رواية جبروت الفصل التاسع والعاشر بقلم اسماء أبو شادي حصريه وجديده

أشبه بالصړاخ أنا زهقت و تعبت ومليت من الحياة دي عايزة احس اني متجوزة وعايشة حياة طبيعية زي باقي الناس كل يوم اقول بكرة هيتغير بكرة حياتنا هتتصلح بكرة بكرة لكن بكرة دا مابيجيش انت مش بتتغير.
جسار ومين قالك اني هتغير من يوم ما اتجوزنا وقولتلك دي حياتنا.
ليليان وهي دي حياة كل واحد في اوضة بينام فيها بتلمسني بمواعيد وبشوفك بمواعيد متجوزين بقالنا سنين عمرك قولتلي بحبك حتى في لحظاتنا الخاصة عمرك قولتها دا موظفينك في الشركة بيشوفوك اكتر مني انت بتسمي دي حياة أنا مش عايزة أعيش كدة أنا عايزة أعيش زي باقي الناس.
جسار ببرود مالكيش دعوة بباقي الناس واتعودي على شكل حياتك كدة لأنها هتفضل كدة ومش هتتغير.
ليليان بحزن شديد ممزوج بالڠضب وأنا مش قادرة أعيش كدة افهم بقى بقولك مليت أنا بشوف صحباتي في النادي مع أزواجهم مبسوطين
ومتفاهمين وبيشاركوا بعض كل حاجة أنا أقل منهم في ايه علشان تكون حياتي بالشكل ده.
جسار بجمود أنا مابغصبتكيش على حاجة دي طريقتي ودا اسلوبي.
للييان بترقب قصدك ايه
جسار قصدي انك ترضي بالحياة اللي مش عجباكي دي واللي فجأة بقيتي تتمردي عليها يا أما تسيبيها.
ليليان بعصبية اه ماتخليك صريح وتقول الباب يفوت جمل قول انك بتعمل كل ده لأنك مابتحبنيش ولانك عايز تطلقني لكن عايزني أنا اللي اقولك طلقني صح
جسار ببرود أشد انا كلامي واضح مش محتاج تفسير .
ليليان حرام عليك بقالنا سنين مع بعض حاولت كتير ارضيك واغيرك حتى لنا لاحظت انك اتخنقت بقيت اشغل نفسي بأي حاجة علشان ما اضغطش عليك بس انا تعبت أنا محتاجة حاجات كتير اوي يا جسار محتجالك انت.
جسار وأنا معاكي لكن بالطريقة اللي احبها وتعيشي بأسلوبي أنا.
وتركها كما هي واتجه إلى عمله وكأنه لم يحدث شئ لم يبالي بدموع الحسړة التي تذرفها عينيها لم يبالي بٱلام قلبها
وهي ابتسمت بسخرية على فشلها في محاولة جديدة لجذب تعاطفه تجاهها أدركت جيدا أنها لم تحصل على قلبه أو جعله يحبها كما تحبه فأرادت تعاطفه آى مشاعر منه تجاهها قد ترضيها حتى لو كانت عطف وشفقة على حالها
في حاجات تتحس ومتتقلش
وان جيت اطلبها انا مقدرش
ولو انت عملتها بعد ما انا اطلبها يبقى مينفعش
في حاجات تتحس ومتتقالش
توجع في القلب ومبتبانش
وافضل علطول تعبانه مابين طب اقولك ولا مقولكش
مقدرش اقولك غير كل طريقة حبك ليا
او غييير عليا ولا فاجأني في مرة وهاتلي هدية
املا عنيا واعمل حاجه انا مش عارفاها
مقدرش اقولك حلي الدنيا في عيني وغير فيا
لو مهما كنت قريب مني وكنت قريب ليا
مقدرش اقولك شكل حياتنا اللي انا عايزاها
اعرف لوحدك شكل حياتنا اللي انا عايزاها
اوقات بيبان انى سكت وهديت ورضيت واستسلمت
مش معنى كده انك علطول تحسبني اني اتعودت
وساعات بتحس اني زهقت مع اني بخبي اني تعبت
متوصلنيش ياحبيبي اقول ده ياريتني اتكلمت
مقدرش اقولك غير كل طريقة حبك ليا
او غير عليا ولا فاجأني في مرة وهاتلي هدية
املى عنيا واعمل حاجه انا مش عارفاها
مقدرش اقولك حلي الدنيا ف عيني وغير فيا
لو مهما كنت قريب مني وكنت قريب ليا
مقدرش اقولك شكل حياتنا اللي اانا عايزاها
اعرف لوحدك شكل حياتنا اللى انا عايزاها.....
تبا لك أيها القلب عشقت جاحدا عشقت إنسان صلب ليس لديه أدنى شعور أنا ارتضيت بالقليل ولكن حتى القليل لم يعطه لي
ولا ادري هل العيب به أم بي أنا
خرج من جناحه وأثناء ذلك رآها تخرج من غرفتها رأى من استحوذت على قلبه رأى من ملكت الفؤاد