قصة سيدنا يوسف عليه السلام

مش كفاية ست واحدة !!! كمان بقوا ستات كتير 
ستات مين 
الستات دول اللي ماوقفوش عند الانبهار والانفتان بسيدنا يوسف وبس !! لأ دول كمان بقوا عايزين يغووه سواء كان اڠراء بالكلام او بالحركات او حتى النظرات !!
طب وسيدنا يوسف عمل أية 
الستات دول فضلوا يهددوا سيدنا يوسف بالسجن او يأذوه لو ماسمعش كلامهم!!
سيدنا يوسف ما إغترش بعفته وانه قدر يعصم نفسه عن المعصية كل دا 
ماقالش هعرف اتحكم في نفسي ! هو كان عارف انه بشړ ومفيش حد معصوم من الغلط
فلجأ سيدنا يوسف لربنا 
وقاله يارب السچن أحب على قلبي من اني أنفذ الي بيطلبوه !
بس انا خاېف لو ما حمتنيش منهم وبعدتهم عني أضعف قدام الاڠراء المستمر دا وأعصاك 
. قال رب السچن أحب إلي مما يدعونني إليه وإلا تصرف عني كيدهن أصب إليهن وأكن من الجاهلين
وحاشاه الله أن يرى عبده يستقوى به ويطلب منه طلب بإلحاح ولا يجيبه 
فإستجاب ربنا لعبده الصادق وحماه منهم وبعد كيدهم عنه ..
فاستجاب له ربه فصرف عنه كيدهن ۚ إنه هو السميع العليم .
كبراء الطبقة الراقية وعلى رأسهم العزيز ماقدروش يستحملوا الفضايح الي عمالة تحصل بسبب سيدنا يوسف 
فاخدوا قرار انهم لازم يبعدوه بإنهم يسجنوه!
ثم بدا لهم من بعد ما رأوا الآيات ليسجننه حتى حين
وزي ما طلب سيدنا يوسف فى دعائه من ربنا أنه يتسجن ..ربنا استجاب لدعائه
ودخل سيدنا يوسف السچن ظلم من غير محاكمة بس كان داخل ثابت راضي أقرب للفرح 
لإنه خلص من فتنة زوجة العزيز والي معاها 
اصل السچن كان بالنسباله مكان هادي يقدر يفكر فيه ف ربنا ويكلمه 
يتأمل ويتفكر ويدعو السجناء لدين الله بالعقل والاقناع والمنطق والاسلوب اللين السلس
إبتدا المساجين يرتاحوله ويتوسمه فيه الخير بقت سمعته في السچن كويسة والناس كلها بتثق فيه وبتحبه 
وفي يوم من الايام جاله اتنين مساجين حلموا بأحلام غريبة فكان هو أنسب واحد يقدروا يثقوا فيه عشان يفسرلهم الاحلام دي!
ودخل معه السچن فتيان
سيدنا يوسف طمنهم انه هيقدر يفسرهالهم قالهم مافيش حاجة تشوفوها في الأحلام غير وهتلاقوني بفسرهالكم قبل ما تتحقق في الواقع..
وقالهم علي فكرة دي مش شطارة مني !!
دى نعمة ربنا عليا هو اللى علمهالي .
قال لا يأتيكما طعام ترزقانه إلا نبأتكما بتأويله قبل أن يأتيكما ذلكما مما علمني ربي
وقالهم 
أصل ربنا أنعم عليا بالقدرة على تفسير الرؤى كنعمة من ضمن نعم كتير ليا ولأبويا وأجدادي
و كرم من ربنا علينا عشان عبدناه بإخلاص ..
سيدنا يوسف حب يدعوهم إلى ربنا بطريقة غير مباشرة لما لقاهم أعجبوا بإحسانه
[[system-code:ad:runtime]]ۚ إني تركت ملة قوم لا يؤمنون بالله وهم بالآخرة هم كافرون 
امال اتبع مين !!
عرفهم أنه مش بس هو لوحده!!
لأ ده هو وأبو يعقوب وجدو إسحاق وجده الأكبر إبراهيم كلهم أتبعوا طريق الهداية والتوحيد والعبادة لله الواحد القهار وده برده من فضل ربنا عليهم أنه نور بصيرتهم فيستحق أن هما يشكروا 
.
واتبعت ملة آبائي إبراهيم وإسحاق ويعقوب ۚ ما كان لنا أن نشرك بالله من شيء ۚ ذلك من فضل الله علينا وعلى الناس ولكن أكثر الناس لا يشكرون 
وبدأ يدعوهم لدين ربنا بشكل مباشر بعد ماعرفهم المزايا اللى ربنا أنعمه بيها
لأنه وحد الله فأنتوا تقدروا تبقوا من المحسنين بردوا
يا صاحبي السچن أأرباب متفرقون خير أم الله الواحد القهار
فقالهم
طب أنتوا بتعبدوا أرباب كتير متعددة وأنا بعبد إله واحد !
لما أحتاجتوا تفسروا أحلامكم أربابكوا الكتير دى ليه مساعدتكوش!!
وجيتوا للى بيعبد رب واحد
فأنتوا تقدروا تكونوا من المحسنين بس لو أتبعتونى وأمنتوا بالله .
وبعدين انتوا بتعبدوا حاجات مسمينها انتوا وأبائكم ملهاش أي أصل !!
ما تعبدون من دونه إلا أسماء سميتموها أنتم وآباؤكم ما أنزل الله بها من سلطان
وقالهم ان مفيش حد يستحق تعبدوه غير ربنا وهو دة الدين الصح لو مشيتوا عليه ربنا هينجيكم دنيا وآخره 
إن الحكم إلا لله ۚ أمر ألا تعبدوا إلا إياه ۚ ذلك الدين القيم ولكن أكثر الناس لا يعلمون 
وبعد ما خلص كلام معاهم بدأ يفسرلهم أحلامهم !!
قالهم 
بإن واحد منهم هيتصلب وېموت والتاني هيعيش ويطلع براءة!!
بس