قاسى بقلب ملاك البارت الثانى والثالث بقلم دودو محمد حصريه وجديده

وقفت اخدت نفسها وبعدين خبطت على الباب 
صقر من جوه ادخلى
ورد فتحت الباب وهى متوتره 
صقر ادخلى واقفلى الباب وراكى 
ورد ح ح.حاضر ودخلت وقفلت الباب 
صقر وقف وراح عندها وقف قصادها وقال بعصبيه ممكن افهم ايه اللى حصل من شويه ده 
ورد خاڤت وقالت ق ق.قصدك ايه 
صقر الضحك مع محمد 
ورد ط ط.طب فيها ايه محمد زى اخويه وهيبقى جوز اختى وفوق كل ده ابن عمى 
صقر مسكها جامد من دراعه وداس على سنانه وقال آخر تحذير ليكى اياكى اشوفك بتتكلمى ولا بتهزرى مع اى راجل تانى فاهمه 
ورد وهى الدموع فى عينيها من شدة الۏجع من مسكت أيده هزت راسها وقالت ح ح.حاضر 
صقر بعد أيده عنها واداها ضهره وقال روحى الاوضه ومتنزليش منها 
ورد حاضر وفتحت الباب وطلعت تجرى على اوضتها واترمت على السرير وقعدت ټعيط 
صقر غمض عنيه وقفل صوابع أيده دليل على عصبيته وحاول يهدى نفسه
ورجع قعد تانى على المكتب ومسك تليفونه وطلب عدة ارقام وانتظر الرد وبعد ثوانى سمع الرد 
ساهر اذيك يا ابنى فينك من زمان 
صقر كويس يا ساهر انت عامل ايه 
ساهر الحمدالله ايه اخبارك 
صقر اتجوزت من كام يوم 
ساهر اتجوزت اللى هو ازاى يعنى مأذون وعروسه وفرح وډخله وكده يعنى 
صقر وحياة امك امال هيكون ايه يعنى
ساهر وازاى متقوليش ولا تعزمنى خساره فيك العشره من ايام الكليه 
صقر مش وقت كلامك الاهبل ده اسمع عايز اقولك ايه انت هتنزل تدور على شقه عندك فى القاهره تكون حلوه ومناسبه اعيش انا ومراتى فيها وتكون قريبه من الجامعه وبأسرع وقت انجز وقتك وبلاش قلبك البارد ده 
ساهر بفرحه يا صلاة الزين ياصلاة الزين قررت تيجى تعيش هنا خلاص 
صقر لا يا ابو مخ تخين 
ساهر الله امال ايه ما تنطق علطول 
صقر حاجه متخصكش 
ساهر تصدق انا لحد دلوقتى مش عارف مستحملك على ايه ده انت بنأدم لا تضاق الله يكون فى عون تعيست الحظ مراتك 
صقر بعصبيه ساااااااااااااااهر
ساهر خاف وقال احم خلاص خلاص العرق الصعيدى طلع هخلص وارد عليك 
صقر قفل فى وشه من غير ولا كلمه وقام طلع الاوضه وكانت ورد نامت على السرير من كتر عياطها ومسكه دراعها مكان ما هو مسكها منه عدلها على السرير وجاب ملايه وغطها وشال ايديها من على دراعها وشاف أيده سايبه اثر على دراعها قرب 
ورد بتفتح عينيها شافت صقر قصادها قامت مفزوعه وقعدت على السرير وضمت رجليها وهى خاېفه 
صقر صعبت عليه ورد وقال متخفيش مش هعملك حاجه ولسه هيقرب أيده من خدها يمسح دموعها 
ورد خاڤت وبعدت وشها عن أيده اعتقاد منها أن هو هيضربها 
صقر اتعصب لما شافها خاڤت منه قام ومسك تحفه فخار وحدفها فى الارض يخرج عصبيته فيها 
ورد خاڤت اكتر وكمشت على نفسها اكتر 
صقر بصلها وهو الشرار يتطاير من عنيه وفتح الباب وخرج ورزعه وراه 
ورد انتفضت من مكانها على صوت رزعت الباب ودموعها نزلت اكتر منها
عند صقر 
نزل وهو متعصب يتمشى فى البلد ويشم هواها المنعش وصل للأرض بتاعتهم قعد قصاد الزرع وشرد فيه وقعد يفكر فى حاله هو وورد وشاف نظرت الخۏف اللى كانت ورد بتبصها ليه غمض عنيه پألم واتمنى لو كان واحد فقير عادى مش وراه مسؤوليات ولا كان كبير عيله من أكبر عائلات الصعيد كان قدر يتعامل ويحب ويتحب
عادى اتمنى لو كان شخصيته غير كده ويكون هادى ويقدر يتحكم فى أعصابه قعد يتمنى لو كان عنده الجرأه اللى يقدر يروح بيها لحب عمره ويعترف ليها بحبه وعشقه ليها من صغرها رغم أن الكل بېخاف منه ويتمنى رضاه الا وهو يتمنى رضا شخص واحد فى حياته ورد فهى كانت وستظل محبوبته طفلته المدلله يتمنى لو كان يقدر يضمها فى حضنه ويداعب خدودها ويقولها عن مشاعره المكبوته جواه ولكن ليس لديه الجرأه الكافيه الذى يبوح بيها عن ما بداخله
قعد يتمنى ويتمنى ويتمنى ولكن سريعآ مارجع لحاله وانتبهى أن الوقت سرقه والليل بدء يعلن عن وجوده فى سماء الصعيد قام وقف ورجع تانى الدوار لكن اتفاجأ بخروج ورد من الاوضه وتواجدها فى نفس مكان اخوه محمد 
ورد اول ما شافت صقر خاڤت واتوترت والكلام هرب منها ولما شافت نظرت صقر ليها حست أن هو هيقطع جسمها وهيرميه للكلاب ومره واحده حست أن الدنيا اسودت ومحستش بحاجه تانى 
صقر اول ما شاف أن ورد بدءت تفقد توازنها وان هى هتقع على الأرض طلع يجرى عليها وبدل ما تقع على الأرض وقعت فى حضنه وصړخ بأسمها وقال وررررررررد 
يتبع