رواية ياسمين_الشام بقلم سيدرة_عز_الدين الفصل الثاني حصريه وجديده

ابوها عملتلها صدمة كبيرة بحياتها ولقت تعوض الحنية بأدم يلي بخاف عليها متل ما بخاف على طفلتو واهتمامو زايد عليها وهاد الشي ياسمين بتحبو بأدم لان بقدس التفصيل والاهتمام ولقت فيه حنية ابوها يلي ضاعت منها بسبب مرض وأدم معاهد حالو يعوضها لو جزء بسيط من حنية ابوها وبالاخير عم يجتمعو هنن لتنين على انهن وحدة سفيرة الحب وواحد سفير الاهتمام وهي الحياة 
بتوصل ياسمين وبيمشي ادم 
ياسمين بترنلو الو حبيبي وصلت قلبي
ادم اي عمري تمام وانا ليكني حوصل بحكيكي بس ترتاحي 
ياسمين ماشي ياقلبي
بتبتسم وبتسكر بتدخل على البيت وبتغسل وبتبدل تيابها وبتفوت تشوف امها وتساعدها 
بمكان تاني بالجامعة 
اوس بكون نازل من محاضرتو هو ورفقاتو وعم يحكو ويضحكو بوقفو وعم بكفو حديث ومسخرة على المحاضرة 
بتمرق شلة بنات وكل الشباب عيونهن بصيرو عليهن 
وبيتركو اوس الشباب وبيلحقو البنات 
اوس لك وين رايحين ياجدبان 
الشباب منرجع شريك عنا مهمة
اوس وربي خالصين انتو بيضحك وبروح بلاقي مقعد فاضي بالمقصف بيعد عليه 
بيشرد بموبايلو 
بتقرب بنت منو 
البنت بهدوء وصوت واطي احم ممكن اعد 
اوس بيصفن بصوتها الناعم وبيبتسم بيرفع نظرو عليها وما بيتوقع هيك ملاك حارس عم يطلب منو يعد بتكون حاملة كتبها بايديها ونضارة طبية على عيونها ومرتبة شعرها بطريقة مميزة وكلها ناعمة 
البنت بتعيد السؤال ممكن اعد 
اوس بيصحى من صفنتو اي اكيد تفضلي بيبعد عنها وبخليلها مكان اعدي وبيبتسملها 
البنت بتعد وبتبتسملو شكرا 
اوس بردلها الابتسامة بأبتسامة اكبر ما شاء الله عليه ولو العفو 
البنت بتحط الكتب جنبها بشوفها اوس متلبكة لان المقعد صغير وهي مالها عرفانة تعد مشان ما تقرب من اوس 
اوس فيكي شي !
البنت لا ابدا 
اوس اذا مدايقة بقوم مامشكلة بلاقي مكان تاني 
البنت لا لا مو هيك خليك انا يلي تطفلت عليك واعدت بمكانك 
اوس شو هي مكاني مو مكتوب بأسمي بعدين عيب صبية تضل واقفة لااعد انا انا بقوم بدبر حالي في مليان مقاعد 
اوس بعقلوليش مااعدت بغير مقعد اذا مدايقة غريب البنت بتطلع فيه بخجل بعرف عم تقول ليش هالجدبة اجت اعدت جنبي ومالها مرتاحة والمقاعد مليانة 
اوس بيكتم ضحكتو لا اكيد ماهيك بس انو غريب مو اول مرة بشوفك كمان 
البنت مزبوط انا انسانة هادية ومابقرب على حدا كتير وعطول من المحاضرة على البيت مابعد هون ابدا 
اوس وشو السبب يلي خلاكي تعدي هون وجنب شب!
البنت اذا بقلك ما بتعصب 
اوس بيضحك ههه لا ليش بدي عصب
البنت بخجل رفقاتي هنن السبب
اوس رفقاتك! 
البنت اي رفقاتي ضلو وراي لخلوني العب معهن لعبة سخيفة وتحدوني واذا خسړت رح روح نقي مقعد اعد عليه شب واطلب اعد جنبو قال يعني ليطلعوني من خجلي وهدوئي
اوس بيضحك هههه يعني انا كنت شرط 
البنت والله بعتزر منك بعرف تغالظت وشي سخيف مابعمل هيك شي انا بس انجبرت مشان ما يقولو عني جبانة 
اوس ههههه طيب اهدي ليش عم تعتزري بالعكس حصلي الشرف انك اعدتي جنبي وخترتيني من بين كل هالشباب لتعدي معي 
البنت بصراحة مابعرف ليش اخترتك حسيتك محترم! وبترفعلو بحواجبها 
اوس حلوة هي محترم شو عرفك اني محترم 
البنت مابعرف هيك حسيت وبعتزر منك مرة تانية بتوقف بدها تمشي
أوس لا تعتزري ماعملتي شي صدقيني ولاعاد تفوتي مع رفقاتك بالالعاب سخيفة مشان ما تخسري وتضطري تعدي مع حدا تاني كمان بالمناسبة بوقف انا أوس 
البنت بتطلع