رواية مبيشبه_جنونك_حدا البارت السابع بقلم تيما_غزال حصريه وجديده

آية قامت معها ..نزلت دمعة من عيونها البريئين 
ضلت عم تنقل بصرها ع تفاصيل وجهه آية ..بعدها وأخيرا ابدت ردة فعل وحضنت آية وحكت وهي عم تبكي بصوت بقطع القلب .. ماما آية ..
آية بكيت معها وحكت عيونها يا عيوني ..
عمر طلع لبرا وتركهم لحالهم ..
نيسان بلشت تضربها ضربات خفيفة بكل ما بتحمل نيسان من قوة وتحكي وين رحتي ..ليش تركتيني لحالي ..لييشش..
آية ولله ما كان بأيدي ..يا عمري ..بس ليكني رجعت ..
نيسان ليش ما تصلتي وسألتي عني لهدرجة ما بهمك انا
آية قعدت ومسكت نيسان من أيدها برقة وحكت بهديك الليلة ..ليلة عيد ميلادي خطڤوني ..وعشت بعيد عن هون ..ما في تلفونات ولشي ..كلشي هنيك ممنوع ..لو تعرفي قديش بكيت حړقة وشوق لألك ..
نيسان بكيت أكتر وحضنت آية ..
آية أي صف صرتي يا حلوة 
نيسان صف تالت ..
آية ولله وكبرتي يا صغيرتي ..
نيسان قامت من مكانها وفتحت جارور نيسان وطالت صندوق..
آية شو هاد 
نيسان فتحي بتعرفي ..
آية فتحت الصندوق لقيت هدايا ورسمات ورسائل ..فتحت رسسالة منهم وبلشت تقرأ كان الخط كبير والحروف مبعدة عن بعض .. ماما آية اليوم عيد ميلادك ..كل عام وأنت بخير ..رح ضل استناكي لا ترجعي ونتحتفل بعيد ميلادك مع بعض ..
كان في ظرف فتحتو كان في تلاوين خشبية صغار ..
كانو هدايا بسيطة كتير شرتهم نيسان من مصروفها ..بس فرحت آية فيهم كانت كبيرة كتير ..
نيسان شايفة هاي الهدية قبل سنتين وهديك قبل سنة وهديك هديك الزرقا قبل اربع سنين خبيتلك ياهم لأنو كنت عارفة أنو رح ترجعي ..
آية يا عمري انت..
حكو مع بعض شوي بعدين 
آية نيسان شو رأيك نام
نيسان لا لا ما بديي ناام ..
آية لليش
نيسان بخاف أصحى ما لاقيك جنبي ويكون كل هاد حلم ..
آية هاد مو حلم حقيقة ..بوعدك تصحي تلاقيني حدك ..
نيسان بخاف قلتلك ..
آية ايمتى وعدتك وخلفت بوعدي
نيسان ماشي ..تصبحي ع خير ..
آية وانت بخير ي صغيرتي ..
نامت بحضن آية والصبح صحيت نيسان لقيت آية نايمة حدها ..باستها من خدها وصحيت آية عليها ..
مرقت الأيام والشهور والسنين ..وآية صارت سنة تالتة بالجامعة ..وصار عمرها تلاتة وعشرين سنة ..رجعت لحياتها وتأقلمت ورجعت الضحكة والفرحة للبيت من أول وجديد وكأنو نردت الروح لألو..رجعت لرفقاتها بس في حلقة ناقصة بحياتها ..كانت تخليها بكل لليلة تبكي ..وتحضن هديك الصورة وتخبيها بقلبها ..كان قلبها مشتاق لحدا حبو وعشقو ..
وكان صاحب هالحب الكبير شي أكيد ..ينال ..كانت تنام وهي حاضنة بلوزتو وتلبسها معظم الوقت لأنو ريحتو عليها ..وتحضن الصورة الي تصوروها مع بعض ..وهمي عم يضحكو وأجت عفوية ..وعم تقرأ المكتوب وراها بقلب موجوع .. واليوم آية بغرفتها ..حاضنة البلوزة وعم تقرأ المكتوب ورا الصورة ..للعلم انو بجوز هي المرة المليون او الأكتر ..والصورة بتشهد ..آية صارت حافظة الكلمات عن غيب ..بس بكل مرة بتقرأها وپتبكي ..وبنفس الغصة الي بقلبها .. رجعت قرأت هاي المرة بس بصوت مسموع مجنونتي ..كنت عارف انو رح تاخدي هي الصورة لهيك طبعت منها كمان نسخة ..وليكا معي ..لو تعرفي هالصورة قديش غالية ع قلبي ..وقديش انت غالية عندي كمان ..بجوز نستيني او ما قدرتي تنسيني ..بس بدي ياكي تعرفي انو مستحيل انساكي ..اكيد بتحكي متى لحقت تاخد الصورة ..لما كنت تحت عم بتساعدي بالعيلة اخدتها وكتبت ..والدموع بعيوني ..بجوز كنت قوي قدامك بس من جوا ضعيف ..ضعيف لدرجة نسمة هوا ضعيفة