رواية جريح_الصمت_ياقلبي للكاتبة_ضاقت_انفاسي الفصل الاول رواية_خليجية حصريه وجديده
أحد من القرية خطبها .. وأول ما لقى هالرجال دبسه فيها!!
ايه حسبها بعقله الرجال أهله ماتوا وما عنده أحد يشوفها قبل الزواج ويرفضها من قريباته...وفوق هذا يقولون ما معه أي إثبات شخصي ..يقولون لما صار السيل كل معلوماته راحت بالمويه
نوره باستفسار وش رح يعملون
ام سلمان وهي تعدل شيلتها لما يطلع المختار للمدينة رح يروح معه ويجدد أوراقه ومن هناك يثبت المختار زواجهم بالاحوال
وباستدراك نطقت ما هو مهم كل بنات القرية يتزوجن كذا ما له داعي هالاوراق ينقعهم ويشربهم مويتهم المختار!!
ام سلمان تثاوبت بنعاس ما يحتاجون الا لما يبغون يسجلون العيال ....هالمعثر ما وقع حظه إلا معى خزامى وش رح يطلع عياله!!
نورة بحسره لو شفتيه يا يمه شخصية يعني فرق فرق بينهم وش جاب الثرى للثريا!!
ام سلمان بعبوس الصبح شفت خزامى وأمها طالعات تبغى تشتري جهاز لابنتها!
واااع ما اتوقع تلقى شيء يناسبها!!
نورة بتفكير وابتسامه خبيثه يمه ابغى يوم زواجها اكون نجمه الحفلة وأغطي على الكل ..لعل وعسى أم أربع عيون تشوفني وتخطبني!
أم سلمان عفست ملامحها پقهر والله أم عمر هذي ما عندها نظر ...يعني الكل يتكلم عن جمالك لذي الدرجه معمي على نظرها!!
أم سلمان بتفكير رح اشوف أم سلطان لعل وعسى تلفت نظرها علينا!
وبعدين هالمعثر لا تفكرين فيه ... إن شاء الله يكون نصيبك أفضل من كذا ...وش جاب عمر له ...لا تنسي انه لا اهل ولا عزوة ولا جاه ولا مال ...
هزت رأسها صحيح كلامك!!
جالسه على الارض ..ومرخيه رأسها على الجدار.... وعيونها تتأمل سقف البيت بهدوء ...تحس بداخلها متبعثرة ...قرار أبوها كان مفاجىء لها ...ما تدري ليه سكتت وطاوعته ...
المفروض رفضت على الأقل يعرفون خيره من شره..بس شيء بداخلها حثها إنها ما تعترض على قرار أبوها!!
ناظرت أمها الي جلست جنبها وهي مبتسمه وين سرحانه!!
ردت خزامى بحيره اخاڤ إني تسرعت..نورة تقول لي غبية ...في احد يتزوج انسان ما نعرف أصله من فصله!!
ام خزامى ناظرتها للحظات وبعدها نطقت الرجال جلس في بيتنا اسبوع وما شفنا عليه الزلة ...وعنده نخوة بالرغم من تعبه مع ذلك ما ترك ابوك وساعده باشغاله
ام خزامى هزت رأسها بأسف ألف مرة اقولك نورة هذي انسانه فارغه ..لا تسمعين لها ... هذي من غيرتها تقول كذا
قاطعتها بضحكه الله يسامحك يمه ...تراك ما تعرفينها ...ما تتصوري كيف متعلقه فيني وتحب الخير الي ... وبعدين هي ما تكلمت انا سألتها وهي ردت علي بكل صراحه!!
ابو سلمان يقول انه من عائلة والرجال بحاجه احد يوقف معه ...وما هي حلوة نتركه بهذا الظرف ... وبنفس الوقت ما يصير يجلس بالبيت وانت شايفه البيت صغير وما هو محرم لنا..باكر الناس تأكل وجهنا ...ابوك شاف إنه الافضل تتزوجون!!
زفرت بعدم راحه ..نبضات قلبها ما هي منتظمه ... رجعت ناظرت امها بتساؤل ودراستي
هزت رأسها أمها ابوك كلمه حتى يأخذك للمدينه وتكملين دراسة هناك ..وما اعترض
قاطعتها وشغفها حتى تكمل دراسة انطفى اروح للمدينة بدونكم!
ما اقدر يمه والله مو مرتاحه للموضوع أبدا!!
ما رح أروح للمدينة اذا ما كنتم معي!!
هزت رأسها بتفهم لخۏفها وترددها
