البارت_التاسع_والعشرون من_نبض_الوجع_عشت_غرامي بقلمي_فاطيما_يوسف
فاخرة تليق باعتزازها لنفسها
وه وهو المكر وحش يامتر داي مطلوب في كل وقت وأني عارفاني كويس في المكر معلمة
ضحك برجولة تليق به ثم قال
آه انت هتقولي لي مانا نسيت أبلغك إن الستات مقدمين فيك بلاغ انك كس حتيهم وض ربتيهم وعرضتي حياتهم للخطړ
وأكمل وهو يسألها
إلا قولي لي يارحمتي انت معاكي الحزام الأسود علشان قدرتي على العتاولة دول لوحدك داي الواحدة فيهم لو نفخت فيك تطيرك
ضحكت بشدة تلك المرة ثم هدأت من ضحكاتها مجيبة إياه بإيضاح
ماهو يامتر القوة مش في العضلات بس لاااا داي قوة العقل وسرعة البديهة في التفكير هي اللي بتحكم في الوقت دي
ضحك هو الآخر على حكواها ثم أشاد
لاا طلعتي تمام ميتخافش عليك قال واني اللي كنت راجع وبقول استر ياللي بتستر رحمة راحت اتاري رحمة ملهاش حل ولا مثيل
والله العظيم أول مالمحتهم من بعيد واقفين بعرض الطريق وبيشمروا اكمامهم وشفت أجسامهم الضخمة قلت النهاردة اني رحت في خبر كان وبعدين هروح فين لو جريت هيلحقوني ووقتها هيحسوا بخۏفي وبكدة هروح في خبر كان فقلت يالا أهو اختبار لكشف القدرات بردو والحمد لله نجحت
لوت شفتيها بامتعاض وقالت
الله هو ضړبني وبكى سبقني واشتكى !
وأكملت بقلب مطمئن
هما ميعرفوش اني معايا خط المحاكم ولا ايه دول هربت منهم خالص
سألها عن زوجة أبيها
مرات ابوكي راحت في خبر كان دي ممسوكة متلبسة ورايحة لها بيتها برجليها في وقت غريب داي لو كانت قاصدة تورط نفسها مكانتش عملت اكده
التوى ثغرها بضيق عندما ذكر سيرة تلك الوجد
طب بتجيب السيرة العكرة داي ليه دلوك ياماهر ماتغور في ستين داهية
طب الحاج سلطان عرف ولا لسه
بس المفروض يعرف داي مرته بردو
لما يرجع يوبقى يعرف ومش هيعرف يعمل لها حاجة ولا يقدم ولا يأخر وياها داي راحت لعشماوي بضمير مستريح بت المؤذيين داي
دي انت مش قابلاها خالص وواضح انك فرحانة فيها
دون أن تنفي ماقاله بل واكدت عليه
ياخراشي دي أني فرحانة فيها فرح داي كانت أذى للكل في البيت دي ومتتصورش هي دلوك أذت اخوي ومرته كد ايه بسبب غلها وحياتهم مه ددة بالانفصال بسببها
ياه هي للدرجة دي كانت عاملة دور مرت الأب
أجابته بتأكيد
يوووه فوق ماتتخيل يالا ربنا يج حمها مطرح ماهي
وأثناء حديثها انسدل حجابها من على رأسها وبانت خصلاتها فردد هو بوله بجمالها
رحمتي شعرك جميييل قووي
انتبهت لحجابها الواقع على كتفها فرفعته فورا وثبتته على رأسها بخجل من عينيه التي اقتحمتها ثم تحمحمت بهمس
هو انت مابتصدق
ابتسم لخجلها ثم أكد عليها
طبعا أصل غشيم اللي ميستغلش الفرص الحلوة في إبداء رأيه بالحلوين اللي معاه
رفعت حاجبها بمكر ثم قالت
الله هو حلال ليك وحرام لغيرك ولا إيه يامتر
نظر إليها بتفحص وبنبرة واثق أكد لها
ايوه اصلك كلك على بعضك بتاعتي يارحمتي
جعلها هامت به وبنظراته المتفحصة له ثم رددت بتمنع
بس لسه مبقتش بتاعتك علشان تحلل لنفسك حاجات متنفعش
أجابها بمكر
طب هو أني اللي كشفت عن سبايك الدهب اللي ظهرت دلوك ولا انت السبب
رفعت حاجبها لمكره ثم هتفت باستنكار
وه وه ! دي انت بتتلكك
