رواية بين الحلم والقدر الفصل الاول حتى الفصل العاشر حصريه وجديده

اه
يلا علشان مناخرش
نور بتوتر اه اه صح
تبارك بخضه مالك يانور انتي كويسه
نور اه انا تمام
تبارك طيب يلا علشان نوصلك
نور لا روحي انتي وانا هطلب اوبر
تبارك ايه يانور هو انا هفضل اعيد في كلامي كدا كتير متقول حاجه يا آدم
ادم يلا يانور اركبي نوصلك
تركب نور في الخلف وتبارك في الامام ويوصل ادم نور الي المنزل في صمت رهيب مع دقات قلوبهم طول الطريق تنزل نور وتودع صديقتها وتدخل المنزل وتبارك تقول لها هستناكي انهارده 
نور إن شاء الله
عند ادم وتبارك
ادم هي نور هتيجي عندنا انهارده ولا ايه
تبارك ايوه هنحتفل انا وهي بمناسبه اخر يوم امتحانات
ادم اممممممم
تبارك بابا هيفرح قوي انك جيت انت شوفته
ادم لا انا جيت عندك علي طول علشان اشوفك
تبارك اممممم وانت عامل ايه مفيش واحده كدا ولا كدا 
ادم پصدمه لا لا انتي اكيد مش تبارك الي اعرفها
تبارك بضحك بهزر بهزر اقصد ملقتش عروسه عاوزه افرح فيك اقصد بيك
ادم وهو يتذكر نور فجاه لا ملقتش لسه قوليلي انتي ونور صحاب من امته
تبارك انت مش فاكرها ولا ايه دي نور بنت عم مصطفي الي كان جارنا زمان
ادم بتذكر البنت الصغيره الي كانت بتلعب معانا واحنا صغيرين دي
تبارك ايوه هي الي انت كنت بتزعق لها علشان البس أو لما كانت بتلعب مع كريم صاحبك
ادم اه هي دي دي كبرت جدااا دي بقت عروسه اهي
تبارك اه يانا نفسي تتجوز حد اعرفه وتفضل معايا علي طول
ادم منتي هتتجوزي وهتسبيها بردوا
تبارك لا مهو لما تبقي قربتي نروح ونيجي عند بعض عادي منتجوزها يا آدم وتريحني
ادم بتفكير في نور ودقات قلبه وتعالي من فكره أخته اسكتي ياتبارك
تبارك اه هو بس يجي فارس أحلامها الي بتحلم بيه كل شويه دا وانا هخليه يصاحب جوزي المستقبلي
ادم بغيره دون أن يشعر فارس مين دا
تبارك هي مش عارفه هو مين هي علي طول بتحلم بحد بيجي ليها في المنام وبتقول أنها حاسه أنه فارس أحلامها
ادم
تبارك ادم انت روحت فين 
ادم معاكي
تبارك سوق بسرعه بقا علشان عاوزه اشوف بابا هيعمل اي لما يشوفك
ادم بتفكير حاضر حاضر
عند نور
تدخل نور الي المنزل وهي تشعر بشعور غريب اول مره تحس بيه 
نور وهي تدخل الي غرفتها معقول يكون هو فارس احلامي بس ازاي ايوه بس هو شبه كتير قوي معقول طيب لو هو فعلا هل هو عارفني طيب بيحبني بيحلم بيا زي منا بحلم بيه ايوه بس هو بيقولي أنه حاسس أنه شافني قبل كدا معقول هو كمان بيحلم بيا طيب لو هو بيحبني ولا انا بتخيل اه يا دماغي ھتنفجر من كتر التفكير انا احسن حاجه هسيبك كل حاجه علي ربنا وهو لو فيه خير ربنا اكيد مش هبعد الخير عني
وذهبت للصلاة تشكو همها الي الله فهو أقرب الينا من حبل الوريد 
وبعدها جهزت نفسها للذهاب الي تبارك للاحتفال
في فيلا الصياد عند وصول تبارك وادم
تدخل تبارك وادم معا يجدوا والدهم يجلس في الحديقه
خالد عندما يتطلع الي ادم يقف يستقبل ابنه الأكبر بحب فهو علي علم أنه جاء من صديقه كريم الذي جلب الشنط الي المنزل منذ قليل
ادم وهو يحتضن والده بحب حضرتك وحشتني قوي يابابا
خالد وهو يربت عليه وانت وحشتني قوي يابني كل دي غيبه هونت عليك المده دي كلها
ادم وهو يقبل يد والده اسف يا والدي بس حضرتك عارف ان الشغل صعب وكان لازم اثبت نفسي كويس واكون نفسي
خالد عارف يا ابني ربنا يوفقك في حياتك ويرزقك ببنت الحلال الي تصونك وتفرحني بيك بقا
ادم بضحك هو فيه بقا كل واحد فيكم يقولي بنت الحلال بنت الحلال انتو عاوزين اي بالظبط
خالد بضحك ولا اي حاجه عاوزين نفرح بيك بس الفرح مدخلش بيتنا من زمان بس
أدم وهو يتذكر نور ولا يعرف لماذا إن شاء الله ياحاج قريب إن شاء الله
خالد بأمل إن شاء الله يابني يلا قوم استريح بقا شويه من السفر
تبارك اعمل حسابك أن نور صاحبتي هتيجي وانت هتقعد معانا ها علشان نحتفل ماشي
ادم ماشي حاضر 
وذهب ادم للنوم لكي يحلم بمن سړقت قلبه وهو لا يعلم
في الليل في منزل نور وهي تخرج من المنزل
نور ماما انا رايحه عند تبارك
والده نور ماشي ياحبيبتي متاخريش ها
نور حاضر يا ماما يلا سلام عليكم
والده نور وعليكم السلام ورحمه الله وبركاته ربنا يوفقك يا بنتي يارب ويرزقك بابن الحلال 
امام فيلا الصياد
نور وهي تدخل يوقفها الأمن
رجل الأمن انتي يا انسه رايحه فين
نور داخله جوه
رجل الأمن هي وكاله من غير بواب ولا ايه
نور لي حضرتك بتقول كدا انا داخله لصحبتي جوه
الامن باستهزاء وصحبتك دي بقا اسمها ايه انتي هتستعبطي يابت
نور انا مش عاوزه اشتم حضرتك علشان انت قد بابا وشكلك جديد هنا عموما صحبتي اسمها تبارك الصياد
الامن استني لما استأذن الاول انك تدخلي
نور اوكي كان ممكن حضرتك تكلمني بأدب من الاول وأما مش هعترض
صوت من خلفهم تعالي يانور دي نور ياعم ابراهيم صاحبه نور
تلتفت نور الي مصدر الصوت وقلبها يخفق بشده 
ادم لنور معلش يا نور علي طريقه عمي ابراهيم بس هو بيبقي قاسې مع الغريب وهو مكنش يعرفك اتفضلي ادخلي
نور تدخل حتي تقف أمامه يمد ادم يده إليها بقلب يخفق بشده أيضا
نور وهي تمد يدها له مش مشكله انا عارفه هو شكله لسه جديد وميعرفنيش
ادم اول ما لمس ايد نور سرح ومش سامع حاجه خالص وهي ايضا سرحت وهي تتطلع الي عيونه وهو يتطلع الي عيونها
استفاقوا علي صوت تبارك وهي تنادي علي نور
ادم يتدارك الموقف ويسحب يده من يدها
نور بتوتر من الموقف ازيك يا تبارك عامله ايه
تبارك بلؤم انا الحمدلله انا وادم انتي عامله ايه بقيتي احسن كان شكلك تعبان الصبح
نور اه اه انا بقيت احسن الحمدلله 
تبارك لادم انت كنت رايح مشوار ولا ايه
ادم بتوتر من نظرات أخته اه اه كان عندي مشوار صغير كدا وهرجع علي طول سلام
تبارك بضحك في نفسها والله ووقعت يا ادم انت ونور تعالي يانور نقعد جوه
وذهبوا للاحتفال
رايكم يهمني جدااا علشان اكمل
الفصل الثالث
نامت نور مايقرب الخمس ساعات من التعب واستيقظت اخيرا بعد نوم شاق بسبب رنين الهاتف
نور بنعاس الو
ادهم بمرح كالعاده صح النوم يا هانم لسه صاحيه انتي عارفه انتي نايمه قد ايه كل دا نوم اي متشبعيش نوم ولا ايه امال هتذاكري امته
نور بزهق اي الصرف الصفي الي طفح في وشي دا دا بدل ما تقول عملتي ايه انهارده في الامتحان وحشتيني ياختي ياحبيبتي شدي حيلك السنه دي
ادهم بضحك منا كنت لسه هقول كدا بس بفرفشك علشان عارف انك منكده وتعبانه وبالمره اكسب ثواب واصحيكي
نور ماشي ياعم كل واحد له زنقه المهم عامل اي في المذاكره كويس ولا اي النظام
ادهم عيب عليكي دا احنا نازلين دح دح يعني المهم عملتي ايه انهارده في الامتحان كدا مش باقي غير ماده واحده بكره أو بعده شدي حيلك بقا يا دكتوره
نور بتمني إن شاء الله خير هرفع رأسكم متخفش المهم
هتيجي