نوفيلا يــومــيات مُـــراهــقـه الحلقة العاشرة والأخيرة بقلمي نورهان ناصر

هاله في أصابع يديها وهي تضغط عليهم بينما تردد بتلعثم وصل له 
_ أنا ...أنا لا ده شكله حلم اصحي يا هاله أكيد بحلم.
قهقه منذر وهو يمسح على عينيه وهو يشاهد تخبطها ذلك ليردف ببسمة لطيفة
_لا مش بتحلمي أنا هنا وده حقيقه بصي أنا بديلك فرصه توضحي لي كل حاجه مع إن شبه لمېت بالموضوع بس علشان قلبك يصفالي .
رفعت هاله عينيها له تهتف بنبرة باكيه
_ أنا قلبي مشالش منك أصلا .
تنهد منذر بقوة وهو يقول 
_ من غير دموع ابوس ايدك ما تعيطيش أنا هنا علشان احط النقط على الحروف أنا مش هاعترفلك بحاجه كل حاجه في وقتها حلوه المهم أنا كل اللي هقوله سؤال واحد بس الورقة دي والكلام اللي فيها لمين.
أعقب حديثه وهو يخرج ورقه مطوية من جيب سترته ثم أعطاها لها مسحت هاله دموعها ثم أخذتها من يده و تحدثت بدهشة
_ أنت ... أنت جبتها منين .
بهدوء أردف منذر 
_ هاله لو سمحتي جاوبيني على سؤالي .
عضت هاله على شفتيها من الخجل قائلة 
_ الكلام اللي فيها أنا كتبته لحد غالي على قلبي وبس .
حافظ منذر على ابتسامته وهو يسألها بكل هدوء
_ الحد ده إسلام .
جعدت هاله جبينها بضيق شديد مردفة 
_ لا طبعا أنا محبتوش وقولتلك كدا وأنت مصدقتنيش أنا بس كنت معجبه بشخصيته وكفاحه وإنه طالب مجتهد بس إنما مشاعر حب وكلام ده لا .
أومأ منذر برأسه بخفوت ثم سألها 
_ طيب اقدر أعرف الحد ده مين .
ضغطت هاله على شفتيها وبهمس قالت
_ هاقولك في الوقت المناسب لو حصل نصيب يعني .
ببسمة لطيفة هتف منذر 
_ هايحصل بإذن الله شوفي كدا الكتاب ده .
_ قبل ما اخده وأشوف اللي فيه الحاجات اللي كتبتها دي لمين وانت حبيت نرمين فعلا ولا لا .
نظر منذر لعينيها مبتسما وهو يرد على سؤالها 
_ زمان قولتهالك وهاعيدها تاني حواء بتمثلها أنثى واحدة بس من اربع حروف ومطلعه عيني ولو بحب نرمين بعمل ايه هنا يا متخلفه أما بخصوص كتاباتي فأنا هقول نفس اجابتك في الوقت المناسب هقولك خدي الكتاب بقى
أخذته من يده وما إن فتحته وقعت عينها على خاتم خطبة جميل يتوسط زاوية مربعة من الكتاب واسفلها جملة مزركشه
موافقة تكملي حياتك معايا ونجيب بجرة صغيرة نوسع انتاجنا 
ضحكت هاله بشدة وانسابت دموعها وهي تطالعه بعيون دامعة
_ رومانسيتك بتبهرني يعني اتوقعت تكون كاتب حاجه حلوه كدا إنما أنت محدش يتوقعك.
وضع منذر يده خلف عنقه قائلا بنبرة هادئة
_ المهم موافقه ولا .
بخجل أومأت برأسها تاكيدا .
_ هششس ولا صوت وحشتيني على فكره .
نظرت هاله إلى باب الغرفه المفتوح وهي تقول بتوتر وخجل 
_ منذر حد يشوفنا الناس .....
_ اياك تجيبي سيرة الناس دي تاني يولعوا الناس أنا استنيت اللحظة دي من سنيين طويلة عارفه يعني إيه أنا اتسحلت جنبك وعذبنا بعض وبعد ما كله انتهى جايه تقولي الناس احنا خلاص كلام الناس ده يبلوه ويشربو 
قالت هاله وهي تشعر بالخجل
_ يا منذر بابا هنا و ....
_ بلا بابا بلا ماما أنت مراتي فاهمه يعني إيه يعني ما اسمعش صوتك خالص 
ضحكت هاله بخفوت 
_ احنا كاتبين الكتاب انبارح يدوب ها 
_ ما احنا بنستعد 
طالعت عينيه بعمق مردفة بحب شديد
_ مكنتش أعرف إنك بتحبني أوي كدا .
_ ده أنا بعشقك يا بجرة عشق الجاموسه للبرسيم .
ابتعدت عنه
هاله ترمقه بنظرات ساخطة وملامحها كلها مشمئزه ليضحك منذر عالي 
_ بهزر معاك بجيتي قفوشه أوي .
بانزعاج تمتمت هاله 
_ يعني انت تكتبلي اشعار وقصائد وخواطر على الورق ولما تيجي فيس تو فيس يبقى ده غزلك ليا لا مش لاعبه سيبني بقى .
أخرجها منذر من حضنه وهو يكوب وجهها بين كفيه مردفا وعينيه على خاصتها 
_ كل الحب اللي في قلبي ليك مش هتحتويه مجلدات ولا كلام يلخصه حبك كبير يا هاله حبك متلبسني ومسيطر عليا أنا بعشقك يا بنت الناس الطيبه.
أسندت هاله رأسها على كتفه وهي تقول بعشق 
_ أنت الملجا اللي بلجاله لما الدنيا تضيق بيا أنت الحضن الدافي اللي بستكين فيه أنت حبيب عمري يا منذر.
_ أنت الراحه اللي بدور عليها من زمان أنت جنة منذر على الأرض بحبك يا هاله .
النهاية 
بقلمي نورهان ناصر.
رساله من هاله
الحب جميل جدا وما أحلاه إن كان عفيفا طاهرا مشاعر صافيه بدون ذنوب واثام احفظي قلبك أختاه واتق الله في عائلتك واتق الله في نفسك فانت عزيزة لا ترخصي من نفسك تحت مسمى الحب انتظري وسيايتك عوض من الله لا تستهلك مشاعرك على من لايستحق عيشي حياتك ولكن ضعي الله أمامك في كل خطواتك وكما ستراعي حدوده وشرعه سايرعاك .