رواية جريح_الصمت_ياقلبي الفصل الثامن للكاتبة_ضاقت_انفاسي حصريه وجديده
بقى شيء على المدرسه!!
هزت رأسها بهدوء وغادروا الصالة...ناظرت وليد الي تغيرت ملامحه ....تعرف إنها هذي النقطة هي الوتر الحساس بينهم ..لزوم نبهت عليهم ما احد يتكلم فيها!!
نطقت تغير الموضوع وش رأيك ننزل عند خالتي
قاطعها وهو يناظرها بدقه عبود من وين له هالكلام!
نطقت بضيق ما ادري عنه ..يمكن لاحظ إنها تختلف عنهم بلون البشرة
خزامى تحس بالكدر من هالموضوع ضړبته واجبرته يقول بيلسان اجمل بنت بالعالم!!
هز رأسه بهدوء وما نطق بأي شيء ... ما يبغى توصل الامور لهذا الحد ...لزوم يتصرف ويوازن الامور من جديد!!
ابو فيصل بترحيب والفرح واضح بملامحه من زيارتهم المفاجئة تفضلوا تفضلوا حياكم الله!!
دخلت وهي تحضن الهدية ...ابتسمت لجدتها ام فيصل ..سلمت عليها وقبلت رأسها كيف حالك يا جدتي!
ام فيصل هزت رأسها الله يسلمك ويحفظك!!
اقتربت ام خزامى وسلمت عليها ...جلست وهي تسأل خزامى وين!
سلطان بهدوء الله يحييك يا عمي!!
وليد بالدوام
ابو فيصل قاطعه لا والله اليوم رجع من الدوام واخذ العيال وطلع فيهم ..الحين اتصل فيهم
قاطعه سلطان والله ما تتصل اتركهم على راحتهم!!
حست بالانتكاسه بعد كلامه ...اكتفت طول الجلسة بالاستماع لحديثهم عن امور كثير ...
ابو فيصل باستغراب غريب هي جنبكم!
سلطان ابوابها من الجهة الجنوبية يعني بوابتهم بعيده عن مزرعتي ..مزرعتنا بوابتها من الجهة الشمالية..بس سمعت يقولون مشتغل عليها ومضبطينها
بيلسان ابتسمت وهي تتذكر صاحبها ...انمحت ابتسامتها لأنها ما رح تلتقي فيه لما يبدأ الدوام ...ما رح يرجع للمزرعة!!
ام فيصل هزت راسها بتفهم ما ادري الناس ما تنسى الماضي ...خلاص منار تزوجت وعندها عيال ليه يرجعون لنفس السالفة !
وبالنهاية كل شيء نصيب!!
ام خزامى صادقة النصيب ما احد يدري عنه!!
رحعت تلتفت وتسمع كلام ابو فيصل لسلطان تقدر تضبط هالمزرعه وتصير افضل بكثير ...باكر لما توصل الخدمات اكثر للقرية رح تستفيد... والمزرعة ما شاء الله عليها بس تحتاج بعض التعديلات....لو تسمع كلامي ام فيصل الا اشتري مزرعة واضبطهاواعيش هناك بعيد عن الفوضى...نرتاح من إزعاج هالأحفاد ..وربي يصيبني صداع لما يجتمعون !!
عقلها يفكر بأحفاد جدها ما عمرها إلتقت فيهم كلهم ...كم عددهم ! كبار والا صغار!
مر وقت طويل ...وللحين ما احد رجع ... ناظرت جدها الي نطق وهو يناظر ساعته الظاهر انهم رح ينامون برا البيت...قرب آذان المغرب
ام فيصل قلنا لكم نتصل فيهم ...رعد اذا دخل الالعاب ما يشبع!!
ناظرتهم وهم يركضون يضحكون .... فجأة حل الصمت عليهم لما شافوا بيلسان موجوده!!
خزامى پصدمه انتم هنا ..ليه ما احد خبرنا!
دخل وليد بهدوء وهو يناظرهم ومستغرب تواجدهم ...سلم على سلطان ليه ما خبرتوني إنكم هنا
ابو فيصل لهم قريب الساعتين هنا!!
وليد هز رأسه وناظر بيلسان الي اقتربت وسلمت عليه بهدوء عدل شعرها المتطاير وهو ينطق ذي مفتعلة المشاكل!!
فتحت عيونها باستنكار لكلامه أنا !
ابتسم على ملامحها وهو يلتفت لعياله تعالوا سلموا على بيلسان واعتذروا منها وخاصه انت
