نوفيلا ألعب يلا الفصل الاول بقلم دينا إبراهيم حصريه وجديده
هنا علي اليمين !!
انتبه سريعا لكلمات عامر ادار المقود بابتسامه قبل ان يقف تماما امام مبني مهترئ نسبيا .....
احنا متشكرين اوي يا ابني تعبناك معانا !
قال والد عامر بحزن طفيف يكسو وجهه ...
ليردف عامر سريعا ...
اتفضل يا استاذ مالك لازم تطلع معانا !!
لا انا همشي ....
لا والله ابدا احنا تعبناك واتبهدلت معانا لازم تطلع تشرب شاي معايا !
والله انا مش عايز اتقل عليكم !!
ايه اللي بتقوله ده بس طيب والله المنطقة كله نورت اتفضل يا استاذ مالك ...
قولي يا مالك من غير القاب انت ليه محسسني اني قد ابوك !
ضحك عامر ليردف ...
اصل أتعودت و بعدين انت عامل ړعب في المصنع !
ابتسم بداخله غير مصدقا جنون تفكيره !
تحرك نحو المبني و لم يفت عليه التوتر الذي ساد المنطقة و الاشخاص وهم يمرون من امامهم و حولهم سريعا !!
حتي ان سيده عجوز قد شهقت في وجوههم بخضه و كأنهم من المريخ قبل ان تضع وجهها في صدر جلبابها قائله تف تف تف !!!
ما الذي يجري للخلق اليوم ام ان الجميع قد جن جنونهم من حوله !
..................
بعد 20 دقيقه بشقه والدي عامر ......
وضع مالك الكوب علي الطاولة الخشبية امامه قائلا ....
تسلم ايدك يا ام عامر !
الله يسلمك يا ابني اعملك تاكل بالله عليك !!
والله ابدا هي كوبايه الشاي دي و حلو اوي كده ... كتر خيرك !
ليجيب عامر ...
انت اللي كتر خيرك والله !
ابتسمت والدته بتعب لتقول ...
انا هدخل اطمن علي اختك فاقت ولا لسه انا سايبه رحمه بتفوقها ...
التفتت الي مالك منهيه حديثها معه بقولها...
بيتك و مطرحك يا ابني !
مقصدش اني اكون متطفل او بارد بس انا لازم اعرف ايه اللي بيحصل بالظبط و مالها اختك !!
اختفت الابتسامة من علي وجه عامر مطرقا رأسه قليلا قبل ان يزفر بخفه مستغفرا الله صمت ثانيه فالأخرى ليردف قائلا ...
موضوع كبير و صعب انا مش عايز اضايقك بيه !!
لا مش هتضايق ابدا و بعدين احنا مش صحاب ولازم نقف جنب بعض !!
ابتسم عامر قليلا قائلا...
طبعا شرف ليا انك تعتبرني صاحبك انا والله بعتبرك زي اخويا و اكتر من قبل ما تقف معانا !
ربنا يخليك وانت كمان المهم احكيلي يا سيدي !!
فرك عامر كفيه بتوتر و مالك ينظر له بترقب و تركيز كبيران
