اسكريبت تخفيف احمال بقلمى ميمى عوالى

محمود بضحك سمعنا ان اللى بيعمل كشوفات القبض بتاعة الناس اللى ماسكة وردية تخفيف الاحمال ساكن على الشارع من برة 
ابو نرمين بتأنيب طب ما حقهم طبعا مايقطعوهاش عليه بس ماقلتوليش الكلام ده ليه من قبل كده 
ام نرمين كنت هتعمل ايه يعنى
ابو نرمين بهزار كنت عرفت هو مين و عزمته على الفرح كانوا سابولنا اليوم من غير ما يضلموها علينا 
ام محمود بضحك يا اخويا و اللا كنا عملنا الفرح فى الشارع برة عنده
بعد شوية سمعوا خبط على باب الشقة فابو نرمين راح فتح و رجع نده على ام نرمين و قال ام جمال و ام اسماعيل باعتين يسألوا على شمعتين ينوروا بيهم و هم بيعملوا الاكل احسن محتاسين
ام نرمين بحيرة انا ماعنديش غير شمع العروسة 
ابو نرمين ابعتهولهم و اللا ايه الجدع واقف على السلم 
ام نرمين بتفكير ده انا جايباهولها غالى و مكلفاه
و بعدين لو اديتهولهم .. البت تخرج فى الزفة من غير شمع
ابو نرمين يعنى الشمع و اللا الاكل اللى بيتعمل ثم ان شاء الله النور يرجع بسرعة و مايكونش لحق ساح منه كتير 
ام محمود خرجت من المطبخ و قالت هاتى الشمع انا هعرف افك من عليه الزينة بتاعته و اقص منه حتة و لما النور يبجى هظبطه عليه تانى
ام نرمين بقلة حيلة الامر لله من قبل و من بعد.. ماشى هجيبه و اديهولهم 
و فكوا فعلا الزينة اللى على الشمع و ام محمود قصت من كل شمعة حتة شمع وابو نرمين ادى الشمع اللى اتقص لاسماعيل و فى وسط ماهم بيلفوا الزينة اللى شالوها من على الشمع من تانى عشان يركبوها .. سمعوا صوت حاجة بتقع فى المطبخ 
ام نرمين بخضة ايه اللى وقع ده 
و راحت تجرى هى و ام محمود على المطبخ و قبل ما يوصلوا لقوا القطة بوسى اللى متربية عندهم على السلم و اللى كانت قطة رومى كبيرة كان واضح انها دخلت من باب الشقة فى الضلمة من غير مايشوفوها .. لقوها خارجة تجرى من المطبخ و هى ساحبة البطة فى بوقها 
و حلق حوش و هش و اوعى و امشى و القطة لا يمكن تسيب البطة ابدا و فى الاخر قدرت تهرب منهم ناحية باب الشقة وخرجت منه على السلم و معاها البطة .. عشا العرسان 
و اثناء ما القطة نازلة تجرى بتجر فى البطة كان اسماعيل فى وشها و قدر يشد منها حتة من الورك و قال و هو بيضحك يابنت المحظوظة هتاكلى بطة لوحدك بس اهو سبحان الله اللقمة بتنادى صاحبها اهو انا جيت لحد هنا عشان اكل ورك البطة ده و لما وصل الشارع ندى على ابو نرمين بصوت عالى و قال له و هو بيضحك انا لحقت حتة ورك من القطة يا عم ابو نرمين و هاكلها .. انا بقوللك بس عشان ما ابقاش باكل حرام 
و مشى و هو بياكل فى حتة البط و مبسوط جدا فى حين ان ام نرمين مقهورة على البطة اللى كانت سلقتها و ركنتها تبرد قبل ماتحط عليها الخلطة اللى محضرهالها عشان تحطها فى الفرن و عمالة ټضرب اخماس فى اسداس و مش عارفة تعمل ايه لكن ابو نرمين قال لها و عسى ان تكرهوا شيئا و هو خير لكم العرسان مالهمش نصيب فيها و الحمدلله انها جت على اد كده و اهو عندك الحمام كفاية النهاردة مع باقى الاكل 
ام