رواية جريح_الصمت_ياقلبي الفصل الثالث للكاتبة_ضاقت_انفاسي حصريه وجديده

وبناتها رفضوا يطلعوا وما صدقوا التحذيرات ..ما ادري وش صار عليهم!!!
نورة يقولون عدد الۏفيات بقرية كبير!!
ام سلمان بضيق لا حول ولا قوه الا بالله!!!
ام خزامى اقتربت من خزامى تقدرين ترضعيها البنت رح ټموت من البكاء!
خزامى وهي تمسح دموعها وبصوت مرتجف من اابرد والتعب تعبانه يمه ..مب قادره اجلس اكثر .. ابغى انام على الارض ..بردانه
ام خزامى والدموع تنزل بغزاره من وضعهم المأساوي اصبري يا قلبي المساعدات على الطريق ...
دب الړعب بقلبها وهي تشوف خزامى رح تفقد وعيها بأي لحظة ...مدت بالطفلة لنورة ...وجلست على الأرض وحطت رأس خزامى بحضنها وبنبره حنونه غمضي عيونك وارتاحي!!
نورة الي توهقت بالطفلة الي ما وقفت بكاء...اقتربت صفاء منهم هاتيها انا ارضعها!!
بغت تعترض ام خزامى بس سكتتها صفاء ما تشوفين امها كيف حالها!!!
جلست صفاء قريب منهم وبدأت ترضع فيها ....وام خزامى تناظرها وتمسح دموعها بسبب الحال الي وصلوا له!!
نورة تهمس لأمها يقولون سعود سافر يكمل دراسته!!
بس تدرين احسهم كذابين مرة وحده دراسه!!
ام سلمان الله اعلم وش صاير بينهم!!
وليه انتقلوا للمدينة!
وقت الولادة بالذات ليه رجعوا!!
نورة مطت شفتها المشكلة احس خزامى متكتمه ومتغيره عن أول ...ايام زمان ما تخفي عني شيء ...الحين ولا خبرتني بشيء!!
يمكن زعلانه من زوجها!!
ام سلمان مطت شفتها تحمد ربها احد ناظرها ..شفتي البنت!
نورة ناظرت صفاء ورجعت تهمس لأمها ما هي حلوة مثل امها ..سبحان الله ما تخذت جمال أبوها !
ام سلمان بتفكير الطفل بهذا العمر ما تحكمين عليه يتغير شكله!!
التفتت على ام خزامى بتساؤل عليها حراره!
ام خزامى وهي تمسح على وجه خزامى ايه...اخاڤ تتأخر المساعدات ...وضعها الصحي ما يتحمل
رفعت نظرها للسماء لما بدأت قطرات المويه تنزل ...هذا الي ما حسبت حسابه المطر... نطقت بضعف وهي تناظر المكان خالي ما في شيء يحميهم من المطر ما حسبت حساب المطر الحين...وش العمل الحين!!!
ام سلمان تنهدت بضيق ربك كريم ان شاء الله ما تتاخر المساعدات!
زادت غزارة المطر .. ام خزامى صړخت بړعب وهي تشوف خزامى ما تتحرك ولا ابدت اي انزعاج من حبات المطر الي ټضرب وجهها...مغمضه عيونها بسلام وكأنها رحلت لعالم ثاني!!
يتبع