رواية چرح المشاعر الفصل 24-25-26 بقلم أمال جوري حصريه وجديده

رواية چرح المشاعر الفصل 242526 بقلم أمال جوري حصريه وجديده 
جزء
حلوني باه نتصدر محبيتش حتى ماما وعماتي محبيتش قلتلهم ماللول ماش حابة ندير عرس علاه حتى نتصدر بقيت بوحد روبة مع الناس فوق الفوتاي وعجوزتي عندها ماكبرت بيا حتى فاميلتو ثما كااااامل عجبتهم وحبوني بزاف غير ختو منعرف علاه بصح على حساب واش فهمت هي كانت صحبة هي وحنان مرتو اللولة الله يرحمها نشاله فالليل حطو لماما وعماتي يتعشاو كليت شويا معاهم برك وايناس مشفتهاش كامل سير راهي لاسقة في باباها متطلقوش خلاص حتى دخل مروان للصالة علينا وايناس بنتو في يدو بقاو عماتو الكبار يسلمو عليه ويباركولو لبستلي ماما البرنوس صفية ناضت تزغرت شغل سكارة فيا حتى سكتتها عجوزتي بقا يشوف معايا منبعد هبط برجليه عند بنتو بابا اقعدي مع عمتو سيرين وجدة وانا نروح نخدم ونولي حركت راسها بلالا _ وعلاه بابا هيا خليني نخدم صينو يضربوني تاع الخدمة ويحاوزوني خليني نروح بنتي وغدوة كي نجي راني نجيبلك حاجة بزاف شابة هيا بنتي باسها من خدها مدلها دراهم قاللها قولي لعمو يشريلك هكا _ ايه بابا وباستو من خدو هزتها سيرين وداتها وهو ناض عندي قرب مني تبسم معايا رجعتهالو قالي تعشيتي حركت راسي بايه_ مالا نتكلو على ربي جات عجوزتي مدتلو كاس حليب شرب منو وشربلي ليا عدلي البرنوس وجينت خارجين وليت نبكي منعرف علاه حكموني عجوزتي وماما قالولي مټخافيش ونورمال تجوز نشاله في رمشة عين بالسيف لا تكالميت جا عندي حكمني وخرجني تحت جناحو للطونوبيل ركبني القدام وجا ركب نحيت البرنوس كانت السخانة والكاروات فيمي حاجة ماتبان شعل الضو تاع طونوبيل من الداخل شاف معايا علاه راكي تبكي ضكا كل مانتلاقاك نلقاك تبكي _ منبكيش ضكا معاك نتا ولا كيفاه حتى البكا ممنوع عندك راني نبكي خليني في حالي _ الله يداوي لحوال قتلو اجمعين وديمارا وانا بديت ندوخ خلاص كل خطړة ندوخ نكون لاباس بيا حتى ندوخ مفقتش كامل حتى سمعتو ينوض فيا فتحت عينيا قالي نوضي رانا رانا وصلنا _ نتا تاني تعيطلي رانا كيما بنتك _ انا واش تحب بنتي نحب انايا ايناس عينيا يا عينيا وليت سكت راسي كان يوجع هبط وجا من جيهتي حل الباب وهبطني بالعقل لقيت روحي قدام فيلا حل الباب وقالي ادخلي دخلت دخل مورايا وغلق الباب شغل الضواو بقيت نشوف كولوار كبيير مقابلينو ربع شنابر والجيهة لخرى صالو مفتوح مع الكوزينة ودروج يطلعو للايطاج الثاني الشومبرة اللولة مفرشة بلحمر والڨرونة ولبيض والثانية تاع ايناس والثالثة مفرشة بلزرق ولبيض بالاك للرجال دايرينها والرابعة كبيرة تاعنا انا وهو والهول بنوار والذهبي عجبتني بزاف درت عندو قتلو والله تهبل الدار ماشاء الله تنفس بتنهيدة قالي هاذي خيرتها المرحومة الله يرحمها كل شي هي لي خيراتو معايا تحجرو دموعي على خدي شحال غاضتني عمري حسيت سړقت للمخلوقة راجلها وهي في قپرها وليت نبكي بلا صوت ودموعي انهار تجري راسي ولا يوجع فيا قالي انا ندوش ونتي راحتك الدار دارك هو راح وانا راسي بقا يدور شحال وليت ندوخ الفترة اللخرة هاذي بقيت حاكماتو تكيت على الحيط مانعرف كيفاه غلبني وزني وفقدت توازني وطحت تغاشيت .... حسيت وجهي مشمخ بالما بقيت نحل في عينيا بالعقل لقيت روحي فوق المطرح وهو فوقي يمسحلي في وجهي بالما شافني حليت عينيا قالي صافا غبت عليك دقيقة لقيتك رحتي فيها متقوليليش مريضة بلانيمي حركت راسي _ منوقتاه هادي _ من لي راح بابا الغالي مرضت كامل الامړاض مشي لانيمي برك ودمعت عيني _ الله يرحمو في قبرو ويجعل مثواه الجنة نشاله بصح نورمالمو متهلكيش روحك هاكي مكليتيش حتى مرضتي _ الله غالب المړض حق ومكتوبة عليا نمرض قالي معليش لازم تولي تاكلي مليح خاصة ليزاليمونتاسيو لي فيها الحديد كيما العدس والكبدة تاع الجاج لحم باه تبراي ان شاء الله _ ان شاء الله يا رب العالمين نوضني من راسي هيا نوضي بدلي ووجدي روحك ولا عيانة خلي لغدوة _ لالا لالا ضكا نفروها ونتهنا شفتو تخنزر