البارت_الخامس_والعشرون من_نبض_الوجع_عشت_غرامي بقلمي_فاطيما_يوسف

مهتلقيش في حبك ليا غربة هتلاقيني وطنك كله بجنوده اللي هتحاوطك وقت تعبك ووقت تيهتك .
_ مكنتش عايز أتعبك معاي ولا أشيلك حمل همي التقيل بس إنتي طلعتي جسم صغير لكن عقل كبير يوزن بلاد بحالها طلعتي قدها وقدود وأثبت لي إن القوة الحقيقية هي حد وجود حد بيحبنا بجد من كل قلبه جنبنا.
_ ياه ياماهر أخيرا عرفت إن الفرار من الحب أكبر دمار للقلب تعبت قلبي معاك يابن الريان .
_ معلش حقك علي ياحبيبي ومن النهاردة هتشوفي ماهر تاني خالص .
_ الله كلمة حبيبي نزلت على قلبي غسلته ورطبته وخلته انتعش وفتح أبوابه للدنيا من جديد .
_ طب ايه بقي آجي للحاج سلطان وأطلبك منيه خلاص مقدرش أصبر اكتر من اكده 
حركت رأسها برفض قاطع أذهله ثم قالت بتصميم 
_ لا يا ماهر لما تقولها وانت باصص جوة عيوني ساعتها هقول لك هات المأءون مش بس تعالى للحج سلطان .
تنهد بتعب من تلك المشاغبة الصغيرة ثم اعترف بها بعشق وهو يستجمع شتاته المتفرق من نظرة عيناي تلك المشاغبة 
_ بحبك .
كانت كلمة واحدة نطقها من فاهه ولكنها بمثابة معجم بأكمله كانت أعذوبة وترنيمتها عزفت على أوتار قلبها كانت كلمة ولكن بألف كلمة تحي قلوبا تمنت سماعها كثيرا  
كانت كلمة صدى سمعها في أذنها جعل عيناها التمعت بدمع الفرحة 
وأخيرا قالها ماهر قال لها أحبك رحمتي قالها وذاك القلب لم ينفض عن دقاته بعد قالها وتعلق القلب والعقل والجسد والكل 
ثم نظرت له بعمق ونطقت شفاها بتمرد جعله يبتسم ويفتخر بها في نفس ذاك الوقت 
_ اني بقي مهقولهاش دلوك ياماهر مهقولهاش إلا لما أبقى في بيتك حلالك ووقتها ساعتها هتحس بلذتها علشان دي هيوبقى وقتها 
وأكملت بابتسامة زينت وجهها الجميل وهي تبسط يداها أمامه 
_ اهلا بيك في حياة رحمة المهدي هاخد لك معاد مع بابا وهخلي عمران اخوي يبلغك بيه .

في المشفى حيث تجلس سكون وصديقتها فريدة جلستهم المعتادة وبيدهم قهوتهم التي اعتادوا عليها ذاك الطقس اليومي الذي لم ينفكوا عنه أبدا فسألتها فريدة 
_ بردك متقوليش ليه كنتي الأسبوع اللي فات ادخل عليكي المكتب ألاقيكي پتبكي ومفلوقة من العياط ياسكون هو أني مش صاحبتك وطول عمري شايلة سرك وكاتمة أسرارك 
ارتشفت سكون قهوتها وما إن استمعت إلى سؤالها حتى نطقت وهي تمط شفاها بضيق 
_ يادي السؤال اللي دوشتيني بيه يافريدة قلت لك مېت مرة يا أم مخ تخين إنتي زعلانة على فراق مكة أختي .
نفخت فريدة بغيظ منها وأردفت باستنكار
_ مختومة على قفاي أني علشان أصدق الهبل اللي هتقوليه دي عاد .
نظرت لها سكون بزهق منها وبأمر لايقبل النقاش
_ ممكن منتكلمش في الموضوع دي يافريدة يمكن ياستي حاجة خاصة حوصلت بيني وبين جوزي ومحباش أتكلم فيها ولا أتحدت في خصوصياتنا حتى مع امي اللي خلفتني 
وأكملت سكون وهي تذكرها بما اتفقا عليه فهي لم تريد أن تفشي سر البيت التي تعيش أوسطهم وحتى أنها لم تحكي لوالدتها عما حدث حتى لا تعبئ النفوس حقدا من بعضها
_ هتاجي وياي عند خالتي أم أيمن ولا هتهمليني أروح لوحدي عاد 
لكزتها فريدة بغيظ في كتفها ثم قالت بتوعد 
_ ماشي ياسكون هياجيكي يوم ومش هرضي فضولك اللي أني اكتر واحدة حفظاه 
ثم حملت حقيبتها وأكملت آمرة إياها
_ يالا هروح وياكي اني كماني اتوحشتها قووي من ساعة مارحنا نعزمها