الحلقة ٢٢ بقلم / الشيماء محمد شيموووو
تنتون واحد نتن والتاني أنتن بعدت وعلت صوتها تاني مبروك لسمر يا قلبي .. يلا خليني أروح أباركلها بنفسي ..
سابتها وطلعت لشريف وسمر وقفت قدامهم الاتين وابتسمت جوز عصافير يا أخواتي .. مبروك يا عيال لايقين على بعض مۏت .. مش عارفة أقولكم قد ايه لايقين على بعض .. والله يا سمر أول مرة تعملي حاجة عدلة في حياتك .. مش عارفة أشكرك ازاي .. يعني لولا اللي عملتيه ماكناش شوفناه على حقيقته وعرفناه صح وتخيلي كانت أمل اتبلت بيه بس كويس أخدتيه أنتي وحميتيها .. أحمدك يارب وأشكر فضلك .. مبروك عليكم بعض .
شريف عينيه على أمل وتمتم أو احنا اللي نندم .
سمر تابعت عينيه وشافت قدامها عمرو اللي كانت برضه عينيه طايرة على أمل ودلوقتي شريف عينيه طايرة عليها فزقته پعنف وهو التفتلها في ايه !
سمر پغضب لو شوفتك لو ده فرحها هل ممكن ترقص كده بالمياعة دي ! لا يمكن أبدا .. اشمئزت منهم وقاطع تفكيرها غادة بهزار ادعيلي بقى أرقص أنا وأخوكي كده
غادة كشرت أنتي متخيلة أخوكي ممكن يرقص كده ! ده لو طال يلبسني نقاب في الفرح هيعملها .
أمل ابتسمت بيغير عليكي وعايزك له لوحده حقه .. مش أحسن ما تكون الواحدة فرجة للي يسوى واللي ما يسواش .. ربنا يقربلكم البعيد يارب .
غاده بحب يارب يا قلبي .
آخر الليل شريف أخد سمر وراحوا بيتهم ودخلوا أوضتهم وهو طلع بحجة إنه يسيبها تغير براحتها بس هو طلع يلوم نفسه ليه مش مبسوط ! ليه مش زي أي عريس بيتنطط وبيحلم بليلة فرحه ! ليه مش عايز أصلا يطلع فوق عند سمر ! مش كان ھيموت ويكلمها كل يوم ليه دلوقتي في بيته وبيغصب على نفسه يطلع عندها !
ملك وسليم قرب ميعاد فرحهم وهي نادرا ما بتروح الشركة بس لاحظت إن نورهان بتاخد مكانها في كل حاجة واتوعدت إنها أول ما تخلص من الفرح وتفوق هتمشيها برا الشركة خالص ..
راحت الشركة وطلبت المهندس حاتم فجالها بسرعة خير يا افندم !
ملك بغيظ هاتلي أوراق تعيين اللي اسمها نورهان دي ! هاتلي الملف بتاعها
ملك زعقت من غير ليه ! اتفضل !
حاتم كشړ وطلع بسرعة نزل الإدارة وطلب الملف وساعتها الموظف استغرب وسأله ليه عايزه بلغه إن ملك عايزاه فالموظف استأذنه لحظة يجيبه
الموظف عطى الملف لحاتم اللي أخده واداه لملك وسابها
ملك قلبت في الملف وشافت كمية الكورسات والشهادات اللي واخدها واللي فعلا تأهلها تشتغل في شركة زي شركتهم .. الشهادة واخدها فعلا من أمريكا .. قرأت اسمها .. نورهان سيف الدين .. قفلت الملف وقامت راحت عند أبوها وحطت قدامه الملف
خالد بصلها بهدوء ايه ده
ملك بصاله أوي مين نورهان دي ! في شهادات كتير لكن مفيش حاجة عنها هي ! مفيش أي معلومات خاصة ! مفيش عنوان ! مفيش أي حاجة خاصة
خالد بعد الملف من قدامه وبصلها يهمني في نورهان كموظفة حياتها العملية أما الخاصة دي لا تعنيني بشيء .. أنا مش
