رواية أحببت والدي الفصل الثاني بقلم رؤيا محمد حصريه وجديده

هو يحتضن وجهها
_خلاص يا حبيبة بابا متزعليش مني خلاص!
_لا زعلانه..
_طب خدي المصاصة الل بتحبيها اهي
_تؤ تؤ بردو زعلانه يا بابي..
_طب الشكولاتة الل بتحبيها اهي.. هتفضلي زعلانه من بابي برضو..
_لا ازاي وانا اقدر يا بوب برضو ده أنت حبيبي..
ضحك عامر على الطفله الل عايشه معاه وطلع بالعربيه وريحانه وصلت المدرسه وباست عامر في خده نزلت..وعامر راح على شغله..
___________________
ريحانه رجعت من المدرسة مع السواق وكانت سوزي في الصالون وجدة عامر في المطبخ مع الشغاله ريحانه اتجاهلتها وكانت داخله لجدتها..لكن سوزي نادت عليها..
ريحانه راحتلها بضيق وقالت
_نعم يا طنط
_تعالي اقعدي معايا يا حبيبتي نتكلم مع بعض شويه
ريحانه قعدت وقالت
_نعم
سوزي بكذب
_طبعا أنت عارفه اني انا عامر هنتجوز قريب وكده وبصراحة يا ريحانه عامر مش عارف بقولك أنه مش عايزك أنه عايز يعيش حياته كفايه الل ضيعه في تربيتك كل سنين دي بعد ما جابك من الملجأ..
ريحانه عيطت وقالتلها
_أنت كذابه ووحشه..
قالت كده وعامر كان داخل من بره ف قال بحدة
_عيب يا ريحانه ازاي تكلمي طنط سوزي كده عيب..
سوزي وهي بتمثل العياط
_شوفت يا عامر انا بقولها أننا لما هنتجوز هعاملها زي بنتي واكتر تقولي أنت كذابه ووحشه..اهئ اهئ..
ريحانه بصتلها بذهول وقالت
_يا بابي دي كذابه والله..
عامر قال پغضب
_عيب يا ريحانه الل أنت بتقوليه لازم تحترمي الل اكبر منك عيب مينفعش كده..اطلعي على اوضتك وليك حساب معايا بعدين..
ريحانه طلعت على اوضتها وهي بټعيط جامد..
والدة عامر خرجت من المطبخ بسرعة وقالت
_في أيه عامر مالكفي ايه.
عامر پغضب
_مفيش يا ماما ريحانه قلت ادبها على سوزي لما قالتلها أننا هنتجوز وهتعاملها زي بنتها قالتلها أنت كذابه..
والدة عامر پغضب
_عامر أنت عارف أن ريحانه مبتقلش أدبها على حد إلا إذا كان غلط فيها أو فينا يبقى اكيد سوزي هي الل ضايقتها!قولتلها أيه يا سوزي
سوزي بتوتر
_هه اه مقولتلهاش حاجه يا طنط زي ما عامر قالك..بس..
عامر بمقاطعه
_ يا ماما انا سمعتها بودني وهي بتقولها أنت كذابه ووحشه..
_يا بني بس..
قاطعها دخول الشغاله بتقول
_الغذا جاهز يا فندم..
اتكلم عامر وقال
_نادي على ريحانه يا صفيه...
_تمام يا استاذ عامر..
طلعت الشغالة تنادي على ريحانه...
ونزلت بتجري بعديها وهي بتصرخ وبتقول
_الحق أستاذه ريحانه يا عامر باشاااااااا..
يتبع