رواية جبروت الفصل الثاني بقلم اسماء أبو شادي حصريه وجديده
انت في الصفحة 1 من 5 صفحات
رواية جبروت الفصل الثاني بقلم اسماء أبو شادي حصريه وجديده
محافظة الشرقية منزل سالم شاهين
ليله بصوت صاخب يا بشششرررررررر أنا جيت نورت البيت.. ليله وصلت يا بلد الحاضر يعلم الغايب.
سالم حبيبة أبوها مش بس نورتي البيت دا انتي نورتي البلد كلها يا نن قلبي.
سالم شاهين من اعيان البلد وابن كبير العائلة الراحل وحاليا شقيقه الكبير هو من اصبح كبير العائلة رجل بسيط في حديثه مع الناس و ودود جدا
سالم وانتي كمان يا حببتي وحشتيني الدار كانت مطفية من غيرك.
أم مروان أيوة ايوة خليكي في حضڼ ابوكي ولا كأن ليكي أم خالص وماوحشتكيش.
ليله وهي تقترب منها الله الله الله بقى ست الكل الست ام الدكتور مروان ماوحشتنيش مين قالك كدة دا وأنا اعضه عضه ياخد بعدها 21 حقنة.
مروان وهو يتقدم منهم ليه فاكرة نفسك كلبة ولا ايه يا قردة
ليله بلهفة مارو وحشتني.
مروان وحشتك ايه دا انا لسه سايبك من يومين .
ليله يومين يا مفتري دول خمسة بقى بزمتك ماوحشتكش ولا خلاص بقى في حد غيري خد مكاني.
مروان عيب عليكي دا انتي الأصل برضه.
مروان شاب بسيط جدا بنيته عادية ومتوسط الطول لكن وسيم بدرجة كبرة ويرتدي نظارة طبية تزيد من وسامته
قبل آذان العصر استيقظت ليله من نومها على لمسات حانية فوق جبينها وشعرها وقبل أن تفتح عينيها اخذت تلك اليد بين يديها وقبلتها.
ليله ربنا مايحرمني منك ولا من حنانك يا احن أب بالكون.
سالم حبيبة ابوكي ياللي رافعة راسي لسابع سما ربنا يبارك فيكي انتي وأخوكي دا انتوا زرعي الي زرعته في الدنيا.
ليله أن شاء الله نكون زرعة خير يا حاج وتفضل رافع راسك بينا طول العمر.
سالم اخبارك ايه يا حبيبتي وعملتي ايه في الامتحانات.
ليله الحمد لله يا بابا اجتهدت وذاكرت وعملت اللي عليا وجاوبت كويس و ربنا سهلي الصعب بفضل دعواتك انت وأمي.
بسبب دعواتنا لا دا لكل مجتهد نصيب.
ليله طبعا يا بابا لكن دعواتكم دي احنا مانقدرش نكمل من غيرها
اجتهادنا نفسه بسببها. والله يا بابا المكاملة اللي بتبقى بيني وبينك
انت وأمي قبل الامتحان دي ماتعرفش بتأثر عليا ازاي.
سالم عقبال ما اكلمك وانتي بتناقشي الماجستير.
سالم لا احنا لا كفاية عليكي مروان إنما انا وأمك نروح فين بالجلاليب بتاعتنا وشكلنا الفلاحي ده.
اعترضت على حديثه بدهشة بابا حضرتك اللي بتقول كدة دا انا اتشرف بيك يا بابا وبأمي دا انا وقتها هقف ادام الدنيا كلها وأحب على ايديكوا و رجليكوا كمان زي ما انت برتفع راسك بيا أنا واخويا احنا كمان بنرفع راسنا بيك يا حاج ونقول احنا ولاد الحاج سالم شاهين الراجل الفلاح الي رغم انه ماكملش علامه الا أنه علم ولاده و وقف معاهم للنهاية.
سالم بنظرات فخر ان شاء الله يا بنتي تعرفي كل أخواتي بعد ما خلفتك كانوا بيلوموني اني مش عايز أخلف تاني مع ان كل واحد فيهم عنده خمسة وستة من الولاد والبنات وقالوا ان العيال الكتير عزوة لكن انا اكتفيت بيكي انتي واخوكي وقولت اربيكوا تربية حسنة
