رواية فارس من الماضي الفصل السادس والسابع والثامن والتاسع والعاشر بقلم إيمان البساطي حصريه وجديده

خرجت السكرتيره من المكتب وسمحت لهم بالدخول دخلت أيه ورنيم الى المكتب.
قابلهم رمزى بترحيب قائلا
اهلا اهلا بنت اخويا نورتى المكتب.
أجابته رنيم بسعاده
منور بيك يا اعمو
وجه رمزى حديثه إلى قائلا
اذيك يا أية أخبار والدك اى
ابتست له أية بمجاملة فهى لا ترتاح الى هذا الرجل ابدا وأتت إلى هنا بحد إلحاح رنيم عليها. 
وتحدثت بعملية
الحمدلله بخير يا أونكل
قاطعت رنيم هذا الترحيب متحدثه بحماس 
ها يا عمو حضرتك مقولتليش شغلنا انا وأية هيبقا نظامه اى هنا فى الشركه هنعمل اى بالظبط.
اجابها رمزاى بتعجرف 
الحقيقه يارنيم انا مكنتش عارف اشغلكم هنا اى لان مافيش مكان لموظفين جدد الناس اللى بتشتغل هنا عندها خبره وكفاءه عالية جدا عشان كده بقترح انك تشتغلى فى العلاقات العامه ودا قريب من مجال دراستك انتى.
تحدثت رنيم باستغراب من طريقة عمها 
حضرتك انا كنت مفكرة انى همسك إدارة الشركه معاك
تحدث رمزى بتوضيح
مدير العلاقات العامة رفدته بعد اللى حصل فى الشركه وحاليا محتاج يبقى معايا ناس أثق فيهم ومش هلاقى احسن منك
فمهت رنيم حديث عمها بطريقه أخرى فقالت بحيره
حضرتك تقصد ان شغلى فى العلاقات العامة هتكون فترة مؤقته
تحدث رمزى بكذب 
اه طبعا يا رنيم مجرد ما أوضاع الشركه تتظبط ادارة الشركة هتكون تحت ايدك ولا انتى مش واثقه فى عمك وانه خاېف على املاكك
هتفت رنيم بإعتذار
أنا أسفه يا عمو مكنتش اقصد اقول الكلام دا طبعا أملاكى فى أمان معاك وانا موافقه اشتغل فى العلاقات العامه
تحدث رمزى براحه 
تمام اوى يا رنيم ومتقلقيش معتز هنا بقاله فترة وفاهم الشغل هتبقى فترة تحت التدريب معاه بالمناسبه معتز يبقا المسؤل عن العلاقات العامه بين شركة زياد وشركتنا هنا وكمان شريك فيها.
هتفت رنيم بتوتر  
معتز هو نفسه معتز اللى خبط فيه قبل كده
هتف رمزى 
اه هو
ثم وجهه حديثه إلى أية التى تتابعهم بصمت 
وانتى كمان يا أية هيبقى شغلك مع رنيم معتز هتبقا فترة تدريب معاه
هتفت أية بهدوء
تمام حضرتك أن شاء الله نكون قدها
تحدث رمزى اليهم 
دلوقتى معتز زمانه مستنيكم فى مكتبة هيفهمكو طبيعة الشغل.
نهضت رنيم بحماس وودعت عمها وخرجت هى وأية الى مكتب معتز بعد خروجهم قام رمزى بالإتصال على حامد محاسب شركتة وذراعه الأيمن هتف رمزى قائلا
ايوه يا حامد عايزك تنفذ اللى هقولك علية بدون غلطه مش عايز رنيم تعرف اي حاجه عن اداره الشركه واي ورق هتطلع رنيم عليه لازم يكون عندى خبر الأول انا عينتها في العلاقات العامه بعيد عن الإداره مفهوم يا حامد رنيم مش لازم تعرف اي حاجه عن عن رأس مال الشركه ومشاريعنا التانية مش عايزه تعرف غير اللي انا عايزه وبس مفهوم.
ثم اغلاقه هاتفه وتحدث مع نفسه 
قال اى عايزه تمسك إداره الشركه بتاعتها بتدور على أملاكها بعد ما انا كبرتها وبقت من احسن الشركات عايزه تاخذ كل حاجه على الجاهز بنت محمد مفكره إني هسيب ليها الإدارة بسهوله كده كنت انا ناقصها جايبها بس عشان حاجه معينه في دماغي ولازم تتم.
جلست رنين وايه يستمعون الى معتز باهتمام وهو يحاول شرح لهم طبيعه العمل بسهوله وعن الخطط القادمه لتحسين والمشاريع القادمه التي سوف تقوم الشركه بعملها انتهى معتز من حديثه وقال كلامي واضح كل حاجه دلوقتي بقت واضحه ولا محتاجين اني انا اشرح اكثر عن طبيعه العمل
تحدثت رنيم بعملية
لا تمام كده حضرتك لو احتجنا اي حاجه او شئ مش مفهوم هنبلغك
تحدث بعتز بلطف
على فكرة ممكن تقوليلى معتز عادى بدون ألقاب احنا دلوقتى بنشتغل مع بعض
هتفت رنيم بابتسامة خطفت قلب معتز
تمام يا معتز اى المطلوب مننا اى حاليا
تحدث اليها معتز وهو ينظر في عينيها بعمق اخجل رنيم وقال 
حاليا عندنا اوراق محتاجه نراجعها اخر فتره تم تعاقد مع وفد الماني وفي بعض الإيميلات متأجلة محتاج الرد عليها هاحتاجك انت وأية النهارده عندنا شغل كثير نحاول ان احنا نرد على الايميلات بتاعتهم وبكره تجيبوا لي الملفات ادرسها ويرجعها رمزى باشا
تحدثت أية باهتمام قائله
انت متاكد يا معتز ان انا ورنيم هنلحق نخلص