رواية جبروت الفصل الثاني بقلم اسماء أبو شادي حصريه وجديده

واعلمكوا علام عالي ومش عايز حاجة تاني من الدنيا وانتوا عزوتي و زرعتي.
ليله تعرف يا بابا كل مرة بتقولي الكلام ده ببقى عايزة أنجح وانجح وابقى حاجة كبيرة اوى علشان خاطر ارضيك يا غالي.
سالم راضي عنك يا بنتي و ربنا شاهد ان قلبي راضي عنك انتي واخوكي يلا اسيبك تفوقي كدة وتصلي الضهر قبل ما العصر يأذن وتنزلي علشان تتغدي مع حريم العيلة.
مساء منزل حسين الشرقاوي 
وقف بدر امام المرآه يهندم جلبابه الثمين ذلك الذي يزيد من هيبته ولكن ذهنه شارد في العيون الزرقاء لم تغب عن باله طوال اليوم وخصلاتها الشقراء المتدلية على خصرها النحيف
بدر بتنهيدة لييييييله سحرتيني من نظرة يا بنت شاهين.. بس كنتي مستخبية عني فين بجاملك ده
أنهى استعداده وخرج من غرفته ليقف بجانب والده وعمه في استقبال الضيوف 
وأخرا وصلوا عائلة شاهين الى منزل عائلة الشرقاوي وبدأت الزغاريد تعلو وتعلو معها صوت الأعيرة الڼارية.. الرجال ذهبوا الى مجلس الرجال.
وأم بدر استقبلت هي وشقيقتها النساء لكي ينضموا الى مجلس النساء المهلل بالداخل.. 
وسط كل ذلك حاول هو ان يلمحها فقط نظرة
واحدة من تلك العيون ولكن خاب أمله فلم تظهر أمامه وهو اضطر ان يذهب الى مجلس الرجال مع العائلة .. أما تلك صاحبة الطلة
الساحرة فقد اتت اخيرا بسيارتها ومعها ابنة عمها في مثل عمرها بعد أن رفضت رفض قاطع ان تأتي مع موكب العائلة والغناء طوال السير من منزلهم الى منزل الشرقاوي وذلك ليس لشئ سوى انها مرهقة ولن تقدر على السير ببطء والغناء وتلك العادات القديمة الخاصة بقريتهم.
والخصلات تنساب بجانب وجنتيها من جديلتها في حالة تمرد.
دعاء ابنة عمها شايفة احنا وصلنا بعد ما دخلوا قولتلك سيبيني أنا اضفرلك شعرك علشان مانتأخرش.
ليله يا بنتي ما ها يدوبك لسه داخلين قدامك اهه وبعدين انتي ماكنتيش هتعرفي تضفريها كدة على شكل سنبلة.
دعاء وهو لازم على شكل سنبلة يعني.
ليله أيوة طبعا علشان تتناسب مع التاج والنظام ده عاجبني خصوصا اني اصلا مابحبش أجمع شعري مع بعضه خالص.
دعاء يا اختي بلا تجمعي بلا تطرحي مالها الطرحة الي حطاها على راسك دي لما تشديها لقدام شوية وتغطي شعرك وتريحي دماغك من الواقفة قدام المراية ساعة.
ليله اسكتي يا دعاء اسكتي الله يرضى عليكي ويلا ندخل
بداخل المنزل دخلت ليله وانضمت الى النساء ولأنها قليلا ماتحضر مناسبات في القرية بل حتى لم تحضر أبدا اي مناسبات كتلك منذ ذهابها الى القاهرة سوى مرات تعد على أصابع اليد
لفتت الانظار وكل من تريد زوجة لابنها تفحصتها بعينيها
هذه هي عادات النساء في الريف و الصعيد يحضرون المناسبات
وخاصة لكبار العائلات لكي يجدو العروس المناسبة لابنائهم او اخوتهم 
إحدى النساء مين القمر الشقرا اللي داخلة دي
سمعت والدتها همسات النساء الحاسدة وايضا الحاقدة على جمال ابنتها فقامت وهي ټحتضنها بسعاده وكأنها تحميها وقد قرأت المعوذتان لتحصنها من عيون الحساد 
أم مروان بفخر ليله بنتي اخت مروان الصغيرة.
إحدى النساء وانتي مخبية القمر دي فين يا ولية دي شبهك عينيها لون عينيكي بس صراحة هي أحلى واجمل وليكي حق تخبيها عن العيون.
أم مروان أنا مش بخبيها ولا حاجة بس هي بتدرس في جامعة القاهرة ومابتجيش البلد غير في الإجازات وبس.
سيدة أخرى وسيباها تعيش لوحدها هناك مش خاېفة عليها بجاملها
أم مروان مين قالك أنها عايشة لوحدها اخوها معاها هناك علطول الدكتور مروان عنده شركة ادوية في مصر وهما الاتنين عايشين مع بعض