رواية حبها مختوم في قلبي الفصل الثالث بقلم سواره حصريه وجديده

في ابنه ده تلاقيه ابن حر !! 
عدي پحده من وراهم خلصتوا تحليل فيا 
كيان پصدمه وهي بتلتفت وراها عدي!! 
عدي وهو بير.. مي الحاجه اللي في ايده وماسك دموعه بالعافيه ايوة عدي يا محترمه .. ياللي ما صدقتي انو مشي وحكيتي كل حاجه لصحابك المحترمة .. وسيبتيهم بيشتموا فيه !! 
سمر بزعيق انت اللي غلطان .. 
ومحتال كمان !! 
سمر بتكمله وهي بترفع له سبابتها وانا محاميهوانا بنفسي اللي هرفع عليك قضيه .. وهقف قصادك 
عدي بيضحك پألم وبيبص على كيان بخيبه وانا هتوقع من صحابك ايه يعني اذا انتي كده .. وبيلف على سمر وبيوجه كلامه ليها .. متعبيش نفسك يا محترمة انا بنفسي هبلغ على نفسي !! 
وبيطلع بسرعه على بره وهو بيرزع الباب ب قوه
كيان پصدمه وهي بتحاول تقوم تلحقه هوا مشي! .. ده بجد !!
سمر بقوة ايوة مشي ومټخافيش مش هيقدر يعملك حاجه تاني وانا هتأكد بنفسي انه يدخل الحب... 
كيان بعصبيه امشوا من وشي!! 
سمر والبنات پصدمة اييييييه! 
كيان بدموع وهي بتحدف اللي جنبها عليهم امشوا امشوااااا !! 
سمر بضحكه سخريه وهي بتبص عليها بقرف امشوا يا بنات شكل الأستاذ عداها وبقيت مريضه زيو !! .. البنات بيأيدوها وبيمشوا وهما بيشتموها وهي سامعاهم 
بعد مسافه صغيره من خروجهم بتسمع خبط صغير على الباب 
كيان وهي بتمسح دموعها بهدوء مين! 
انا ابراهيم صاحب عدي .. دكتور .. وكان جايبني علشان اشوف رجلك !! .. ممكن ادخل! .. عايزك في كلمتين بخصوص عدي.. 
كيان وهي بتحاول تقوم بس ما بتعرفش مش عارفه اقوم والله عشان افتح لك الباب .. ممكن تتكلم وانا سامعاك
ابراهيم بهدوء البنات اللي خرجوا سابوه مفتوح اساسا .. انا يعني بقولك لو.. 
كيان وهي بتبص على هيئتها بنظره سريعه اه ادخل ادخل
ابراهيم بيدخل وهو بيلتقط حاجات من الأرض وكانوا عبارة عن ورد وشوكولاته وحطها قدامها على الطربيزة كيان بتستغرب هما جم منين 
إبراهيم بهدوء وبعض العصبيه في نبرته انا وعدي سمعناكي وانتي بتحكي لصحابك من الاول !! .. وسمعنا كلام صحابك وشتا..يمهم اللي تدل على قلة اصلهم !! .. بصراحة دي مش شتايم بنات محترمة !! 
كيان بهدوء وانزعاج وانت عايز مني ايه دلوقتي 
إبراهيم بحدة انا مش جاي عشانك ولا عايز منك حاجه !! .. انا جاي عشان صحبي اللي اتهان ورايح يودي نفسه في داهية بسببكم !!
كيان باستغراب مش فاهمة وضح كلامك اكتر .. يودي نفسه في داهية ازاي
ابراهيم بتنهد ودموع بحزن على حاله صحبه عدي راح لابوه عشان يديله فلوس يقدر يديهم لك عشان يطلقك .. بعد ما سمع كلام صحابك !! .. والمقابل انه يسلم نفسه ويقول انه المچرم ورشى الناس!! .. عشان يوقعها في عمتو لأنه عايز ينتقم منها .. عشان ابوه سجل كل حاجه ليها وأنه هو اللي سايق السياره !! 
كيان پصدمه ده كله عشان شويه كلام اتقال ! 
ابراهيم بضحكه سخريه شويه .. دول لو قالوا زياده كانوا هيكفروه !!
كيان ببعض الحدة والجمود عدي برضو اللي غلطان هوا اللي اذاني !!
إبراهيم بزعيق اذاكي ازاييي .. ياريته لو سابك لما طلعوا عليكي شوية الشباب ولا لما كانت السيارة هتصدمك .. ده خساره فيكي التقدير والله!!
كيان بضحكه ماهو يعني حكالك برضو عن بطولاته !! .. يبقى ايه لازمه اللوم والتمثيل دي .. هو حكالك وانا حكيت
لصحابي!!
إبراهيم بهدوء وهو حاسس انه بيضيع وقت معاها اولا.. عدي لما حكالي كان بيقولي انه حاسس بأنه غلط من ناحيتك وانك كنتي هتتعرضي لحاجات بسببه.. تانيا.. عدي لما زقك بالغلط هوا وقتها مكنش واعي.. كان بيفتكر الماضي بتاعه وكان شايفك حد تاني!!.. انا مش هقولك هوا أتعرض لايه في طفولته لأنها حاجه تخصه هوا الوحيد اللي يقدر يحكيلك.. بس هقولك أن عدي كان نادم ندم كبير وكان بيأنب نفسه!!
وبيقوم ناحية الطربيزة وهو بيرفع الحاجات اللي رفعها اول ما دخل شايفه دول .. دول عدي كان جايبهوملك عشان يعتذر منك .. وعدي استلف مبلغ من كل صحابنا وكان بيدور على شغل عشان مش عايز ياخد منك حاجه !! .. انا مش هقول اكتر من اللي قولته دلوقتي القرار في ايدك اعملي اللي انتي شايفاه صح !!
كيان بندم وتفكير وهي بتحاول تقوم عدي هواا فين .. ساعدني خدني على المكان اللي هوا فيه عشان احصله بسرعه
إبراهيم بيبتسم وهو بيطلع مفتاح العربيه يلا بسرعه
في مكان آخر ..
عدي بجمود اللي عندي قولتهولك !!
طه وهو بيبصله بطرف عين وانا ايه اللي يطمن لي انك ما بتضحكش عليا .. طلع عمتك الأول وانا هطلقهالك !!
عدي بسخريه والم ليه عشان اكل المقلب مرتين. .. اظن ان انت عارف أخلاقي كويس يا ابويا !! .. وعارف اني مليش في الكدب والحوارات ده ..
طه وهو بيبلع ريقه بتوتر وبيبص على ولاد اخته طب اديني مهله يومين لحد ما اجمع المبلغ اللي بتطلبه
عدي بهدوء وهو بيتنهد ابويا انا عارف كويس معاك المبلغ ده فمفيش داعي للف والدوران .. انا همشي لو كده !!
عاصم بسرعه ابن العمه استنى احنا معانا المبلغ ده وهنديهولك.. وقع هنا الأول كضمان .. يتبع