رواية مبيشبه_جنونك_حدا البارت السابع بقلم تيما_غزال حصريه وجديده

ممكن تهدني ..انت تركتي فيي أثر ما بينتسى ..علمتيني القوة ..وانو من ضعفي بخلق قوة ..بحياتي ما رح انساكي ولا انسا ضحكتك وغمازتك ..لو فرقتنا الأيام والأشهر والسنين رح ضلي محفورة بقلبي ..وتأكدي انو لو اجتني بنت ..رح سميها ع أسمك ..بوعدك ..
حكت آخر كلمة وحضنت الصورة وحكت ونا كمان بوعدك ..بس انا قلبي مستحيل يحب حد متلك ..كيف بدو يطلع ع حد من بعدك ..عيوني مو شايفين غيرك ..ولو أحلى شباب الدنيا اجو ليطلبوني ..عيوني معميين متل ما بقولو الحب أعمى !
صحيت الصبح لبست بلوزة سودة وبنطلون كابوي وبوت زهري فاتح وربطت شعرها ولبست شنتتها الزهرية وطلعت ..
امها بنتي تأخرتي عن الجامعة ليش
آية امي شو أعمل راحت علي نومة ..
امها يلا بسرعة روحي ..
دخلت آية ع المحاضرة ..
الدكتور شو ست الحسن آية لو أجيتي بعد ما خلصت المحاضرة احسن 
آية راحت علي نومة ..
الدكتور طلعك لبرا 
آية متل ما بدك ..ولا قلك ستنى ستنى ..انا بطلع بكرامتي أحسنلي ..اما عالم ..
طلعت وسكرت باب القاعة بقوة ..كانت مو نايمة طول الليل لأنو اليوم عيد ميلاد ينال ضلت عم بتفكر فيي وما عرفت تنام ..والصبح يجي الدكتور يتفلسف عليها ..واساسا لو دخلت ع المحاضرة كان نامت فيها وتقلعت ..
مشيت آية برا القاعة مو عارفة لوين بدها تروح ..فجأة سمعت صوت من وراها ..
يا آنسة أسوارتك وقعت ..
آية دق قلبها بقوة ..لفت وجهها ..كان شخص أسمر ..عيونو عسلي ..طويل وشعرو مرفوع بطريقة حلوة ..مادد أيدو لجهتها وفيها الأسوارة ..
آية وهي ما عم تصدق عيونها وعم ترجف والدموع تبعت بعيونها يي نن اال
يتبع