الحلقة ٢٢ بقلم / الشيماء محمد شيموووو

ما ينفعش بعد ما يرميها اديله أختها .. ماهو شوية وهيرميها برضه .. مش هينفع أخليه يدخل بينا يا عبدالله ويفرقنا عن بعض 
مش هرضي بنتي تكون مبسوطة على حساب بنتك .
عبدالله ابتسم لأخوه وبص لشريف أعتقد سمعت بنفسك أسباب رفضه .. ياريت كلامك بعد كده يكون معاه هو علشان تقنعه هو يوافق عليك كزوج لبنته واهتم بيه هو وقلل من اهتمامك بيا أنا أو بموافقتي لأنه صدقني موافقتي مش هي الأساس .. أعتقد سمعت وقلت اللي عايز تقوله 
شريف قام بصمت من غير ما ينطق مخڼوق وحاسس إن الدنيا كلها ماشية معاه بالعكس ومشي من عندهم .. 
محمد بص لأخوه ما تقلقش يا عبدالله أنا لا يمكن أوافق عليه أبدا ولا يمكن أحط أمل في وضع زي ده أو ۏجع زي ده .. أمل دي في عينيا ما تخافش .
عبدالله ابتسم وحط ايده على كتف أخوه بحب والله عارف يا محمد بس لو أنت عارف إن سمر هتكون مبسوطة معاه وافق .. ادبه شوية وعرفه أخطائه ووافق بعدها .. أمل صدقني تخطت شريف وبدل ما نتعس الباقيين وافق وبكرا أمل نصيبها هيجيلها .. شريف لو كان نصيبها كان فضل معاها .. فبلاش ټأذي بنتك بنفسك .. ما تجيش عليها يا محمد .
محمد هز دماغه برفض لا أمل برضه بنتي ! 
عبدالله أمل لو كلمتها هتقولك نفس كلامي ده .
محمد بصله ومش عارف يقوله ايه ربنا يقدم اللي فيه الخير وزي ما أنت قلت لو هو نصيبها هيصيبها الواحد هيروح من نصيبه فين ! 
عبدالله روح بيته ومحتار ودخل قعد مع أمل اللي مبسوطة وبتتكلم مع أمها
سميرة أول ما شافته عرفت إنه عايز يقولها وشاورتله لا بس عبدالله قعد قصاد أمل اللي لاحظت إن في توتر في ايه ! في حاجة يا بابا 
عبدالله تجاهل إشارات مراته وبص لأمل أيوة في .. عايزك تاخدي الموضوع ببساطة وتفكري دايما إن ربنا بيختارلنا الأفضل ولما شيء بيروح مننا فده لأن مالناش خير فيه !
أمل ابتسمت بتوتر عارفة الكلام ده قول بقى في ايه على طول .
عبدالله شريف جالي النهاردة المعرض و ....... 
أمل وقفت وقاطعت أبوها مش هرجعله يا بابا فلو ده اللي عايز تقوله ريح نفسك أنا رافضاه .. اللي ما يثقش فيا ويتهمني ويتخلى عني في مصېبتي ما يلزمنيش في فرحي أبدا .. شريف قفلت صفحته تماما بلا رجعة .
عبدالله اتنهد وارتاح من كلامها بس برضه موجوع لتفكيرها إنها متخيلة إنه عايز يرجعلها مش باعها وعايز غيرها فكلمها بحزن نعم الرأي يا بنتي بس للأسف شريف جاي يستأذني إنه يتجوز واحدة تانية .
أمل كشرت پصدمة هو حر ما يعمل اللي هو عايزه احنا مالنا !
سميرة بغيظ هو حر فعلا بس هو عايز يتجوز سمر .
أمل لفت لأمها بحدة سمر بتاعتنا دي ! سمر ! مالقاش غير سمر يتجوزها !
سميرة اتنهدت بيقول بيحبوا بعض .
أمل اټصدمت من حقارة سمر دي لسة كانت مع عمرو عرفت شريف امتى ولا كانت حاطاه على دكة الاحتياط لو مجاش عمرو يجي شريف .. احتقرتها جدا وۏجعها أوي إن دي اللي تكون بدلها لواحد كان بيتدعى إنه محترم
هزت دماغها برفض 
عبدالله حط ايده على كتفها بحب هو ما يستاهلكيش .
أمل وقفت وبصتله طبعا ما يستاهلنيش يرفضني أنا علشان شك إنهم ...... وياخد سمر .. سمر اللي ........
فجأة ضحكت بۏجع .. أبوها وأمها استغربوا ضحكها وللأسف ضحكها وجعهم جدا وهي بتضحك وبتتكلم رفضني لمجرد إنه شك إنهم شافوني عريانة أو لمسوني بتضحك وعايز يتجوز سمر وبيحبها .. سمر اللي لسة امبارح بتتخانق مع عمرو علشان سابها .... تصدق يستاهل .. عمالة تضحك ودموعها نزلت وهي بتضحك يستاهل يتجوز سمر بذهول اتكلمت وصوتها اتهز من العياط ده شك فيا أنا .. شك وأمه جت تطلب مني إني .. عايزة دليل على برائتي من حاجة لو كانت حصلت فعلا كانت هتبقى ڠصب عني .. ورايح ياخد واحدة بتعمل كل حاجة بمزاجها .. هو يستاهلها .. عيطت وقعدت وأمها ضمتها هو يستاهلها .. الاتنين يستاهلوا بعض .
سميرة