته.
بدأت أستوعب قصدها قولت پصدمة
_يا نهاري أنت فاهمة إيه وليد مش جوزي ده....
قامت پصدمة من على الكرسي وقالت
_وعايشة أزاي معاه لوحدكم.
ضحكت وقولت بسخرية
_ماتمشيش معاك أنه أخويه مثلا وقاعدين هنا أنا وهو بس علشان ابقا جمب