لبنى_السريعة صبا_صبا كوميدية_كاملة حصريه وجديده وكامله جميع الفصول

لبنى_السريعة صبا_صبا كوميدية_كاملة حصريه وجديده وكامله جميع الفصول 
ولك يلا قووومي...بعدك مخمودة!!....الدنيا صارت الظهر وانتي بالفراش...ارحميني طلعت ريحتك... قومي علينا شغل متلل ...الله يصبرني عليك وعلى ابوك
طبعا بدون ما اعرفكم...اكيد عارفين الشخصية التي تقوم بهذا الدور
اه هي ما غيرها نبعووو للحنان كلو
_يا امي..يا حبيبتي والله الساعة بعدها مش صايرة ٨...هو انا ما صدقت وانا اتخرج عشان انام شوي..حراااام علييك
_يحرم جلدك عن عظمك..تخرجتي وقاعدة بخلقتي مثل كفة الهم..قومي شوفيلك شغلة بالدار احسنلك..يلا فزي

عادي ..عااادي لا تزعلوا علي..اصلا انا متعووووودة دايما هالموشح كل يوم بسمعوو وانا والحمد لله تمسحت
هس خليني اروح اطس وجهي بشوية مي وامزع شعراتي لفوق وارجع اعرفكم على حالي وعلى عائلتي الكريمة
انا لبنى ٢٢سنة ونص...متخرجة من الجامعة مثل ما سلف وحكيت....وبنظر امي اني قاعدة بخلقتها...
خواتي الأكبر مني ثنتين تزوجوا والي اخ فصعون يزن بس لسانه اطول بكثير منو...أبوي شخصية صامتة بحبش كثرة الحكي..احيانا اذا حكيتله صباح الخير بقولهو كل يوم
لهيك بنحكيلوش صباح الخير الا يوم الجمعة
وطبعا حصللكم الشرف وتعرفتوا على أمي وسبب حقدها علي..إني رفضت كل العرسان الي تقدمولي... بديش اتجوز ...يا عمي فش عريس زابط مع مخي...أنا بدي أحبوأعيش بقصة حب..مش هيك خبط لزق اتجوز...من الباب للطاقة....وبسبب قراري هاد بتحمل بكل البهادل والټعذيب المعنوي الي بتعملوا معي امي
بس المشكله من وين بدي أجيبه هالشخص
طول نهاري بالدار لا بطلع ولا بنزل الا عند جارتنا تحت..ام محمد أشحد من عندها غراض لامي لما تنزنق بالطبخ
ولما بدي اتنفس بطلع على البلكونة....وهي هاااي البلكونة الي جابتلي فارس احلامي
بعد ما سمعت موشح إمي وحكمت علي أعزل الدار واجلي الجليات وأقشر البصلات للمجدرة...طلعت اتنفس من ريحة البصل الي خنقتني على البرندة وأراقب الرايح والجاي.....وبهاي اللحظة وقفت سيارة سوداقدام عمارتنا...هس مش مهم السيارة...المهم هو الي طلع من السيارة سبحان الخالق...ما هذا يا قوم!!إنس والا جن!!
لاا....ملاااك ملاك ونزل...شب بنظارات سودا...شو طووول!!!شو أناقة!!!شو لباقة!!
بنقط حلاوة...طبعا انا صافنة وناسية ثمي مفتوح من الانبهار
والمفاجأة انو فات وينعلى عمارتناكان جاي عبالي اركض وافتح الباب واقعد على الدرج لأشوف وين رايح!
مهو خلص...خلص لقيته هو هاااظ الي بدي اعيش قصة مسلسل تركي معه
بس طبعا امي قطعت حبل افكاري بصوتها_لبنى...لبنى..ولك وين اختفيتي
الجزء_الثاني
_على البرندة يما وين بدي اروح يعني!
_شو بتعملي قاعدة!!ما تفوتي تساعديني ها!!
_بشم هوا الجو هون بجنن...بيوخذ العقل...بسحر...بسطل..
_شو هو هاظ الي بسطل ولك
_الجو يما..الجووووو...حلووو عالآخر
_اي جو هاظما الدنيا سكعة والهوا بارد...فوتي
_بالعكس...هون الدفا كلو يا حبيبتي يا مامي
وهون ما لقيت حالي الا مشحوطة من شعراتي لجوا وماسكة سکينة وبفرم سلطة
إجى وقت الغدا وروح ابوي وتجمعنا على الطاولة بدنا نوكل...او بالأحرى هم بيوكلوا وانا الي واكل عقلي مين هالشب...ولشو فات على العمارة
يعني ما في بالعمارة غيرنا..وتحتنا ام محمد واستبعد انو الها قرايب حلوين
والشقة الي فوقنا فاضية!!
وإجاني الجواب
عالبارد المستريح
يزن_يابا تأجرت الشقة الي فوق...بدو يسكن فيها شب ..اليوم إجى شافها لحتى ينقل اعراضه عليها....
وطبعا ابوي اكتفى بهز راسه
واناااااا.....يا حلااااااااااوة
بدو يسكن فوقنا...يعني االدرج مشترك...يعني هالدرج رح يصير بؤرة عشقنا..أوووويلي من مجرد الفكرة شبعت...ومن الحماس شلت الصحون عن الطاولة حتى قبل ما يشبع ابويوجليتهم...وابوي من قلة كلامه ما كلف حاله يقول بعدني بوكل
واول ما خطړ في بالي اروح اتحمم واتمشط...خلص وداعا للعفونة..مهو بالعادة بتحممش الا لما إمي تشحطني شحط عالحمام...لما يطلع على جلدي ملح من العرق
بس هيك بزبطش...لازم أشرق...وأنور..وأتلألأ لحتى يلاحظني..لحتى يوقع بشباكي...
وحملت ليفتي ومنشفتي ودخلت الحمام وسط علامات صعقة على وجه امي
معقووول لبنى تفوت تتحمم بدون ما ازن