رواية اكتفيت بها الفصل الثاني والثالث والرابع بقلم ساره الحلفاوي حصريه وجديده

رواية اكتفيت بها الفصل الثاني والثالث والرابع بقلم ساره الحلفاوي حصريه وجديده 
الفصل الثاني 
دخلت تيا الجناح و غيرت هدومها لمنامية حرير خفيفة عشان تنام و تنفذ خطتها في نفس الوقت بصت لنفسها في المرايا بثقة و ظبطت شعرها و هي بترجع نصه على ورا وسابت غرة نازلة على وشها بتمرد المنامية كان لونها إسود زي ما بيحب هي عارفة كويس أوي إنه بيضعف قدام اللون ده عليها ف إبتسمت ب شړ وراحت تنام على السرير و هي ماسكة كتاب بتقرأه ممدده رجليها البيضا قدامها دخل رسلان و هو شايف كتلة أنوثة قاعده على سريره هو عارف إن دي مش عادتها و إنها بتتكسف منه جدا و أول مرة تبقى قدامه بالجراءة دي إبتسم نص إبتسامة و راح قعد جنبها ع السرير و فلحظة شد منها الكتاب وقال بخبثه المعتاد

يعني ينفع القمر ده يادوبك يقعد يمسك كتاب تؤتؤ القمر ده يقعد في حضڼي!
بصتله من فوق لتحت و شدت الغطا من على جسمها و هي بتقول ببرود
تصبح على خير يا رسلان!
إتصدم! تيا بتحبه و الموضوع ده باينله زي الشمس و عمرها ما رفضته أول مرة ترفضه بالشكل ده قال بإستغراب واضح على ملامحه
تصبح على خير! ده ليه!!!
إدته ضهرها و قالت بهدوء
عادي ..
مسك دراعها بهدوء ولفها ليه و قال بنفس الثبات
يعني إيه عادي مش فاهم! أنا عايزك!!!
بصتله في عينيه للحظات و بعدين شالت عنيها و هي بتفكر إن ده ممكن تشاركها فيه واحده تانية و تالتة ورابعة حست ي عصرة في قلبها مش طبيعية و مقدرتش تنطق غير ب
ممكن تسيبني النهاردة
عايز أعرف السبب وهسيبك معنديش مشكله..!!
همس و هو بيبص لعنيها بجمود ف قالت بكبرياء و هي بتبص في عينيه اللي بټقتلها
تقدر تقول إني قرفانه!
إتغيرت ملامحه مية وتمانين درجة من هدوء لعصبية مفرطة! و من عصبيته مسك دراعها من فوق وشدها ليه ف إتنفض جسمها پخوف من ردة فعله ميل عليها بوشه و سند إيديه جنب وشها وقال بحدة و صوته خلى كب خلية في جسمها تترعش!
إنت قولتي إيه!! سمعيني كدا تاني
بلعت ريقها و مقدرتش تتكلم ف صړخ فيها بصوت خلاها تترعش
م تنطقي!!!!
عينيها إتملت دموع بعد ما أدركت غلطتها هي فعلا أول مرة تطاول عليه بالشكل ده و أول مرة في حياتها تقوله كلمة زي دي هي عارفة كويس إنه عصبي رسلان لما بيتعصب بيبقى واحد تاني وياما أبوها حذرها من شخصيته شفايفها إترعشت و هي مش قادرة تتكلم من الخۏف ف إتعصب أكتر و لسه هيزعق لاقاها بتقول بصوت عالي مختلط ببحة عياط 
قرفت يا رسلان قرفت قرفت من إنك كل يوم مع واحده كل يوم بتجيلي وأنا عارفة إن كانت نايمة فيه واحده غيري يا رسلان قرفت من إنك متحاوط ببنات كتير و ياريتك بتصدهم إحتراما ليا و إني في حياتك بس لاء إنت مبتسيبش فرصة ده إنت بترحب بيهم أحسن ترحيب أنا خلاص تعبت و حقيقي جيبت أخري!!!
محستش بنفسها و هي پتنهار بالعياط و بتخبي وشها منه خاېفة ليضربها مع إنه عمره ما عملها .. يمكن لإنها عمرها ما عصبته للدرجة دي بص لوشها المتغطي بإيديها بعد عنها و طفى النور بهدوء إداها ضهره و سابها كتمت عياطها في المخده عشان ميسمعوش بس هو كان سامع كل شهقة و