قاسى بقلب ملاك البارت الاخير بقلم دودو محمد حصريه وجديده

يواعد النعسان ومايطولش
ولسه هتقلب الصفحه تانى لاقت الباب بيفتح حطت المذكرات بسرعه فى الدرج وقفلته ومسحت دموعها وقالت 
ورد كلمت جدى 
صقر ايوه ومعترضش
ورد تمام 
صقر مالك يا ورد شكلك معيطه انتى لسه زعلانه من اللى حصل 
ورد لالالا خلاص والله انا نسيت اللى حصل 
صقر امال مالك 
ورد بأبتسامه مفيش 
صقر قرب منها وبص فى عينيها وقال ورد انا عايش فى الدنيا دى علشان اسعدك مش عايز اشوف دموع فى عينيكى ولا حزن على وشك فاهمه 
ورد هزت راسها بمعنى ايوه وحست نفسها عايزه تترمى فى حضنه حضنته جامد ودموعها نزلت منها 
صقر اتفاجئ من حركة ورد بس كان مبسوط ضمھا اكتر ليه وبسها فى راسها وقال علشان خاطرى بلاش دموع 
ورد مسحت دموعها وقالت دى دموع الفرحه يا صقر انا مبسوطه اوى 
صقر يارب دايمآ يا ورد تكونى مبسوطه والفرح مالى قلبك 
ورد بعدت عنه ومسحت دموعها وقالت هنمشى دلوقتى ولا شويه 
صقر لو خلصتى نمشى دلوقتى 
ورد امم خلصت 
صقر طيب يلا بينا 
ورد يلا شبكة ايديها فى أيده 
صقر بص على ايديهم وبعدين بص على ورد وابتسم ومشى وهو وهى وفتحو الباب ونزلو مع بعض سلمو على الكل ومشيو ركبو العربيه
فى الطريق 
وقف الصقر العربيه على جنب 
ورد وقفت ليه 
صقر انزلى 
ورد ليه 
صقر انزلى ناكل مأكلناش حاجه من الصبح 
ورد الصراحه انا بطنى بتصوص من الجوع 
صقر ومقولتيش ليه 
ورد انا قولت استنا لما نروح اعمل اكل فى الشقه
صقر لا بعد كده لما تحتاجى حاجه تقوليها علطول
ورد حاضر
وبعد كده نزلو الاتنين من العربيه ودخلو المطعم وطلبو الاكل 
ورد صقر 
صقر نعم 
ورد شكرآ بجد على كل اللى عملته علشانى
صقر ضحك وقال انتى اللى بتشكرينى ده المفروض انا اللى اشكرك انك لسه معايه بعد كل اللى حصل منى وشكى فيكى انا بجد ندمان على كل فعل عملته وكل كلمه قولتها انا اسف يا ورد 
ورد مسكت أيده وقالت متتأسفش يا صقر انت اصبحت حاجه كبيره اوى بالنسبالى وندمانه على كل تفكير فكرته فيك وحش وعلى كل لحظه حاولت ابعد عنك فيها 
صقر كان فرحان اوى بالكلام ده ومسك ايديها وبسها وقال تعرفى يا ورد ان انا معاكى ببقى بنأدم تانى خالص كأنى طفل صغير عايز حنان امه طفل خالى من الهموم والمشاكل طفل اللى ابتسامة امه بتخليه يضحك من قلبه بنسى معاكى أن انا صقر الأنصارى كبير العيله وبفتكر بس صقر الشاب المراهق اللى نفسه يدوق حلاوة شفايفك وينعم فى عسلك بترجعينى شاب مراهق عايز يعيش مراحل المراهقه معاكى انتى انا ببقى حاجات كتير فى بعضها طول ما انا جنبك
ورد اتكسفت وخدودها احمرت 
صقر بعشق كسوفك ده ولما خدودك تحمر ببقى نفسى اكلهم اكل ورد انا بحبك اوى ويمكن كلمة بحبك قليله اوى عليكى انا بعشقك بكل كيانى انا بتنفس هواكى انا محتاجك اوى يا ورد جنبى اوعى تبعدى وتسبينى 
ورد مقدرش ابعد عنك يا صقر علشان انا كمان بحبك 
صقر مصدقش نفسه ومن الفرحه قام شالها ولف بيها 
الناس كلها صقفت ليهم وقعدو يصفرو 
ورد صقر نزلنى الناس بتتفرج علينا 
صقر خليهم يشهدو على قصة حبى ليكى ونزلها وقعدو اكلو وبعد كده ركبو العربيه وبعد وقت طويل وصلو بالعربيه مكان البيت وكانت ورد نامت 
صقر نزل من العربيه وقفل الباب وراح فتح الباب من اتجاه ورد وشالها وقفل الباب برجليه وطلع الشقه وفتح الباب ودخل على اوضت النوم وحط ورد على السرير ولسه هيمشى 
ورد مسكته من أيده وقالت خليك يا صقر نام على السرير 
صقر بفرحه جنبك 
ورد هزت راسها بمعنى اه 
صقر نام