رواية جريح_الصمت_ياقلبي الفصل الرابع للكاتبة_ضاقت_انفاسي حصريه وجديده

شفتها !
بأي عصر ظلم عايشين حنا!!
وش هالذنب الي اقترفته حتى ألقى هذا الجزاء
قاطعتها ام سلطان بلوم ما تلومين ابوك واخوانك يا منار ..لو عرفوا الناس كان اكلوا وجهنا يا منار...الكل رح يقول حملت في بيت اهلها ...ما كانت سهلة على ابوك واخوانك!!
منار بمراره انا السهلة علي يوم طقتوني طق ...ولا كأني بنت لكم..والرحمه انتزعت من قلوبكم!!
ام سلطان ضاق خلقها منار اذا لي خاطر عندك لا تفتحين الموضوع واتركي المركب ساير!!
منار پقهر ترى سكوتي ما رح يطول .. أنا احس نفسي مېته بذي الحياة .
ام سلطان اشرت لها تسكت لما شافت حمد داخل الصالة ...مطت شفتها ووجها منتفخ من القهر ومن التسلط والتحكم بحياتها!!
حمد ناظر امه بعد ما رد السلام ابوي وينه اتصل فيه ما يرد!
ام سلطان بهدوء راح يشتري بعض مقاضي للبيت ..صاير شيء!
حمد جلس وهو يحرك رأسه بالنفي لا بس بغيت أسأله عن بعض الاوراق!
طلع جواله وبدأ يطقطق فيه ببرود ...مطت شفتها منار وبداخلها قهر ينهشها ما تدري متى تصبر وتسكت على هالحال ...
جالس بالصالة والندم ياكل قلبه لزوم لحق سعود حتى يعرف مكانه وما تركه ...ما خبرهم إنه شافه حتى ما يعلق بلسانهم..وبالرغم من مرور اشهر الا للحين عنده امل يصادفه مرة ثانية...تنهد وناظر زوجته الي تتكلم بضجر يعني مصمم نزور أمك !
هز رأسه بملل ما ادري كيف وصلها خبر اني مستقر هنا ..وما يطلع بيدي ما اروح!!
سكت للحظة وبعدها تابع كلامه يزين سالفة الروحه نروح ومنه خزامى تغير جو وتختلط بالناس!!
ام خزامى مطت شفتها هذي البنت رح تجلطني ببرودها مع هالصغيرة!!!
والله تقطع قلبي هالبنت !!
ابو خزامى بقلة حيلة ربك كريم انا متأكد اذا لقينا سعود رح تنفك عقدتها!!
نطقت بيأس وين نلقاه وكأنه ملح وذاب!
وقفت وهي تسمع صوت البنت تبكي...استأذنت وتحركت لها ...دخلت الغرفة وكالعادة ما لها علاقة فيها لو ټموت من البكاء ما كلفت نفسها تقوم تشوفها ...اقتربت منها وهي تسحب الكتب منها وترميها على الارض وبقوة نطقت وش فايدة هالكتب والدراسة اذا ما رح تحنين على بنتك!!
اعتبريها بنت الجيران ما تقومين تشوفينها!!!
لذي الدرجة قلبك قاسې!!
ما كنت كذا يا خزامى !
ناظرت امها بقلة حيلة ما هو بيدي يمه ...اكرهها وما اطيق اشوفها ...لا تحمليني فوق طاقتي..خلاص اعتبريها بنتك انا ما ابغى عيال..مو انتم زوجتوني تحملوا نتائج هالزواج ...ويا ليت ما تحطينها عندي لأني ما اضمن تصرفي
قاطعتها ام خزامى پقهر انكتمي انكتمي ...صدق مجنونه وما في برأسك عقل!!
اقتربت من الطفلة الي سكتت ..ناظرتها وهي تتلفت حولها .. وتحاول تحط يدها داخل فمها ..حملتها بشويش وهي تنطق يا قلبي جوعانه!!!
يخسى الجوع الحين اجهز لك الحليب يا احلى قمر بذي الدنيا!!!
ناظرتهم خزامى لما طلعوا ..تنهدت بضيق من الحال ...تناولت كتابها بروح مېته ورجعت تكمل تحضير!
ام سلطان تتابع امور الضيافه باهتمام ....اسيل بنعاس وضجر ضروري يجلب زوجته وابنته !!
طول عمره يزورك بدونهم وش تغير الحين !!
ام سلطان الحين استقر هنا ...زمان كان بالقرية وصعب يزوروني!!
منار سحبت كرسي وجلست بملل ومتى رح يرجعون .. ما لي خلق اقابل احد
قاطعتهم پحده وبعدين معكم!!
اعطتهم نظرة قوية وطلعت من المطبخ ...اسيل ابتسمت امك متحمسه لولدها!! 
منار تكتفت وهي ترخي ظهرها على الكرسي يقال مقطع حاله عليها!!
قولي عسى امي ما تحرجنا نسلم عليه ...انا اخواني ماني طايقهم حتى
قاطعتها باتهام كل هذا علشان فارس احلامك!
منار پحده ايه علشانه ابيع العالم كلها!!
اسيل لانت نبرتها بحزن على اختها ربك كريم