اسكريبت تخفيف احمال بقلمى ميمى عوالى

بتساعدها و وقت ما النور قطع كان الرز باللبن على الڼار فى مرحلته الاخرانية فام منعم قالت لا حول و لا قوة الا بالله .. ده احنا لسه ماخلصناش الرز باللبن و كمان لسه ماقليناش لقمة القاضى 
ام ليلى معلش .. اهو شباك الصالة جايب لنا ضى نور صغير اهو من بعيد بس احسن من مافيش و انا معاكى ماتقلقيش بس ماتعمديش عليا اوى انتى عارفة انى بحسس فى النور اصلا .. مابالك بقى فى الضلمة 
ام منعم ياختى كلنا ربنا يستر على شوية الضى اللى فى عنينا لحد ما ڼموت
ام ليلى ربنا يديكى الصحة و ينور لك عينيكي لحد ماتشيلى عيال منعم و تجوزيهم كمان
ام منعم ياختى انشاله طب الرخامة عليها الشفشق اللى مدوبين فيه النشا.. هاتيه و صبيلى بالراحة و انا هقلب و على الله اشوفه عدل 
ام ليلى راحت و رجعت بالشفشق و قالت اهو ياللا .. انا هصب بالراحة اهو 
و ابتدت ام ليلى تصب لها الخليط اللى فى الشفشق و ام منعم تقلب فى الرز باللبن و بعد شوية ام منعم قالت باستغراب فى حاجة مش مظبوطة 
ام ليلى حاجة ايه ياختى 
ام منعم حاسة ان فى كلاكيع و لون اللبن مغمق و اللا انا اللى متهيألى عشان الضلمة 
ام ليلى بصت ناحية الحلة و قالت انا مش شايفة اللى فى الحلة اصلا و بصبلك عميانى طب ماتحطى كبشة كده فى طبق و روحى بصى عليها هناك فى النور عند الشباك
ام منعم عملت زى ما ام ليلى قالت لها و اول ما وصلت عند الشباك شهقت بخضة و قالت يالهوى 
ايه ده
ام ليلى جريت عليها و الشفشق فى ايدها و قالت فى ايه 
ام منعم بصت على الشفشق اللى فى ايد ام ليلى و رجعت بصت على الطبق اللى فى ايدها و قالت بحسرة انتى يا ولية صبتيلى عجبنة لقمة القاضى بدل النشا
ام ليلى بخضة يقطعنى انا نسيت ان الشفشقين جنب بعض طب و العمل 
ام ليلى عملك ابيض و زى الفل كده لا فى رز بلبن و لا فيه لقمة القاضى عليه العوض و منه العوض قعدوا يقولوا تخفيف احمال .. تخفيف احمال لحد ما خففنا كمان الحلو اللى الناس كانت هتاكله
اما بقى عند ام نرمين فكانت هى كمان واقفة فى المطبخ بتحضر صينية العشا بتاعة العرسان و عاملة حمام و بط و محشى و رقاق و معاها هى كمان اختها ام محمود بتساعدها و اول ما النور قطع ام محمود قالت عاوزة نور بسرعة عاوزة اقلب الرقاق و خاېفة يتقلب منى على الارض
ام نرمين و هى بتنده على جوزها يا ابو نرمين شوفلنا اى حاجة تنور لنا بيها بسرعة 
ابو نرمين بتهريج معايا سېجارة .. تنفع
ام محمود بضحك ينفع طبعا اومال ايه يا اخويا اخلص و شوفلنا حاجة تنور لنا بسرعة كده
ابو نرمين جاب كشاف صغير زى البطارية كده و حطهولهم قريب منهم نور لهم نوعا ما و هو بيقول هو المفروض مين اللى عليه الدور فى الجدول بتاع قطع الكهربا دلوقتى .. ده مش دورنا اصلا
ام محمود المفروض الشارع العمومى 
ابو نرمين اومال قطعوه عندنا احنا ليه ماحنا خدنا دورنا خلاص
ام نرمين بامتعاض يا اخويا ما الشارع العمومى طلع ساكن فيه واحد بيشتغل فى وظيفة مهمة اوى
ابو نرمين وظيفة ايه دى بقى اللى مهمة لدرجة انهم يقطعوها عندنا فى دورنا و فى دورهم كمان
ام