روية نور وايوب بقلم روان خالد كامله جميع الفصول وحصريه وجديده

في اوضتها قفلت شنطتها وسابتها في الصالة علشان تجهز وهي مش ناسية إن جدها كلمها امبارح يقدم معاد وجودها عنده..
ابتسمت بهدوء لأنهم مش سايبنها لوحدها حتى أولاد عمها وعماتها معاها في كل مكان وبيكلموها كل يوم لعل البعض يفتكرها شفقة ولكن جدها كل مرة بيقولها إن مفيش حد بيكره الضلمة!
نزلت للشركة بتاعة باباها وايهاب والكل كالعادة استقبلها ببسمة خفيفة دخلت مكتبها واثار غيظها وجود ملفات على المكتب هتخليها تقعد لبليل تخلص فيهم هل قالت إن اليوم بدايته مبشرة
إطلاقا!
خرجت من مكتبها عكس الحالة اللي دخلت بيها ودخلت مكتب أيوب اللي كان فيه اجتماع خاص بيه العيون الټفت عليها وهي ابتسمت بإحراج خاصة لما أيوب وجهلها نظرة حادة
استاذ أيوب ممكن دقيقة
بص للعملاء اللي محدش فيهم اعترض بل بالعكس حبوا يشوفوا طريقتهم سوا في الشغل بسبب الاشاعات اللي بتطلع عليهم كل فترة والتانية إن بينهم مشاكل ومنهم اللي بيقول مشاكلهم هتوقعهم في حبهم لبعض ولكن الحقيقة محدش يعرفها كاملة!
خير يا نور
اتكلم بنفاذ صبر ف اول حاجة بتعصب أيوب إنه يخرج من الاجتماع علشان حاجة تافهه ولكن لأجل إن نور مش بيفرق معاها اتكلمت بحدة.
إيه كمية الملفات دي كلها انت عارف إني مسافرة كده هتقعدني لبليل!
وكأنها لعبت بأوتار الاستفزاز عنده ابتسم ببرود فجأة وده خلاها تهلع من جنونه المفاجئ قرب منها ومازالت بسمة خفيفة جانبية تعتليه.
ده علشان تقفلي في وشي كويس وكلمة كمان هخليكي تقعدي لبكرة وبراحتك بقى انت كدة كدة مسافرة معايا لان بابا هيسافر كمان ساعة وقايلي اجيبك معايا.
سابها ورجع لاوضة الاجتماعات وهي ضړبت الأرض بغيظ من بروده مفيش عنده تسامح ابدا لكل فعل رد فعل وهو ردود افعاله اسوء من أي حاجة رجعت لمكتبها تاني واضطرت تنكب على الأوراق تخلصهم علشان محدش يقول إنها مهملة في شغل والدها!
في مكتب أيوب بعد ما انتهى الإجتماع دخل إيهاب والده عليه بعد ما خبط لعلمه مدى كرهه ابنه للعشوائية اللي يقسم إن مفيش حد بيعامله بعشوائية غير المدللة بتاعة العيلة!
خير يا بابا
حط قدامه ملف وقاله بأنجاز.
دي ورق الصفقة اللي هتتم في قرية جدك راجعها مع نور النهاردة قبل ما تيجو علشان جدك هيكلم الناس وتتقابلوا بكرة تتكلموا في المفيد ومن فضلك يا أيوب خليك عاقل مع نور ومضايقهاش.
خرج من المكتب بعد ما أيوب مسك الملف يتفحصه هو بالفعل راجع على الملف كتير وناقص يحط النقط على الحروف مع نور ولكن لما يخلص اللي وراه الاول.
بعد وقت اتحرك ناحية مكتب نور لقاها قاعدة مركزة في الورق وكانت في آخره ابتسم بفخر سرعان ما اختفى دخل مكتبها ورفعت هي رأسها لما حست بوجوده لأنه الوحيد اللي متاح ليه يدخل بالطريقة دي وكأن مكتبها حكر ليه!
خير يا استاذ أيوب جاي تحطلي كام صفقة جديدة أراجع عليها
استفزته ب تساؤولتها اللي هي السبب فيها نور غلطت وكان لازم تتعاقب لو الكل حن عليها لازم يبقى في جزء رابط شوية ولكن الجزء ده مكانتش تتمناه يكون أيوب.
تعالي هنا.
شاور على الكنبة اللي في مكتبها شمر اكمامه وفتح أول زرار من قميصه واتجه ل مكان القهوة عمل كوبايتين ورجعلها من تاني لقاها حاطة ايديها على راسها بتفكير..
بتفكري في إيه
ليه ورق صفقة نادر بكري فيه شرط جزائي المفروض إحنا اللي نتحمله مش شايف إن شرطهم ده فيه نية للغدر
لمعت عينيه بمكر فهمته هي بعد ما مد ايده ليها بالقهوة مسكتها وشكرته قعد جنبها وفتح آخر صفقة في الملف وسط اندهاشها.
وشرطنا هنا إن اللي هيخل بشروط الصفقة عليه إنه يتحمل ضعف الشرط الجزائي فكرك شرط زي ده هيعدي عليا كده
ابتسمت بأعجاب لتفكيره ولانها مكانتش وصلت لآخر صفحة لسة أكدت على حديثه بفهم.
في الحالة دي لو هو مسلمش أول دفعة للأجانب ولعب بديله هيكون ده أول عقاپ ليه واحنا برا غدره صح
صح يانور.
هتف بيها قبل ما يبدء يراجعلها اوراق صفقتهم الجديدة وهي مستمعة بأنصات حتى لو أيوب مبيتعاملش معاها بطريقة لطيفة وبيتجاهل وجودها وهي بتضايق من ده إلا إن وقت الشغل هما الاتنين بيتحولوا لنسخة اسوء من اهاليهم في الشغل!
بعد وقت خلصوا مراجعة العقود وكل واحد فيهم غمض عينه بأرهاق ف حتى لو أيوب كان مديها شغل كتير تشتغله ف قصاده هو اشتغل الضعف علشان ميبقاش ظالمها.
ممكن اسألك سؤال
بصلها اخيرا وامعن النظر في ارتباكها المبالغ فيه قصاده اتنفست نور قبل ما تسأله بكل براءة صډمته..
هو انت مبتحبنيش ليه يا أيوب
3
هو انت مبتحبنيش ليه يا أيوب
سألت بسرعة من غير ما تعرف عواقب تسرعها الدائم إيه محستش بغلطتها إلا لما وقف أيوب بلا تعابير قصادها اتنحنحت بتوتر مصححة كلماتها.
أقصد ليه مصمم تتعامل معايا بالطريقة دي هل انت پتكرهني علشان جيتو من بيت جدو تعيشوا في القاهرة علشان أنا هنا لوحدي وخليتك تسيب هناك
واخيرا قرر يبعد بنظراته المثبتة