رواية أسرت قلبه الفصل الثالث (عرض ) بقلم سولييه نصار حصريه وجديده

ظهر البعير ....ولكن الآن يجب أن تحقق حلم خالتها ستكمل دراستها وستعتمد على حالها ...في حسابها مبلغ لا بأس به من المال سوف تستخدمه لإنشاء مشروع لها .....
انتهت من غسل الأواني ثم رتبتهم على الصينية وارتدت ملابسها ونقابها وخرجت ....
رنت جرس المنزل ليفتح الباب ويظهر أمامها ...تأملها بعينيه السوداء وقال 
أزيك يا آنسة مياس ...
اهلا بحضرتك ...اومال طنط فين !
مياس حبيبتي اتفضلي ...
قالتها السيدة أم مروان وهي تقترب منها ...
ابتسمت مياس بلطف من خلف نقابها وقالت 
شكرا ليكي يا طنط ..أنا بس مستعجلة ...اتفضلي الحاجة وكتر خيرك معايا ....
يا حبيبتي طيب ادخلي واقعدي معايا شوية ...
اتفضلي يا آنسة مياس أنا كده كده ماشي ...
قالها مروان بنفاذ صبر لترد 
مرة تانية بإذن الله ...
ثم استدارت لكي تذهب إلا أن مروان أوقفها ساخرا وقال 
ايه مش عايزة تدخلي ليه!مكسوفة بعد ما رفضتك ...
استدارت بحدة وهي تنظر إليه پصدمة وتقول 
أنت بتقول ايه !
بس يا مروان اسكت!!
صړخت والدته به ليقول بتشفي 
ايه يا آنسة مياس ...فاكراني مش عارف انك اثرتي على امي وقعدتي تدحلبي عشان تخليني اتجوزك !...دلوقتي بعد ما خطيبك هرب وجمالك راح بدأتي تفكري فيا صح !
مروان قولتلك اخرس !!!
تجمدت نظرات مياس ونقلت عينيها بين مروان ووالدته وقد فهمت ما يرمي عليه ...بالطبع والدته بحسن نية عرضت عليه أن يتزوج مياس وهو ظن أنها من أقنعت والدته بهذا ....صحيح أن والدته قالت هذا بحسن نية ولكنها لن تسمح لأحد أن يقلل من احترامها ...
بدأت بالتكلم ببرود وقالت
سيد مروان حضرتك غلطان أنا مطلبتش من والدتك أنها تكلمك عشان تتجوزني ولا عمري هعمل كده ...لو عايزة فعلا اتجوزك كنت هقبل بيك في المرتين اللي اتقدمتلي فيهم بس انا رفضتك في المرتين فليه دلوقتي أسعى اني اتجوزك ....
ابتسم پشماتة وقال
ده كان زمان قبل ما جمالك ...
قاطعته قبل أن يكمل كلامه 
صدقني حتى لو جمالي راح رأيي فيك مش هيتغير يا استاذ مروان وسواء زمان أو دلوقتي إمكانية اني اتجوزك مستحيل مليون في المية ولو حتى انت اللي طلبت هقولك لا ......
لمعت عينيها وهي ترى الڠضب الذي عصف بوجهه وابتسمت وهي تقول بنبرة متسلية
عن اذنكم بقا ورايا شغل كتير ...هعدي عليكي شوية يا طنط وشكرا على كل حاجة ...
ثم تركتهم وذهبت 
.....
ولجت لمنزلها بسرعة وهي تشهق وتضع كفها على صدرها ...أخرجت هاتفها ونظرت إلى الرقم الذي ظهر أمامها بتردد ثم ضغطت عليه وهي تضعه على أذنها وقالت
انا هاجي معاك اسكندرية !!!
..........
وبنتك موافقتش على العريس ليه يا دلال هي عبيطة ...
قالتها اعتماد وهي تلوي فمها ثم أكملت 
ده دكتورها في الجامعة يعني مركز ووضعه المالي ممتاز ...اكيد البت دي محسودة ...
قالتها وهي تنظر بطرف عينيها إلى رحيق التي وضعت صينية العصير على الطاولة الزجاجية المستديرة ...
نظرت رحيق إلى دلال وقالت
عايزة حاجة تاني يا ماما ...
لا روحي أنت 
قالتها دلال بجمود لتبتسم اعتماد بخبث وتقول 
لازم تبخري بنتك يا دلال ....الناس بقت نفوسها وحشة ...اصل مش معقول واحدة في العشرين العرسان بيجروا وراها وواحدة قربت تكمل التلاتين ومحدش معبرها ....
ترطبت عيني رحيق بالدموع ونظرت إلى اعتماد پقهر وقالت
تقصدي ايه !أنا ببص لأختي يعني !
والله يا حبيبتي اللي على رأسه بطحة يحسس عليها ...أنت اهو عنستي ومحدش عبرك واكيد لما المسكينة دي حد اتقدملها الڼار أكلتك من جوا و ...
سيد اعتماد ...
صړخة جعلتها تنتفض من مكانها لتنهض وتتسع عينيها بقوة