الحلقة ٢٥ بقلم / الشيماء محمد شيموووو

الحلقة ٢٥
بقلم الشيماء محمد
شيموووو
الأول أحب أطمنكم على محمد ابني الحمد لله احسن كتير وتسلموا يارب على سؤالكم ودعائكم .. ربنا يرفع عنا جميعا البلاء ده والغمة دي ..
أمل بتردد المرشدي .. المرشدي جروب للبرمجيات .
طه بصلها كتير بتاعة كريم  
أمل وطه الاتنين بصوا لبعض وهو منتظر منها رد بس هي رفعت أكتافها معرفش .

طه كشړ باستغراب هو في كذا شركة باسم المرشدي ! أعتقد هو .
أمل هزت دماغها معرفش يا طه ومش مهتمة إني أعرف لأن صاحب الشركة مش هيفرق معايا في حاجة بعدين احنا متدربين يعني أصلا ولا هنشوفه ولا هيشوفنا ده ممكن أصلا ما يعرفش إن في متدربين في مجموعته .. بعدين عايدة بتقول إنها مجموعة وما يعرفوش لسة التدريب هيكون في أي مكان .. 
طه طلع موبايله من جيبه ويادوب هيفتحه بس أمل مسكت ايده أنت هتعمل ايه  
طه بصلها هكلم كريم أفهم منه ايه الوضع بالظبط !
أمل هزت دماغها برفض لا يا طه .
طه بصلها باستغراب . لا ليه يا أمل  
أمل دورت وشها بعيد عن أخوها أنت لو كلمت كريم وطلع هو فعلا صاحب الشركة هيوافق بدون تفكير وأنا عايزه أتدرب زيي زي أي متدرب تاني بدون توصيات يا طه وبعدين هو نفسه ممكن ما يعرفش إني بتدرب عندهم ولو كده يبقي أفضل .. مش عايزة لو نجحت حد يقول إني نجحت لأني عارفة مدير الشركة .. مش عايزة ده .
طه بيفكر في كلامها واقتنع بمنطقها وهز دماغه اوك يا أمل .. مش هكلم كريم ولا هعرفه حاجة .. خليني بقى أشوف ايه الوضع مع أبوكي .
نزل طه لأبوه ولأمه وقعد معاهم وكلهم منتظرينه يتكلم ويقول إنه أقنعها تلغي فكرة التدريب ده 
طه بهدوء أنا هاخدها بنفسي وأسافر بيها والبيت اللي .......
قاطعه أبوه اهو يا ستي اتفضلي اللي جيبناه يعقلها .
طه بنرفزة هي مش مچنونة يا بابا علشان أعقلها .. أنتوا ايه اللي جرالكم ! طول عمركم دعم لينا مش واقفين ضدنا 
عبدالله باستنكار أنا مش واقف ضدها أنا خاېف عليها .
طه وقف خۏفك لما يتحول بالشكل ده أصبح خنقة يا بابا مش خوف .. أنتوا بتهدوا ثقتها في نفسها .. بټحطموها بخوفكم ده .. بدل ما كانت أمل المهندسة الناجحة بقت أمل المنطوية .. أنتوا بتدمروها بالبطيء .
سميرة باعتراض يعني المفروض ايه ! ما نخافش عليها  
طه بص لأمه خافي عليها براحتك بس بدون ما تمنعيها من تحقيق أحلامها يا ماما تدريب في شركة كبيرة يعتبر حلم أي مهندس وهي بتقديرها ده هتتقبل وأنتوا بتمنعوها ليه علشان في يوم اتعرضت لحاډثة بحجة إنكم خايفين عليها هتحبسوها علشان خايفين عليها  
سميرة بزعل مش هقدر تبعد عني تاني يا طه .. مش هتحمل لو جرالها حاجة !
طه بهدوء قل لن يصيبنا إلا ما كتب الله لنا ... كان ربنا قال كل واحد يقعد في بيته وما يتحركش علشان ما يجرالوش حاجة .. خۏفك مش مبرر ومش منطقي .. 
عبدالله بص لابنه أنت شايف إنها تسافر شهرين وتقعد في شقة لوحدها علشان تتدرب ده الصح ! 
طه قعد جنب أبوه أولا مش هتقعد لوحدها هتقعد مع صحباتها .. ثانيا الشقة في بيت خال عايدة يعني مش لوحدهم .. ثالثا والأهم التدريب في شركات كريم .
هنا عبدالله وسميرة انتبهوا لطه وعبدالله يعني هتتدرب عنده هو !
طه بتردد مش عنده أوي .. أنت