سكريبت صفاء_الروح بقلم حلا_الشويكي الجزء_الآۆلْ

ومو نذل ابدا هو كتير حدا صادق ما توقعت يخذلني ويجرحني بهالطريقة بس لما فهمت منو القصة اقتنعت انه كلشي بهالدنيا نصيب
صفاء 
لك اي هو خبرني انه كان يحب بنت وانا حرمتو منها حتى بيوم عرسنا 
فادي بعدي ايدك لا تمسكي ايدي
صفاء بس قدام الناس
فادي بعدي هيك
صفاء مين هالبنت يلي عم تطلع عليك من بعيد وپتبكي 
فادي امشي بلا كتر حكي
مضيت الحفلة بيومها والكل عم يتطلع فيني نظرة شفقة البنت اليتيمة يلي تركت جامعتا من اول سنة وتجوزت مشان تنستر لأنه بنت ما بيصير تعيش لوحدها شو ذنبي ازا امي ماټت وتركتني وحيدة ليش بس كانت امي عايشة ما حد كان يسأل عني او شايفني ليش ما حد تذكر وجودي الا بس امي ماټت بس راحت سندي بالدنيا !!
فادي لا تفكري حالك جيتي على قصر انتي جيتي هون لتخدميني بس
صفاء ما عاد يفرق معي شي اغلا شي بحياتي خسړتو
فادي شو هو
صفاء امي وتعليمي
فادي قلتلك التعليم بنتفاهم عليه ما حرمتك منو
صفاء بدي ارجع سجل بالجامعة
فادي بفكر بالموضوع
سمر 
انا بس وافقت انو ابني يتجوز صفاء وافقت من باب حبي لأختي الله يرحمها وحسيت انه البنت رح تنظلم كتير ازا ما ضحيت واجبرت ابني يتجوزها هي بنت خلوقة وطيوبة وتوقعت انه يتفقو هي وفادي ويحبو بعض ما توقعت انه يكونو متل الأعداء
الجزء الثاني
صفاء 
لك اي يا اعداااء اعدااااء كنا اكتر من اعداء
بس وافق اني كمل تعليمي وسجلت بالجامعة من كتر النق يلي نقيتو فوق راسو طبعا هو ما كان عندو اعتراض بس كان عم يعاقبني على ذنب ما عملتو
صفاء فادي ما عاد فيني والله تعبت لا انا زوجة ولا انا طالبة شو يعني خدامة بلا اجر عندك !!
اتطلع فيني بطرف عينو وطفى سيجارتو
فادي اي خدامة بلا اجر وازا بتحبي تصيري زوجة تعالي غمزلها
حسيت بالإهانة بوقتها 
صفاء لا خليني خدامة بلا اجر احسن بلا قرف حل عني ياه
كان فادي يناقض طبيعتو هو كتير طيوب وحنون ما كان يحب يشوف دمعتي
عم قلك بيقلي انتي ما جيتي على قصر انتي جيتي لتخدميني وبس شاف دمعتي رح تنزل وانا عم قلو خسړت كلشي وقلي رح يخليني اتعلم في حد بيجيب خدامة لعندو وبيقلها ما حرمتك من التعليم انا ما كنت اكرهو كشخص لأنه كتير حباب بس کرهت الطريقة يلي جوزوني ياه فيها اخر حدا قرر زواجي منو هو انا حتى كنت اخر من يعلم لهيك برمجت عقلي اني بكرهو بس فعليا انا ما كنت اكرهو ابدا بس بنفس الوقت ما تخيلت بيوم يصير زوجي فعلا مجرد الفكرة كانت تقتلني ما كنت شوف فيه حياتي كنت حس انه حياتي معو سجن رح يصدر العفو عني واطلع منو قريبا !!
فادي 
ليكي هي صفاء بنت عنيدة كتير بس مافي اطيب من قلبها بس والله كنت مۏت بندى كانت حبيبتي وعمري وحياتي حسيت انه روحي طلعت بس تركتها وامي حكتلي پغضب عليك ازا ما تزوجت صفاء ما كان عندي حل مافيني اغضب امي كنت حس انه صفاء سبب فراقي عن ندى هي يلي بعدتها عني
ندى 
انا والله بس فهمت القصة وقفت مع صفاء وصرت حاول بعد عن فادي لانه خلص هو تزوج كان على طول يقلي نحنا متزوجين عالورق بس انا كنت حس اني السبب خلص صفاء صارت مرتو وازا طلقها وين رح تروح هي بنت يتيمة ما الها حد الا