الحلقة ٢٨ بقلم / الشيماء محمد شيموووو
أتجوز .......
طه بهزار أيوة هتعمل ايه بقى سيادتك ! هتسيب الشغل وتقعد جنبها
كريم بدون ما يقصد بص لأمل في لمحة كده قبل ما يرجع لطه هتكون معايا في الشغل فهنتأخر مع بعض ونرجع مع بعض ونتحرك مع بعض .
طه ابتسم ولو هي مش بتشتغل معاك !
كريم ابتسم هخليها تشتغل معايا ڠصب عنها ..
أمل قاطعتهم هتاكلوا ولا هتقضوها رغي
قاطعهم دخول مؤمن مستغرب وقبل ما يتكلم لمح الساندوتشات ففرح الله مين قالكم إني جعان ! وباستغراب كمل بس فتحتوا التلاجة ازاي أنا كنت جعان ونزلت لقيتها مقفولة .
كلهم ضحكوا وهو واقف مستغرب وكريم حط ايده على كتفه ده موضوع طويل احنا هنطلع الجنينة جاي
أمل ابتسمت في ساندوتشات كتير بزيادة .
مؤمن ابتسم كده تمام يلا .
كل واحد شال حاجة وطلعوا كلهم برا قعدوا على ترابيزة في الجنينة جنب البيسين وبدأوا ياكلوا ويهزروا
من فوق ناهد بصت عليهم من البلكونة ومبتسمة وبعدها جت تنزلهم
حسن باستغراب رايحة فين كده !
ناهد بابتسامة هطلعلهم حاجة يتسلوا فيها
ناهد باستغراب وأنا من امتى كان عندي ضيف وما اهتمتش بيه !
حسن اتراجع ماشي ماقلناش حاجة بس حاسس إنك مهتمة زيادة .
ناهد كشرت مش دي اللي أنقذت حياة ابني !
حسن بصلها بس في نفس الوقت هي كانت السبب في أذيته أصلا !
ناهد لا طبعا ده نصيبه وقدره وحتى لو ماكانتش قابلته كان ده هيحصل لأي سبب أما تبرعها ده كان بمزاجها هي وبس وفي وسط ۏجعها ومصيبتها قررت تتبرعله وتنقذ حياته .. أنا مهما أهتم بيها مش هرد ولو جزء بسيط من جميلها عليا .. دي ردتلي روحي .
ناهد جابت جاتوه ورصته في صينية وطلعت لعندهم وكريم أول ما شافها وقف يستقبلها وياخد من ايدها وده نوعا ما عجب أمل اهتمامه بمامته
ناهد ابتسمت أنا قلت تتسلوا وأنتوا قاعدين .
غادة بحرج والله احنا تعبناكم وقلقناكم .
ناهد بحب لا يا بنتي أبدا .. بعدين أنا عندي جوز قرود وطبيعي بالليل بيكونوا جعانين كده وبيعملوا السهرات دي كتير .
ناهد لخبطت شعره انت روح قلبي انت
جت تمشي وكريم وقفها ما تقعدي معانا شوية ! مستعجلة على الطلوع ليه !
ناهد ابتسمت هنام بقى ومش عايزة أسيب باباك لوحده .
كريم بهزار هو مش صغير ! وبعدين هو في أوضته مش في مكان غريب .
كريم قصد يسمع أمل إجابة مامته وأمل ابتسمت لأنها فهمت قصده
طه بضحك سمعتي ! نفذي بقى .
غادة بحرج بس هي جوزها ما بيسيبهاش ويروح يسهر هنا وهنا مرة مع أصحابه ومرة مع أخته بصت لامل سوري يا أمل !
أمل بضحك لا اټخانقي براحتك اعتبريني مش هنا .
ناهد بصت لأمل بكرا أمل تتجوز وتسيبهولك كله وساعتها مش هيكون له حجة ! لكن أخته محدش يقدر يتكلم فيها الأخوات بيحتاجوا من وقت للتاني يسهروا مع بعض ويتكلموا مع بعض
غادة بتأثر والله ما بتكلم أول ما بيقولي كنت مع أمل بسكت وهو يشهد .
طه بابتسامة فعلا مش بتتكلم طول ما أنا مع أمل .
مؤمن بهزار تلاقيك بتسوء فيها وفي أي مرة تتأخر تقول مع أمل !
طه بصله لااااا والله ما حصلت ما تبصيليش كده .. أنت بتسخنها عليا !
ناهد انسحبت وكلهم قعدوا
طه باصص للبيسين ومركز أوي
كريم بصله لو عايز تنزل أنا ممكن أجيبلك مايوه وانزل .
طه ضحك والله المياه مغرية جدا .
مؤمن بضحك يا مجانين هتنزلوا المياه دلوقتي .. هتبقي تلج أصلا !
كريم بصله احنا ممكن نستعمل الثاني وندفي المياه شوية .
طه بصله باستغراب الثاني !
كريم ابتسم في واحد
