رواية ياسمين_الشام بقلم سيدرة_عز_الدين الفصل الثاني حصريه وجديده

مارح تحكي شي
ياسمين روح 
ادم طيب بعد ساعة حكون منتظرك لنرجع سوا 
ياسمين ان شاءالله 
بيطلع ادم وبتطلع ياسمين وراه بتكون واقفة كاريس قدام المكتب وعم تطلع عليهن بتطلع فيها ياسمين بترفعلها ايدها وبتأشرلها على خاتمها وبتطلع بأدم وبتبتسم ابتسامة باردة مشان تستفزها وبتمشي 
تاج بتنتبه عليها وبتكتم ضحكتها وبتلحق ياسمين
كاريس بقلبها غيظيني لقلك اي شو عليه 
تاج بتمسك ياسمين 
تاج يعليكي شو قوية حبيت الحركة ههههه
ياسمين يلي بقرب على ممتلكات غيرو ليتحمل لعما ماعاد استحت 
تاج بتستاهل لاعاد تسكتيلها 
ياسمين هو هيك 
تاج بتبتسم بمكر تصالحتو
ياسمين لا
تاج بربك الزلمة كان عم يدور عليه ومبين مو عرفان شو بدو يعمل وبتقوليلي لا
ياسمين شو اعمل يعني مشان يعرف يعطي وش للكلبة يلي اسمها كاريس 
تاج من كل عقلك ياسمين عم تتخانقو كرمالها
ياسمين لك ماشفتيها كيف لبستو المريول وماشفتيها كيف عم تقلعني قال شو اسرار مرضى 
تاج كيف يعني
ياسمين بتحكيلها يلي صار بالمكتب 
تاج بربك
ياسمين ايي عجبك 
تاج يعليها لو مكانك ما بطلع
ياسمين مابعرف عصبت وطلعت
تاج وقحة هالبنت
ياسمين كتير
تاج خلص امشي شوبدك فيها خلينا نكفي شغل وانتي ضحكي 
ياسمين ماعبالي
تاج بس وليه ضحكي لنشوف الغمازة
ياسمين بتبتسم 
تاج لك دخيل هالابتسامة ويم الغمازة يم الغمازة 
ياسمين ههههه دخيل قلبك يلا لروح على قسمي وانتي روحي على قسمك 
تاج رايحة
بتفوت ياسمين على القسم 
ياسمين عم تفوت بخطوات هادية وتغني كان عندي لعبة بتغني كاسرتها ڠصب عني وبكيت بكيت يلي بيعرف بالتجبير يجي يجبرلي ياها واعطيه ليرة عصملي ياخدودها تفاح الشام ياشفافها رق الفنجان مافي منها بأسطنبول اطيب من قرص المعمول 
كل لولاد بكونو عم يتطلعو عليها ومبتسمين 
ياسمين مين الحلو يلي اخد دواه كلو اليوم 
كل لولاد بيرفعو اصابعهن 
ياسمين لك يخليلي ولادي الشطورين وهلق لكن في الكن هدايا رح جيبهن واجي اتفقنا 
اسر لا تتاأخري ياسمنتي
ياسمين ليش ياروحي بقدر بتأخر عن هالعيون الحلوة رح طير طيارة وبتفتح ايديها وبتقول وييي وبتركد لبرا القسم وكل لولاد عم يضحكو عليها 
بتروح على مكتبها وبتاخد كيس الالعاب وبتركد لتروح على القسم بكون ادم وصهيب طالعين من غرفة المړيض وعم يحكو 
بينتبه عليها ادم عم تركد وبتفوت ياسمين على القسم
صهيب الدكتورة ياسمين عم تركد خير ليكون في شي
ادم الله واعلم 
صهيب حابب شوف شو صاير بتتفضل معي دكتور ادم 
ادم بيطلع عليه بقلبواكيد مارح خليك تفوت لحالك اي تفضل ليش لا 
بفوتو على القسم ورا ياسمين 
بتدخل ياسمين ومبلشة توزع هدايا على الولاد وتبوسهن 
بوقفو من قدام الباب وعم يراقبوها 
بتقرب ياسمين من اسر 
ياسمين وهي لهدية لحبيب قلبي 
اسر بيبتسم بحبك ياسمنتي 
ياسمين وانا بحبك ياروح ياسمين وبتبوسو 
ادم بقلبوياحبيبي هه ادم هاد ولد صغير 
صهيب دكتور ادم عم احكي معك وين شارد
ادم اسف شردت شوي تفضل شو عم تقول
صهيب عم قول على الدكتورة ياسمين بتستحق اكبر من الوسام يلي عطوها ياه على تعاملها مع المرضى 
ادم بيبتسم بتستحق لقب سفيرة القلب الطيب
صهيب مزبوط والله 
ياسمين بتلتفت بتشوفهن واقفين احم بتزبط وقفتها في شي دكتور صهيب 
ادم بيطلع فيها وما بيعجبو
صهيب لا ابدا دكتورة ياسمين بس عم نتفرج على احلى شي بهالدنيا 
ادم بيتطلع فيه وبيرفع حاجبو 
ياسمين عفوا دكتور فسر اكتر 
صهيب على الملائكة يلي الله هاديكي ياهن لتقضي معهن احلى الوقت 
ياسمين بتبتسم وبتطلع فيهن احلى شي بحياتي 
صهيب الله يقويكي لتضلك معهن وتساعديهن
ياسمين