رواية هتحدي الظروف الحلقه الخامسه حصريه وجديده
انت في الصفحة 1 من 4 صفحات
رواية هتحدي الظروف الحلقه الخامسه حصريه وجديده
يبص زين لروح ويلاقيها نايمه .. يشيل ايد سوزى من عليه
زين بطلى تتصرفى كده .. احترمى مشاعرها ع الاقل
سوزى يا سلام ومن امتى الكلام دا
زين من......
تقاطعه سوزى اللى حضنته مره واحده وباسته .. زين كان عاوز يبعدها بس هى عارفه ازاى تسيطر عليه .. بتلقائيه يلف ايده حوليها وهى ايدها ورا راسه بتشده ليها اكتر .. روح كانت بتتقلب ع السرير وتحس ان مفيش حد جنبها .. تفتح عنيها براحه ومتلاقيش زين جنبها .. تستغرب ولسه بتتعدل تشوفهم .. تتصدم روح من اللى قدامها .. هى اه عارفه انه مش كويس وان سوزى كمان باين انها مش تمام .. بس متخيلتش ابدا الامور توصل لكده .. تقوم من ع السرير وتقرب عليهم .. زين يحس بحركتها ف الاوضه يتخض ويبعد سوزى مره واحده بعيد عنه ويبصلها .. عينهم اتقابلوا ف نظره طويله ليها معانى كتير قطعهم دموع روح اللى بتهددها بالانيهار .. زين واقف مستغرب موقفه هو من امتى بېخاف ع مشاعر حد كده ! او ليه اضايق انها شافته ف وضع زى دا .. طال بينهم السكوت وسابوا العيون تتكلم .. سوزى قطعت الصمت دا
تنتقل عيون روح لسوزى وتقرب عليها وتتجاهل وجود زين
روح بنفور منها انتى بنى ادمه مقرفه .. انتى مش متربيه اصلا .. انتى واحده رخيصه
سوزى نوعا ما الكلام ضايقها .. هى مش اول مره تسمع كده بس جملتها بالذات وجعتها
سوزى بضيق اتكلمى عدل يا بتاعه انتى .. عشان انتى مش اد قلبتى
سوزى ما تلم مراتك يا زين
زين سوزى من فضلك اطلعى بره دلوقتى
سوزى بزهول انت بتطردنى
زين بعصبيه مكتومه ترجميها زى ما انتى عاوزه بس المهم اطلعى دلوقتى
تبصلهم سوزى بنرفزه وتطلع .. يقفل زين الباب ويبص لروح اللى بعدت عنه وراحت قعدت ع السرير بكل هدوء .. زين استغرب صمتها شويه متخيلش انها ممكن تاخد الموضوع بهدوء كده .. يقرب عليها ويدوب هيقعد جنبها .. تسيبه ولسه هتقوم يمسك دراعها
روح تزق ايده بنرفزه
روح بعصبيه ايدك دى متلمسنيش
زين اوك مش هقرب منك .. بس ممكن تهدى وتقعدى .. احنا لازم نتكلم
روح معتقدش لازم
زين لا لازم .. من فضلك اقعدى
تقعد روح . زين لسه هيتكلم تقاطعه
روح ثوانى بس مش كل مره تغلط تقعدنى نفس القعده دى وتقول اى كلام وانا هبله وهصدق واسكت .. المرادى مش مستحب انك تتكلم .. انا حقيقي مش طايقه منك اى حاجه ..
