حبي الحقيقي الفصل الرابع بقلم نشوه عادل حصريه وجديده

حبي الحقيقي الفصل الرابع بقلم نشوه عادل حصريه وجديده 

 النهاردة خطوبة ميادة وعماد وكانت تالين واقفة قصاد الدولاب بتختار الفستان لقت نهلة بترن عليها 
تالين: ايه يا حب لبستى ولا لسه؟!
نهلة: تالين انتى بجد هتروحى انا فكرتك بتهزرى ليه بتعملى ف نفسك كده
تالين: لازم اروح لسببين الاول البنت جات لهنا وعزمتنى بنفسها اكسفها يعنى التانى بقى لازم اثبت لنفسى انهم ولا حاجة بالنسبة ليا 
نهلة: طنط موافقة ع الهبل ده؟!
تالين: ايون ويلا بقى البسى عشان انا كمان نصاية وهتلاقينى ادامك 
مسكت تالين فستان كانت لابساه فى فرح ابن خالها وافتكرت لما عماد قالها ان شكلها زى اميرات ديزنى فيه لبسته وحطت ميك اب سيمبل هادى زادها جمال ع جمالها وبعدها خرجت راحت لنهلة اللى اول ما شافتها صفرت باعجاب: يا روحى ع الجمال ده انا مصاحبة بطل 

تالين: بس عيب بقى متكسفنيش الله 
راحوا ع الحفلة ع وقت تلبيس الدبل واول ما لمحتهم ميادة قربت اكتر من عماد وزغرطت ولما شافتهم تالين اتوجعت وقلبها اتكسر والدموع اتجمعت ف عيونها كانت خېانة حبيبها ليها صعبة لكن الاصعب غدر الصاحب 
نهلة: تالين يلا نمشى المكان ده مش شبهنا ولا الناس دى تهمنا انا سمعت كلامك وجيت معاكى وانا اصلا مش مقتنعة
تالين بقوة وهى بتمسح دموعها: مينفعش طالما جينا هنا لازم نبارك وبعدين نمشى 
قربت تالين وقالت: بجد لايقين ع بعض مۏت جوز افاعى واتلموا ع بعض صدق اللى قال ما جمع الا ما وفق 
ميادة: برافو انك جيتى طلعتى شجاعة وقلبك جابك عشان تشوفى بعينك انى انا قدرت اعمل اللى بقالك ٣ سنين بتحاولى تعمليه بين يوم وليلة علقته وحبنى وجه خطبنى أما انتى يا حرام كان معيشك فى دوامة الظروف 
تالين بۏجع مدارى بابتسامة قوة قالت: عندك حق بس التأخير ده كان خير ليا ربنا مأرادش ان جوازى يكون غلطة لكن انتى هتلبسى العمر كله وتعيشى عمرك تندمى وهتعرفى كلامى ده كويس وتحسى بيه لما تشربى من نفس الكأس وتلاقى واحدة تانية اخدته وزى ما سابنى هيسيبك
ميادة : ههههه ليه انت سابك عشان رخيصة اما انا اشترانى بالغالى 
تالين: طب ما تخلينى ساكتة احسن ما مامتك تعرف ان انتى اللى شارية الشبكة بفلوسك 
اټصدمت ميادة...تالين: ايه اتصدمتى ليه انتى مفكرانى عبيطة اوى كده انا عارفة انك عملتى كده بس عشان تضايقينى ومفكرة انك بكده بتكسرينى انا كنت عارفة انك بتغيرى منى من زمان بس كنت بكذب نفسى وبقول لا دى صاحبتى اتاريكى طلعتى الد اعدائى مبروك يا عدوتى هستنى بكرة اقعد جنب الحيطة واسمع الزيطة 
بصت ميادة لنهلة اللى كانت مبسوطة بكلام تالين وقالت: وانتى معندكيش كلمة تقوليها انتى كمان؟!
نهلة: انا لا خالص مبارك يا حية اقصد يا ميادة بس انا متمناش يجى منكم ذرية بصراحة اصل مينفعش نسلكم ده يتكاثر خطړ ع البشرية
تالين: عندك حق هيخلفوا الدجال او نسل يأجوج ومأجوج