رواية جريح_الصمت_ياقلبي الفصل السادس عشر للكاتبة_ضاقت_انفاسي حصريه وجديده

..وبقوة نطق وهو يناظر خزامى وينك عنها يا خزامى لما وضعت هالخرابيط بوجهها ...ما شفت ملامحها كيف صارت تخرع وكأنها مومياء..
رجع ناظر بيلسان ما ادري كيف تفكرين... تظنين بذي الخرابيط رح تصيرين جميله !!
غلطانه لأنك زدت بشاعه بذي الخرابيط... وفوق هذا شغاله طقاقه ...الناس تتصل يحجزون عندك ما شاء الله ..هذي اخرتها طقاقه!
وبنبره اعلى نطق طقاقه!!
غمضت عيونها للحظات بعبوس من الأجواء المشحونه ..وعصبيته وترتها بزياده!
رفع يده بټهديد وربي إن شفت رجلك عتبت أي مناسبه بالعائلة الا أكسرها ..تفهمين وش يعني اكسرها!!
ما عدت اتحمل تصرفاتك المتخلفه ...الف مرة قلت لك تخلفك الي عشتيه بالقريه انسيه ...انسيييييه وتعلمي السناعه والأدب والاحترام من ليان!!
اعتبريه هذا اخر انذار لك لأني اكثر من كذا ما اوعدك أتحمل ..
زفر بضيق وناظر الفطور قولوا بسم الله!!
رعد زام شفته بضيق وهو يناظر بيلسان منزله رأسها..يتضايق عليها ويحز بخاطره معاملة أهله معها بذي الطريقه...ما يلوم بيلسان لوكرهت ليان من كثر ما يقارنون بينهم ..يتمنى لو كانت عنده الشجاعه ويساندها.. لأنه يشوفها ما عملت اي غلط حتى يقابلونها بذي القسۏة!!
خزامى نطقت بحزم بسرعه كمل فطورك يا رعد .. وانت يا بيلسان ما له داعي تروحين للجامعه اليوم ..عندي اجتماع طارئ وما اقدر اتأخر ...نظفي المطبخ والبيت والاكل ما يمداني أجهزه قبل ما اطلع..رح نطلب من المطعم!!
ناظرتها بيلسان والڼار مشتعله بداخلها .. وكأنه ينقصها خزامى ..ما ترتاح الا لما تنكد عليها...ما اعترضت ولا نطقت بحرف واحد لأنها ماسكه نفسها بصعوبه ما ټنفجر بالبكاء ...
بعد وقت ثقيل على روحها ... انسحب الجميع وما في غيرها بالبيت ... بدأت تمسح دموعها بخفه ....
وكلام ابوها يتردد بإذنها ...يبغى يكسر ثقتها المزيفه...ما يدي إنها من الداخل هشة ..محطمه وما عندها آمال ولا طموحات!!!
زفرت بضيق وتحركت تنجز اعمالها ما تبغى تجلس بقوقعه الاحزان ....
كملت تنظيف وطلعت للحديقه تتمشى فيها ..يمكن ترتاح نفسيتها شوي ....عضت على شفتها والدموع تتراقص بعيونها ...مب قادرة تتجاوز الموقف ...ېصرخ عليها وكأنها بزر قدام الكل ...وش الذنب الي اقترفته!
جلست على طرف النافورة ...حركت يدها بالمويه بروح مېته..تتمنى القادم أجمل!!
تحركت للداخل بخطوات هادئة ...ناظرت جدتها ام فيصل جالسه تشرب قهوة ...ردت السلام بخفوت!
ام فيصل وكأنها لقت ضالتها تعالي تعالي
كتمت ضيقها وبداخلها تردد الله يستر ...اقتربت وجلست بهدوء نعم
ام فيصل خزتها وش هالتصرفات الغبيه الي عملتيها بالحفلة!!
بيلسان ناظرتها بضيق اذا انت تشوفينها غباء انا أشوفها قمة الابداع!
ام فيصل فتحت عيونها باستنكار بنت وش هالكلام!
بيلسان بجمود هذا الي عندي ...ترى مليت من عاداتكم وتقاليدكم الغبية
فتحت عيونها باستنكار الحين تقاليدنا غبية!!
هزت رأسها بتأكيد ايه ...ما عملت لا حرام ولا عيب حتى تناظروني وكأني اقترفت چريمه!!
ام فيصل اول مرة احد من احفادها يكلمها كذا ..وبشك نطقت وليد قال لك شيء!
مطت شفتها بيلسان بسخريه وعيونها تلمع لمعه حزن يعني وش رح يقول بعد ما جلستي معه انت وأمي!!
ما شاء الله تم الشحن بنجاح!!!
فتحت عيونها باستنكار بنت وش هالكلام !
الحين حنا نبغى مصحتك تقولين هالكلام لنا
ناظرتها بعتب لو كنت تبغين مصلحتي كان نصحتيني بيني وبينك ما هو تشيشين أبوي علي!!
خلاص خليني ساكته افضل ما اتكلم بكلام ما يعجبكم!!
ام فيصل عقدت حواجبها يعني الي يسمعك انا ما قلت له يمسح فيك الارض .. كل الي قلته إنك ما تعيدين هالحركات مرة ثانية!!
قاطعتها بسخريه ان شاء الله..اوامر ثانيه!
ام فيصل هزت رأسها استغفر الله!!
وش هالجيل هذا !
خليني ساكته أفضل!!
ما ردت بيلسان وهي راسمه ملامح عابسه ...حطت يدها تحت خدها وتناظر الجدار بصمت !!
ام فيصل للحين مستغربه حالتها كذا ...اول مره تراددها كذا...هي ما قالت شيء...فتحوا الموضوع وتكلمت خزامى..كل الي قالته لوليد ينبه عليها ما تعيد هالحركات ...معقول وليد زفها !
واضح عليها الضيق والاختناق ..وبتذكر نطقت ماعندك دوام بالجامعة !
بيلسان ناظرتها بهدوء الدكتورة خزامى عندها اجتماع
بالجامعه وعطلتني اجلس بالبيت!
ام فيصل بانتقاد يا كثر غيابك عن الجامعة..باكر يفصلونك
هزت رأسها بلامبالاة .. وما ردت ورجعت لسرحانها!!
ام فيصل مطت شفتها بضيق وبأسف نطقت لا تزعلين مني يا بيلسان .. ترى كل الي قلته
قاطعتها بيلسان بابتسامه بارده عادي يا جدتي متعوده!!
اصلا اذا ما صړخ وليد على بيلسان يحس نفسه ضايع ... زمت شفتها بيلسان وهي تتابع كلامها حلو يكون بالبيت شخص تطلع كل حرتك فيه ... والحمد لله لقى وليد الشخص المناسب الي يطلع حرته فيه وما يلقى أحد يوقفه عند حده ..بحجة بنته حلاله لو يذبحها!!
تتمة_الجزء_السادس_عشر
زمت شفتها بيلسان وهي تتابع كلامها حلو يكون بالبيت شخص تطلع كل حرتك فيه ... والحمد لله لقى وليد الشخص المناسب الي يطلع حرته فيه وما يلقى أحد يوقفه عند حده ..بحجة بنته حلاله لو يذبحها!!
ام فيصل بنصيحة تقدرين تتجنبي غضبه ..اسمعي كلامهم ولا تعاندين ..أمك تقول
قاطعتها بيلسان بمرارة لما وصل الموضوع لخزامى قفلي الموضوع يا جدتي ...
ام فيصل هزت رأسها بقلة حيلة الله يجيب الي فيه خير!!
ما علقت ورجعت تناظر الجدار بهدوء ...وهي تفكر بطريقه ترجع فيها للقرية ..اهم شيء تبعد عنهم !!
رفعت نظرها لجدها أبو فيصل لما دخل وهو مبتسم يا هلا ببيلسان!!
اجبرت نفسها على الابتسامه هلا جدي!!
جلس ابو فيصل باستغراب غريبه ما عندك جامعه!
بيلسان هزت رأسها معطلة!!
نطق وهو يناظرها بجديه ما ينفع تعطلين ناسيه الايام الي غبت فيهم عن الجامعه!!
لا تكرري هالتصرف مرة ثانية باكر يفصلونك
هزت رأسها بتسليك إن شاء الله!!
وبنبره حنونه ما يؤمر عليك ظالم ابغى مويه باردة!!هزت رأسها بطاعه إن شاء الله !
دخلت المطبخ اخذت المويه ..وقبل ما تطلع وصلها صوت جدتها وهي تسأل زوجها وش صار على خطوبة كنان من ليان!!
حست نفسها اصابها الصمم وما تسمع كويس.. كنان خطب ليان!!!
تحس خلاص قوتها المزيفه خارت ...آخر حلم وأمل لها ټحطم وما له أثر!!
عقدت حواجبها لما رن جوال جدها وهو يرحب بالمتصل ..قفل الخط وطلع يستقبله ...رح تنتظر حتى تعرف هويه الضيف...كتمت انفاسها وعقلها عاجز يستوعب الخطوبه...دامه راسم على ليان ليه يتلاعب بمشاعرها ...صكت على أسنانها پقهر من نفسها الي فتحت المجال حتى تكون مراهقة غبية غبية!!
عندها رغبه قويه ټضرب نفسها يمكن تستفيق من احلامها الورديه!!
فتحت عيونها پصدمه لما وصلها صوت جدها سلطان وجدتها...ياااه مشتاقه لهم ...بس ما تدري ليه رجولها متيبسه كذا ..
لما دخلوا الصاله طلعت من المطبخ بخطوات بطيئة ....ناظرت جدها الي ابتسم لها بمحبه واضحه هلا هلا بأجمل ما خلق ربي!!
زمت شفتها تمنع دموعها تنزل من الاهتمام والحب الي ما لقت مثله هنا!!
اقتربت منه بروح خاويه .. سلمت عليه بدون ما تناظره ...امتنعت تناظره حتى ما يشوف الالم والحزن الي بعيونها....حتى ما يحس بخيبتها وحطامها وبعثرتها ...بعد ما فقدت شغف الحياة ..وش بقى لها بعد ما انكسر حلمها بالدراسه ورحلت عن اعز اثنين على قلبها ..والسخص الي تمنته يكون نصيبها خطب أختها ....
سلطان حط يده على كتفها بحنان وقبل رأسها .. وبيده اليمين رفع رأسها وهو يناظرها بتفحص..عقد حواجبه باستنكارليه كل هالدموع يا بعد
كبدي!! يتبع