رواية أسير صورتها بقلم مني الكاشوري الفصل الأول والثاني والثالث والرابع والخامس حصريه وجديده

.. الراجل زمانه خلل تحت ..!!!
______________
يقف منتظرا بعد أن هاتفها ليعلمها بوصوله أمام منزلها ..وما هي الا دقائق وهبطت إلية ..
جميله... مبهرة ..!!!!
ترتدي قميصا وردي رقيق غير مجسم لجسدها وتنورة بيضاء واسعة بنجوم ورديه صغيرة..وحجاب باللونين الابيض والوردي .. وعقد رائع يزين صدرها بألوان مبهجه مابين الاخضر والابيض والوردي وجهها خالي من اي اصباغ ..جمالها الطبيعي وملامحها الرقيقة جعلتها كالملاك حقا ...
استقبلها بابتسامة حانية وهو يفتح لها السيارة لتجلس بجواره..
وما ان جلس جوارها بالمقعد الامامي حتى التقط يدها مقبلا اياها قبلة رقيقة حاولت لافندر سحب يدها فضغط عليها اكثر قائلا 
ماتسيبيش ايدي لاني مش هسمحلك تسيبيها ابدا..
انا خلاص بقيت حبيبك وجوزك يا لافندر ..لازم تتعودي عليا ...عارف انك بتتكسفي مني ..بس انا مابقيتش غريب عنك ..انا حلالك وانتي حلالي..وأقربلك من كل البشر دلوقتي ..مافيش حد هيحبك وېخاف عليكي قدي ..
ثم قبل باطن كفها ونظر لعينيها مباشرا قائلا بصوت حاني بحبك! 
______________
منذ أن رأها أمس بفرح صديقه عمار وهي تستحوذ على تفكيره بشكل غريب.. علم انها شقيقة زوجته .. وتدعى سما ..حاصلة على معهد تكنولوجيا الاتصالات ..ولا تعمل حاليا .. تعيش مع ابيها وشقيقتها لافندر ..ولديهم اخ صغير يدعي خالد .. اخيهم من الاب فقط..
تذكر تلك الصورة التي ألتقطها لها بهاتفه في خلسة .. فتأملها بهيام متعجبا من نفسه ومن انجذابه لها
ما اجمل اسمها وما اجملها .. تشغل عقله بشدة.. لم ينشغل بفتاة بتلك الطريقة من قبل ..تعرف علي الكثيرين ولكن لم يشعر تجاه احدا منهم بمثل ما شعر تجاه سما ... سبحان الله! 
سبحان من جعل لكل روح اخرى تتألف معها دون غيرها ..حتى وإن تماثلت مع غيرها بنفس جميع الصفات ..ربما قابل من يماثلون نفس جمال ورقة سما ..ولكنها الروح .. هي من تقوده لها دون غيرها من البشر ..!!!
_________________
مالك يابني !!!!
جواد وهو يطالع والديه.. ويحاول ان يبدو بخير ..فهو يعلم انهما يشعران بتعاسته .. خاصتا والدته عندما رأته امس يعلم حينها انه كان مثال للتعاسة امامها وربما اخبرت والده عن حالته تلك .. لهذا يسال عن حاله الان! 
بماذا يجيب او يحكي وقد انتهي كل شيء ..!!
.............
_انا بخير يا بابا ماتقلقش عليا.. اطمن انا كويس جدا ..
ابو جواد يابني انا ابوك .. ماينفعش تكدب عليا لأني انا وامك كمان حاسين بيك .. فيك حاجه تعباك ياجواد .. احكيلي يابني 
يمكن افيدك وتلاقي عندي حل لمشكلتك ...!!!
اخفي حزنه وخيبة امله داخله .. ثم قال
هسافر كام يوم يا بابا .. وبأذن الله ارجع احسن ..
يمكن اكون محتاج بس اغير جو شوية مش اكتر ..!!!
_________________
عادت لافندر إلي منزلها تكاد تطير فرحا وسعادة 
بعد ان قضت يوما مثل الحلم مع زوجها عمار ..
كم كان رقيقا حنونا معها .. لم يبخل عليها باظهار مشاعره بكل لحظة قضاها معها .. حتي انها ما عادت تخجل منه كالسابق استطاع التغلغل داخلها .. حتي انها حزنت لانتهاء اليوم وعودتها لمنزلها .. وكأنها تحمل هم اشتياقها إليه عند تركها وحيدة ..
نعم هي وحيدة من دون عمار اصبح يمثل لها الكثير والكثير تحمد الله علية بكل دقيقة تمر عليها ..!
_أبتدينا بقي السرحان والتوهان يا ست لافي ...
اخرجتها سما من شرودها بعمار .. فقالت 
كان يوم تحفة ياسوما .. بجد مبسوطة اوي ياسما 
لدرجة خاېفة من كتر السعادة اللي حاسة بيها..!!!
سما بسخرية احنا كده شعب نكدي بطبعه! بنخاف نفرح وفي عز الفرحة ندور على القلق عشان نفوق نفسنا.. !!!
لافندر وهي تبدل ملابسها ..
والله عندك حق يابت ياسوما .. ساعات بتبقي عاقلة وبتقولي حكم ودرر!
سما وهي تجلس بفراشها قائلة 
طب يلا بقي ياروحي .. تعالي جمبي واحكيلي كل حاجه عملتوها انهاردة روحتو فين وقالك ايه وقولتيلوا ايه ... ماتفوتيش اي تفصيلة ..
لافندر خلي التقرير ده لبكرة احسن انا ھموت وانام ياسوما...
سما لالالالا انسي خالص انك تنامي قبل ما اعرف كل التفاصيل 
امال انا سهرانة مستنياكي لية .. ولو علي النوم 
هروح اعمل اتنين نسكافيه من اللي يعدل الدماغ .. استنيني ..
_________________
باليوم التالي
عمار عايز تخطب مين 
كريم صبرني يارب علي ده صاحب .. 
بقالي ساعة بفهمك ... انا ... معجب ... بسما ... اخت مراتك وعايز اتقدملها.. اوضح ايه تاني عشان البعيد يفهم 
أجاب يابني انت لسة شايفها اول امبارح ازاي عايز تتقدملها كدة على طول ..انت ماتعرفش عنها غير أسمها ..
كريم عمار انا عارف اني مالحقتش اشوفها ولا عرفتها ولا عرفت شيء عنها .. بس عندي احساس غريب ان هي دي نصي التاني احساسي بيها مختلف صدقني .. كل اللي بتقوله ده هعرفه اكيد اما اقعد معاها .. بس حبيت ابتدي الموضوع من بابه وبالأصول ماهو ازاي هتعرف عليها إلا بشكل رسمي! ووقتها هتكلم معاها .. واكيد ساعتها هنقعد ونتعرف علي بعض..!!
صمت عمار مفكرا .. هل يخبره بما حدث لسما 
وخطبتها السابقه لشخص حقېر وكل ماحدث معها ..
ام انه لا يحق له التدخل بهذا الامر .. لا يعلم ...!!!
كريم هي سما فيها حاجه تعيبها لا سمح الله ياعمار 
عمار نافيا بصدق بالعكس.. دي بنت من احسن البنات .. أدب وأخلاق وطيبة .. وبجد يا بخت اللي هياخدها وتكون من نصيبه ...!!!
كريم هتكون من نصيبي ان شاء الله ..
عمار ده انت شكلك وقعت بقي ياعم ..
كريم والله شكلي كدة فعلا واحتمال اتجوز معاك كمان
عمار ايه الثقة دي .. مش لما توافق عليك اصلا ..
كريم بثقة اكيد هتوافق.. انا ما اترفضش يابني .. 
انا طول بعرض بوظيفة ميري .. وعنية خضرة ...وبعرف اطبخ !
عمار تطبخ !!!!!! هو البيض المسلوق دلوقتي بقي طبيخ والله ما كنت اعرف ...!!!
كريم ببرود اديك عرفت!
اخلص بقي وكلمهم وخدلي معاد في اقرب وقت..!!
_____________
انت بتتكلم جد ياعمار .. مين عايز سما ومصمم عليها كدة وهو ماشافهاش غير من يومين بس 
عمار وهو يهاتفها بعد حديث كريم معه 
واحد صاحبي اسمه كريم بيشتغل مصمم أزياء محجبات .. هيتجنن عليها من وقت ماشافها
في فرحنا..ويومها سألني عنها وعرفته انها اختك .. وتاني يوم طلب مني احددله معاد مع والدك بأسرع وقت.. على فكرة كريم انسان كويس جدا يا لافندر .. وراجل اوي.. لو عندي اخت مش هتمنالها افضل منه!
لافندر بنبرة صوت حزين 
طب تفتكر سما هتوافق اصلا تقابله ما انت عارف ياعمار سما لسة بتعاني هي بتتظاهر انها بقيت كويسة بس انا حاسة بيها من وقت اللي حصل وهي مش بطبيعتها ولا مرحها بتحلم بالكوابيس كل ليلة..
ثم اكملت بصوت باكي انا مش عارفة ازاي ممكن اسيبها لوحدها مين هيصحيها بعد كل كابوس وياخدها في حضنه ويهديها ويقرأ قرآن لحد ماتنام صعبان عليه حالها ومش عارفة اساعدها ازاي ..
عمار حبيبة قلبي ماتبكيش عشان خاطري.. احسن أجيلك دلوقتي وامسح دموعك بطريقتي.. ومش مسؤول عن اللي هيحصل بعدها ...
لافندر بضحكة قصيرة من وسط دموعها
احنا في ايه ولا في ايه بس ياعمار .. انا بجد خاېفة علي