الحلقة ٢٢ بقلم / الشيماء محمد شيموووو
وهي بتضمها طيب بټعيطي ليه بس ! هما يستاهلوا بعض .
أمل بصت لأمها مش بعيط علشانه أبدا لا.. بعيط علشاني أنا إني وافقت على واحد زيه يكون ماضي في حياتي .. هو أقل من إني أكون ذكرى في حياته .. بعيط علشان سمر اللي على طول عايزة تاخد اللي في ايدي وعلى طول كارهاني بالرغم من إني عمري ما أذيتها أبدا طيب هي بتأذيني ليه ! أنا واثقة تماما إنها ما بتحبش شريف أبدا .. هي بس عجبتها فكرة إنه سابني فعايزة تقول إنه سابني علشانها .. متخيلة إنها بكده هتكون أفضل مني أو أخدت حاجة مني .. ما تعرفش إنه نزل من نظري في اللحظة اللي قعد يستجوبني فيها .. في اللحظة اللي شك فيا فيها انتهى من حياتي .. غبية سمر وتستاهل شريف .. يستاهلوا بعض فعلا .
شريف رفض يصدق إن العيب في شخصيته هو وخصوصا مع كلام مامته اللي أقنعته إنه لازم يقول كده قدام أخوه علشان ما يزعلش منه ..
سمر فضلت هي وأمها يحاولوا يقنعوا محمد يوافق كمان شريف وأمه ..
محمد مع الضغط المستمر راح لأخوه وطلب يسمع من أمل نفسها إنها موافقة وقعد معاها وفضل يشرحلها الوضع من كل اللي حواليه
محمد بزعل شريف زي ما اتخلى عنك هيتخلى عنها في أول مطب .
أمل ابتسمت لعمها الكلام ده تقوله لسمر مش ليا أنا .
محمد وكأنه بيفضفض معاها قلتلها بس هي غبية .
محمد بأسف أنا مش عارف هي ليه ما طلعتش عاقلة زيك .. عارفة يا أمل أنتي ربنا بكرا هيعوضك بأحسن عوض وهتقولي عمي محمد قال .. اوعي يا أمل تزعلي ده محدش فيهم يستاهل زعلك أبدا .
محمد بصلها أوي يعني لو وافقت مش هتزعلي بجد
أمل ابتسمت وطمنته وشايف عمه طول الفترة اللي فاتت وهو مهموم وزعلان فدخل يهزر ايه ده ايه ده ! وأنا ماليش في الحب ده جانب ولا ابن البطة السودا !
طه كشړ أنا عارف بقى ! بس قريب الشهر الجاي وبعدين ما أنت عارف
محمد ابتسم ربنا يتمملك على خير .
طه قرب من عمه وبجدية عمي وافق براحتك محدش فينا هيزعل منك أبدا .
محمد بص لولاد أخوه ومن جواه كان بيتمنى ولاد زيهم بس كان عارف وواثق إن الولاد دول من التربية الصح وهو عنده بدرية كتلة من الشړ والحقد كان المفروض من زمان جدا حط حد لها مش ساب المركب تمشي وخلاص .. لأن الاختيار الغلط من الأول كل اللي بيتبني عليه بيكون غلط ..
جه ميعاد الفرح والكل بيهيص وبيزغرط
سميرة مراقبة بنتها اللي زعلانة على نفسها مش علي حد تاني ..
أمل بصت لأمها مش هنروح الفرح نبارك يا ماما .
سميرة كشرت ده أنا لو روحت هجيب سمر من على الكوشة هي وبدرية القردة ومعاهم ميادة كمان .
أمل بضحك أنتي بقيتي بلطجية يا ماما أوي .
سميرة بهزار من يومي يا قلبي وأنا بلطجية بس محدش واخد باله .
دخل عبدالله وطه واستغربوا ضحكهم
طه بزهق لأبوه عملنا الواجب اهو وحضرنا كتب الكتاب أظن مالهمش حاجة تاني ... بص لأمه أنتوا بتضحكوا على ايه كده !
امل بهزار أمك هتعمل كات وومن وتروح ټضرب كل اللي في الفرح .
طه ابتسم خديني معاكي أعمل بات مان وأكمل على الباقي .
سميرة بغيظ أنتوا فاكريني بهرج والله نفسي أعملها أضرب الثلاثة سمر وأمها وميادة .. أحط الثلاثة كده وأفضل أضرب فيهم .
عبدالله زعق جرى ايه يا سميرة وايه اللي بتقوليه ده !! وبعدين أنتي المفروض تروحي وتباركي والناس تشوفك بدل ما يقولوا قاعدين يندوبوا حظهم في البيت .. أنا عايزك تروحي ولو دقيقتين أنتي وأمل وتباركوا وراسكم مرفوعة وترجعوا .
طه بضيق مع إني مش طايق حد فيهم بس فعلا لازم نظهر هناك مش حابب فكرة إن الناس تقول يا عيني زعلانين .. ساب دي وراح لدي .. أمل معلش تعالي معايا واظهري وتماسكي ووري الكل إنه مش فارق معاكي حد .
أمل بهدوء أنا فعلا مش فارق معايا حد وأنا لو زعلت فده زعل على نفسي مش علشانهم وبرضه لو روحت هروح لنفسي مش لأني خاېفة من كلام حد وإني أصعب على حد .. أنا لسة كنت بقول لماما خلينا نروح ونبارك ونقوم بالواجب معاهم ..
راحوا كلهم الفرح وطه دخل الفرح وفي ايده أمل وفي الايد الثانية غادة والاتنين أحلى من بعض ..
كانت سمر وشريف قاعدين فى الكوشة
سمر لابسة فستان أكمامه لحد الكوع وتقريبا دراعها باين لأن الأكمام شفافة وطرحتها مخرجة نص شعرها والمكياچ جرئ اتضايقت أول ما شافت أمل داخلة في ايد طه واتضايقت أكتر لما شافت غادة واستغربت من امتى غادة دي بتعرف تلبس ولا تطلع حلوة كده ! طول عمرها مبهدلة امتى احلوت كده !
شريف شاف أمل اتوتر واتضايق إنه شايفها داخلة بتضحك مع أخوها وكأنه ما يعنيش أي شيء لها .. ليه متضايق من ضحكها ده ! ليه اتخنق إنها مش زعلانة عليه !
طه وقف قدامهم بالبنات وكلهم باركولهم
سمر وأمل بتباركلها همست في ودنها أخدته منك يا أمل واديني اهو اتجوزت قبلك .. مين كان يصدق إن أنا أتجوز قبلك واخد أحسن واحد اللي أنتي كان نفسك فيه !
أمل بصت لسمر وابتسمت وقربت منها وهمست تستاهليه يا سمر .. شريف أنا اللي سيبته مش هو وبعدين حتى لو سابني علشانك فتستاهليه يا قلبي وبعدين مش جديد عليكي تاخدي اللي أنا برميه .. طول عمرك بتاخدي الباقي بتاعي .. وللأسف بتفتكري إنك بتاخديها مني ڠصب وبتزعلني وعمرك ما فهمتي إن أنا اللي برميهالك مش أنتي اللي بتاخديها ڠصب .. بعدين ماهو عمرو كان معاكي بس يوم ما فكر يرتبط جالي يتمنى وأنا برضه اللي رميته .. مبروك عليكي شريف يا سمر اشبعي بيه ..
ابتسمت وبعدت في خطوات واثقة وكل اللي بيقابلها بتسلم عليه وما بتديش لأي حد فرصة يتكلم أو يسأل في حاجة ما تعنيلوش ..
سمر كانت هتولع من كلام أمل وحست إنها برضه بتتنصر عليها .. مهما تعمل برضه أمل بتتنصر دون أي مجهود .. كانت ھتموت علي شريف بس ليه دلوقتي حاسة إنها ممكن تولع فيه ! حاسة إنها عايزة تجري وتسيب الفرح ده كله ..
سمر فضلت طول الوقت عينيها على أمل اللي مع غاده وأخوها وبتضحك مع الكل .. بدرية وجنبها أم شريف بتسلم على سميرة وسط الستات وبتريقة معلش يا سميرة تبقى في بوقك وتقسم لغيرك يا قلبي .. الجواز قسمة ونصيب .
الستات كلهم بصوا لسميرة يستنوا ردها أو ضيقها بس سميرة ابتسمت عندك حق يا قلبي فعلا كانت في بوقنا وقرفنا منها رميناها بس زي ما قلتي كله قسمة ونصيب قربت من منها ومن أم شريف وهمستلهم أما انتوا الاتنين فكرتوني بمشهد بمسرحية لما قال اتلم تنتن على
