رواية انا واميراتي بقلم سيرين أحمد من البارت السادس والعشرون حتى البارت الثلاثون حصريه وجديده

وهو يقود السيارة وايدو عليها نور نور انا اسف ما كان قصدي تبكي نور سامعيتني نور
وللمرة الثانية بتفاجأني وبتلف وعيونها بعيوني طلقني بترجاك
خالد 
نور بصوت مخڼوق لو سمحت
خالد ماشي زي ما بدك بس اهدي 
نور بجد
خالد اه الصبح ببنزل اذا بدك
نور وقف السيارة
خالد هون
نور اه لو سمحت 
خالد لوين
نور هيني هون بدي اخذ نفس
خالد ماشي
من فترة منيحة بعرفها كل الصفات السيئة بالعالم فيه او بتحاول تكون فيه بس الصراحة اڼصدمت وقت شفتها بهاي الحالة وزادت صدمتي وقت نزلت اشوف وين راحت لقيتها قاعدة على الرصيف جسم بلا روح كانت سرحانة بمكان ما قدرت اعرفو نزلت وقعدت قدامها لحاول اطمن قلبي عليها بس كانت تحكي من دون تركيز أو من دون وعي
نور وانا بحبو بتعرف شو نفسي نفسي يرجع الزمن لورا واصحه من النوم يكون كلو حلم نفسي هداك اليوم بابا ما يكون طلع من البيت وراح لعندها نفسي كل شي ينتهي زي السراب ولفت عيونها علي فجأة لتنقزني بتعرف اوقات بس ينامو كلهم بوقف على الباب بستنى يمرق بكون كتير مشتاقة اشوفه كنت بحسو بحس اني واقفة وبيجي لعند الباب بس انا بسكر قبل ما يوصل وبقعد اطلع على وجهو من العين السحرية وقتها بكون كتير مشتاقة لملامح وجهو خالد انا كتير اشتقتلو احكيلك انا صح عصبية وعنيدة ولساني طويل بس بحبو وبحبهم كلهم بس انا زعلانة منو ليش ليتركني ليش تزوج على ماما وۏجعها ليش وافق يطلقها ويتركنا هو لو ما طلقها ما تركنا 
خالد يمسح دمعتها وهو بحبك بس اوقات مشاكل بين لكبار بوقعو ضحيتها لصغار بس مش يعني اذا راح يعني ما بحبك مش يعني إذا طلقها تركم انا خبرتك لو ما بحبك ما اهتم لامرك صح
نور لو بحبني ما تركنا نطلع من الصالة لو بحبني كان يوم عرسو وقت طلع عندها ما خلاني اضل صاحية الفجر وانا استنى فيه هو بحب صابرين وولادها ما بحبنا احنا
خالد ويمسح دموعها الي بتنزل منها وهي مش واعيه على حالها هاد الحكي من سنين لليوم ما نسيتي
نور تسلط عيونها بعيونو لا لاني بكيت كتير يومها بتعرف وين بكيت يومها مشان ماما وخواتي ما يشوفوني بكيت بالمدرسة ورا باب الحمام بس انا كنت كتير موجوعة
خالد نور
نور هااا
خالد لا تبكي
نور انا إنسانة مش سيئة انا بجد مش زي ما انا مبينه
خالد يمسك أيدها ويطبطب عليها بعرف انا بعرف هاد الحكي
نور وانا ما بدي ازعلك خلص ما عاد بدي اعمل شي اعملو الي بدكم اياه خلص انا ما راح اعصب ولا ازعل حدا انا تعبت كتير نفسي انام خالد نيمني 
خالد نور نور سامعيتني
نور جيبو
خالد مين هو
نور بابا خلي يجي بدي اشوفة اشتقتلو
خالد يا ربي شو بصير معها طيب هلا بجيبو
نور لا لا لا تجيبو ما بدي إياه
خالد طيب خلص قومي
نور بشرود وين
خالد قومي معي
نور وين بدك توخذني
يتبع
الجزء ٣٠
دقت قلب
خالد نور خلص بكفي بكى وصلنا
نور وين انا
خالد اطلعي فيه
نور تلف عليه وعيونها بعيونه نعم
خالد انتي بتوثقي فيه
نور 
خالد جاوبي
نور ما بعرف
خالد 
نور يمكن
خالد طيب شوفي هاد بيتي وبدي ننزل تغسلي وترتاحي شوي وتشربي شي لتهدي مشان اقدر اروحك
نور بيتك
خالد أه
نور بنظرها عليه من برا كيف بدك ادخل معك البيت لحالي
خالد انا ما راح اعملك شي بس بدي تصحصحي لتقدري تروحي الوقت تاخر كتير
نور بهدوء روحني عادي انا منيحة
خالد انتي متأكدة انك منيحة
نور أه
خالد طيب يعني ما بدك تنزلي
نور لا طبعا
خالد طيب خليكي هون ولا تفكري تنزلي ماشي وسكري الباب منيح
نور وين بدك تروح
خالد ما بطول هيني جاي
نور خالد وين
خالد بدي اجيب شغلة وبرجع بسرعة تمام
نور طيب لا تتأخر
خالد ماشي

ما قدرت افهم مشاعري يومها هو شفقة 
بس لا كان شي مختلف 
يمكن احساس انها جزء مني
كمان لا لا
طيب أمانة
كمان لا
شو هل احساس الي خلاني اركض بالبيت لاعملها شي يروقها وأحمل بيدي كذا غراض وارجع بسرعة بس لاني خاېف تروح أو ضل لحالها برا وقت وصلت كانت على نفس القعدة ونفس لعيون الحزينة والدمعة الي ما وقفت على لنزول ولمرة ثانية بس فتحت الباب من جهتها اعطتني نظرة ما فهمتها
هي شكرا ولا خجل ولا شي ثاني هل بنت بدها تقلب كياني وتسمح لقلبي يدق لأول مرة 
خالد تعالي
نور وين
خالد هون
نور خالد انا كتير تعبانة روحني
خالد بدي اروحك بس قبل لازم ترجعي لنور
نور نور 
خالد أه نور الي الكل بعرفها هاي نور الي قدامي ما بدي حدا يعرفها ولا يشوفها غيري تمام هاي الدمعة ما بدي حدا يشوفها ولا يمسحها غيري 
نور ليش 
خالد ما بعرف
نور 
خالد يلا تعالي
نور تنزل وتقف معو على جنب ومن دون وعي شافت ايد خالد فيها مي على وجها وكان يحطها بطريقة لطيفها يمكن ايدو أو المس او حنيته قدرت توعيني 
خالد يمد البشكير الها خذي
نور شكرا
خالد وهي مي باردة اشربي شوي
نور خالد انا منيحة
خالد بعرف بس ردي علي
نور طيب شكرا
خالد وهي اخر شغلة يلا اشربيها
نور وشو هاد كمان
خالد عصير ليمون راح يروق اعصابك
نور مبتسمة شكرا
نور تقعد على الرصيف وتشرب وهي خجلانة انا شكلي حكيت كتير
خالد يقعد جمبها لا حكيتي الي بقلبك
نور تفكرك الكاسة بيدها بتوتر بدك تحكي لحد شو حكيت
خالد لا طبعا انا خبرتك الي بقلبك وهاي الشخصية ما بدي حدا يعرفها غيري
نور بنظرة توتر وخجل 
خالد يلا
نور يلا
خالد يقف ويمد ايدو يساعدها 
نور تضع أيدها بيدو وتوقف شكرا
خالد لا تحكيها بينا ما في شكرا

ثاني يوم
ريم دخلت بعصبية لغرفة نور لساتك نايمة
نور ماما شوف في
ريم شو في قومي لاشوف
نور ماما انا تعبانة شو بدك
ريم ابوكي برا بدو اياكي
نور تجلس قعدتها بابا شو بدو
ريم تعالي بتعرفي معك ثواني تكوني وراي اه وخالد ومحمد معو البسي شي مستور
نور خالد طيب ماشي

شو صاير ليش اجو كلهم انا شو الي عملتو بحالي اوففف
نور تدخل وعيونها على كل الموجودين
نور صباح الخير
مرح منفعلة خير انتي بيجي من وراكي خير كنت عارفة انك راح تخربي سعادتي الله لا يسامحك
مهند مرح شو هل حكي
مرح شو مش هاي الحقيقة مش من الي عملتو مبارح حماتي اجت وطلبت نفسخ الخطبة انا شو ذنبي اذا هي معقدة تروح ادمر حياتها انا ما دخلني
محمد مرح خلص انتي شفتيني رديت عليه انا فهمتك اتركيها تعمل الي بدها إياه وبترجع تروق لحالها 
مرح اه بس لو هي ما راحت وحكت الي حكتو امك ما اجت وطلبت نفسخ وحكت انو احنا عيلة ما بتاسبكم
مهند مرح الي صار صار وهي محمد معك وانا راح احكي مع عمك خلص اهدي
نور بنبرة مسخرة كل هاد مشان حماتك اجت وسمعتك كلميتن يا اختي روقي شوي علي وصوتك الحلو وطي اوكية
مرح شوفو شو بتحكي هاي شو بدها لسا
نور تقرب بكل ثقه منها بدي تفتحي عيونك يا حلوة انا عملت شي بخصني انا وبخص خطيبي انتي وخطيبك شو