رواية جريح_الصمت_ياقلبي الفصل العشرون للكاتبة_ضاقت_انفاسي حصريه وجديده

دمعه بخفه حتى ما احد يشوفها ... تنهدت بندم طبعها اذا عصبت تلين بسرعه..وما تحب تشوف احد زعل بسببها ...وبندم نطقت أنا اسفه يا ابنتي اذا ضايقتك بكلامي .. بس أنا
قاطعتها بيلسان بصوت مخڼوق مسموحة يا جدتي..حلالك !!
ابو فيصل وهو يتأملها ابوك للحين زعلان منك وعلشان كذا ما رحت للمطعم!
هزت رأسها بالنفي...وما علقت على الموضوع .... وعم الصمت على المكان...
بعد وقت قصير وقفت واستأذنت للمغادرة ... رجعت لغرفتها قفلت الباب على نفسها. ...وجلست على الارض قريب منه وهي مسنده ظهرها للجدار ...تنتظر رجوعهم تشوف احد يفقدها او يسأل عنها!!!
بعد وقت حست بحركتهم بالبيت ...ما احد اقترب من غرفتها أو سأل عنها ..انقهرت من حركتهم ..ما رح تكون البنت الهبلة الي تبلع السم وتسكت...
اخذت نفس عميق تقوي نفسها ...وطلعت من الغرفة بخطوات هادئة...ناظرت امها وأبوها جالسين بالصالة ...نطقت السلام بهدوء ...زمت شفتها لما تجاهلوها ولا كأنها واقفه تكلمهم ...نطقت وهي معقده حواجبها أولا السلام لله ... ثانيا ما تبغون تكلموني بكيفكم ..بس ما يحق لكم تمنعوني عن الأكل ..طالعين للمطعم وما فكرتوا فيني وش أتسمم ...وفوق هذا مقفلين الثلاجه ...أي أهل انتم !
اذا مب قادرين تتحملون مسؤوليتي ومب قادرين تصرفون علي وتشوفوني حمل كبير رجعوني لجدي سلطان
وليد وهو رافع حاجب بتحذير قلت لك من قبل الكلام الزائد ما احبه!!
وبعدها ناظر خزامى بحواجب معقوده وش سالفة الثلاجة!
خزامى هزت كتوفهاما ادري وش تخربط...ترى ما توصل لذي الدرجة...صدق المعروف ما يدوم طبخت لك قبل ما اروح للدوام والحين قالبه علينا
وقف وليد توجه للمطبخ لحظات ورجع وهو يسأل بنرفزه مين قفل الزفت! اذا ما كنت انت مين قفله !
خزامى هزت رأسها وربي ما ادري ...وقلت لك تراها ابنتي ما توصل لذي الدرجة!!
وليد بصوت مرتفع نادى على عياله كلهم ...لحظات كان الكل قدامه ...ناظرهم پغضب وبنبره حاده مين الي قفل الثلاجه!
ويا ويله الي ېكذب!!
الكل حلف يمين إنه ما عمل كذا ...وصل الدور للجين ... نطقت بفك يرتجف خوف من أبوها ء
وليد پغضب تكلمي
نطقت بصعوبه ايه انا
عقد حواجبه باستنكار وليه!
لجين بتبرير خليها تنقهر مثل ما خربت شعري
قطعت كلامها لما استقرت يد وليد على خدها..وهو ينطق پغضب انت كيف تسمحين لنفسك تعملين كذا !
لجين بدأت دموعها تنزل وهي كاتمه شهقات ورجولها ترتجف من الخۏف!!
تابع كلامه وهو ينطق بقوة وربي ان تكررت هالحركه الا بيديني تفهمين!!
خزامى ناظرته وهي رافعه حاجب ترى ما هو اسلوب كذا!
قاطعها والشرار يطلع من عيونه انا نهايتي ادفن بناتك وارتاح من همهم ...وش هالحركات الي يعملونها!!
زفر بضيق وناظر بيلسان بتحقيق اكلت في بيت جدك!
هزت رأسها بهدوء ومن الداخل متضايقه ما تبغى تخرب العلاقه بينها وبين اخواتها أكثر من كذا
خزامى ناظرتها بانتقاد دامك اكلت ليه عملت كل هالبلبله!
ما أدري ليه دوم تحاولين
قاطعها وليد لو يطلع الاكل من حلقها من كثر الشبع ما لأحد حق يمنعها تأكل من بيت ابوها ...لا ترقعين تصرفات لجين لأنه الغلط غلط!!!
مطت شفتها باستغراب من تصرفات وليد ما تقدر تتوقع رد فعله ما توقعت يوقف معها بهذا الشكل ..توسعت ابتسامتها لا اراديا لما نطق وهو يكلم لجين تحركي للمطبخ جهزي عشاء لأختك ويا ويلك ان سمعت صوتك!!
مطت شفتها خزامى بغل وما عجبها تصرفاته ...وخاصه وهي تشوف لمعة الانتصار بعيون بيلسان عليهم ...ما تدري إنه هاللمعة سببها مشاعر جميله تسلسلت لروحها المېته إنه احد وقف معها ...
بعد وقت قصير طلعت لجين من المطبخ