رواية الهجينه الجزء الثاني الفصل الحادي والاربعون حتي الفصل الخامس والاربعون بقلم ماهي احمد حصريه وجديده

حد قالكم أني قاعده مستنياه.. حد اصلا قالكم أني حتى بفكر فيه أو بييجي على بالي اصلا
حولت ساره نظرتها إليها قائله 
_أومال أنت قاعده كل ده ليه ومابترديش بأي عريس يتقدملك ليه مش عشان بتحبيه
تحركت شمسمغادره الغرفه قائله 
_ده خيالكم المړيض اللي صورلكم أني بحبه مع أني عمري ما قولت كده
غادرت شمس الغرفه تاركه أياهم ينظرون لها وهي تبتعد عنهم وضعت ما تبقى من اغراضها بالغرفه المجاوره لغرفه ياسين وغادرت المنزل على الفور
أشارت ميرا اليهما قائله وهي تضغط على أسنانها بغيظ 
_أنتوا يعني كان لازم تنسحبوا من لسانكم أديها زعلت اهيه
______________بقلمي ماهي أحمد________________
كانت ملابسهم مبلله بالكامل بعدما خرج ثلاثتهم من المياه وسط ضحكاتهم سويا فقد مرت السنين بسرعه على أخر تجمع لهما يسيرون بالطرقات المفروشه بالرمال الناعمه الصفراء على الجانب الأيسر المنازل البسيطه المصنوعه من الخشب وعلى الجانب الأيمن الخضرا والزرع يتطاير بنسمات الهواء البسيطه والماره بجوارهم يركبون الدراجات المرصعه بزهرة عباد الشمس من الأمام رأى ياسين ذلك فابتسم ابتسامه امتنان بعدما لاحظ عدم وجود سيارات داخل القريه ولكنه اضطر يسأل سؤال يعلم أجابته من قبل فنظر بجواره للطبيب يوجه سؤاله اليه 
_القريه مافيهاش عربيات ياعلي كل اللي بيمشي فيها بيمشي بعجل صح
ابتسم الطبيب قبل أن يخبره 
_وأكيد أنت عارف مين كان نفسه يحصل كده من زمان قريه تبقى قطعه من الجنه العربيات والتكنولوچيا تبقى قليله أوي فيها عشان نتنفس هوا نضيف من غير عوادم السيارات والقرف اللي بيحصل في المدن فاكر ياياسين فكرة العجل دي فكرتك زمان وانا نفذتها دلوقت
كرر من خلفه بأمتنان
_فعلا كانت فكرتي ومش مصدق أنك نفذتها أنا برضوا لاحظت أن مافيش عربيات جوه القريه
نظر أمامه فوجد سياره تأتي مسرعه بالجهه المقابله لهم فطالع السياره باشمئزاز قائلا 
_إلا العربيه دي
اشار الطبيب لياسين بأن يهدىء من روعه قليلا قائلا 
_ياسين عايزك تهدي نفسك خالص دي عربية فريد سيبك منه سيبني أنا أتكلم وبعدين أنا هفهمك ليه 
ضغط فريد على مكابح السياره مما جعل الاطارات تصدر صوتا مرتفعا من قوة الدفع فوقف أمام ياسين وكأن نيته الأصطدام به وقف ياسين ولم يبرح مكانه بتحدي فترجل فريد من سيارته بعدما انتزع النظاره الشمسيه من عينيه يقف أمام ياسين ينظر في عينيه بتحدي سائلا أياه 
_فين بطاقتك
ابتسم ياسين بمكر فتابع بقوله 
_عارف.. انا لو مش متأكد أن حسناتي قليله و مجمعهم حسنة ورا حسنه ومخبيهم ليوم لاينفع فيه مال ولا بنون كنت قولت كلام الأولياء والصالحين كلهم ما يشفعولي بعد ما اقوله
قاطعه ناطقا بحزم 
_أنت بتقول أيه يلا أنت أنت باين عليك شايف نفسك ومش عايز تجييها لبر
هنا تخلى ياسين عن صبره فطالعه بنظره حاده نظره بها ما يكفي من الش ر فتحولت عيناه الى اللون الأحمر القاتم ارتعد فريد وعاد خطوه للخلف مما رأه الأن وخبط قدمه بغطاء السياره دب الړعب بقلبه فصړخ الطبيب ب ياسين قائلا 
_ياسين 
أفاق ياسين وشعر بنفسه مجددا فأعاد عينيه الى لونها الطبيعي مسرعا فاقترب من فريد بعدما قبض بكفه على ياقه زيه الرسمي
_أسمع يلا الانسان قبل ما يتولد ربنا بيكتب عمره بالسنين والايام والدقايق والثواني.. وانت يابن ال ضيعت منهم ٤٠ ثانية وانا مش مسامحك عليهم 
ابتلع فريد ريقه وكأنه غصه مريره بحلقه فاسترسل ياسين حديثه بجديه وحزم 
_مش عايز اشوفك مره تانيه بتحوم حواليا ولا حوالين شمس عشان قضيتك خسرانه معايا أنا مش محترم زي علي ولا طيب زي بربروس أنا ياسين وكلمه بطاقتك دي تعملها على اللي زيك مش اللي زيي وعشان تريح نفسك احب اقولك انا معايا الجنسيه الألمانيه يعني مش هتعرف تعمل معايا حاجه
غمز له بطرف عيناه 
_أخلع من هنا بقى قبل ما أخلع جدورك من الأرض
أسند فريد بذراعيه على غطاء السياره وصعد بداخلها وهو يهرول فمن يراه الأن يقسم بأنه رأى شيطانا وليس بأنسان طبيعي فابتسم بربروس على منظره هذا قائلا وهو يربت على كتف ياسين بفخر 
_لقد أشفيت غليلي من هذا الفتى ياياسين هنيئا لك
صړخ الطبيب بهما هما الأثنان يطالع فريد وهو يبتعد بالسياره بعيدا 
_أنتوا أكيد مجانين أنتوا فاكرين أن فريد هيسكت ده لو أكتشف حقيقتنا مش هيسيبنا انتوا مش قادرين تفهموا ليه وهيقلب البشر كلهم علينا 
ربت بربروس على كتفه بهدوء 
_لا تقلق ايها الطبيب فهذا مجرد مزندع يكثر من حديثه ويقل فعله
فدعمه ياسين بقوله 
قولت الخلاصه ياعجوتنا اللي زي ده جبان مش هيعمل حاجه والله انا عايز اقول انه بيض اعمله تمن أنت عارف كرتونه البيض بكام دلوقتي
فرد بربروس قائلا بقلة حيله 
_لقد تعدت المائتان جنيه
ضړب الطبيب كف يده بكفه الأخر قائلا 
_والله انتوا ما هتسكتوا إلا لما تودونا في داهيه
سمع الطبيب صوت يأتي من بعيد ليس بغريب عنه ينادي عليه من خلفه
دكتور علي.. دكتور