رواية چرح المشاعر الفصل 27-28-29-30 بقلم أمال جوري حصريه وجديده

رواية چرح المشاعر الفصل 27282930 بقلم أمال جوري حصريه وجديده 
جزء
لاقاتنا عجوزتي تسلم تعاود مرحبا مرحبا مالصباح نستنا فيكم باستني وزادت باستو هو بقات ترحب وتمرحب جات ايناس تجري عندو بااااابااااااا  و هزها اوووو باباتي الزينة توحشتك بزاف وشراهي بنتي _ راني مليحة باباتي بصح نتايا قتلي نروح للخدمة وعمتو صفية قاټلي راح مع رانا _ ايه باباتي رانا تخدم معايا وهي ماماك ايه _ لالا قاټلي جدة مهيش ماماك ناض يعيط عليها شكون جداك هادي ودار عند يماه ما لاه تقوليلها فالهدرة هادي قاټلو عجوزتي مشي انا والله ما انا يا وليدي راني مريضة انايا ولا حتى نعمر طفلة صغيرة على وحدة راح تولي يماها ايناس ولات تبكي مسكينة خلعها يخاه يولي غول كي يبدا يعيط خطڤتها عندي ودرتها بين رجليا حتى هي كمشت في رجلي وتبكي هبط عندها يهدر بالعياط شكون لي قالك هادي الهدرة اه شكون جداتك جداتك تاع ماماك ياك بعدتو عليها امشي روح خي وحش يخي طفلة صغيرة ومرحمتهاش هزيتها في يدي وهو ناض يستغفر قال ليماه يا يما ضكا واش راح ندير زعمة تجي عندي باه تشوف بنت بنتها وانا مش حاب نحرمها منها وهي تعمر فالطفلة الصغيرة علابيها تضل تقولي منحبش رانا يا ربي استغفر الله _ خلاص مروان مشي حاجة يتقلقو عليها كي تجي أهدر معاها بالعقيلة وقوللها متزيدش تعمر الطفلة وصيبو ستغفر وجا رايح حكمتو من ذراعو مروان ياك نحي الحيجاب نورمال _ ايه نحيه بصح قدام النسا برك وفالليل مور العشا نشاله نروحو حركت راسي وراح حكمتني عجوزتي قاټلي خلاص بنتي متخميش هاذي جداها هي عاملة هكا كي هي كي بنتها بصح مانهدرش فيها المخلوقة في قپرها سكت مالقيت مانقوللها داتني لداخل الدار جاو سلافاتي وخواتاتو اية ونسرين سلمو كامل عليا ورحبو بيا عماتو كامل رحبو بيا شيخي شافني رحب بيا فاميلتو هايلين بزاف عجبوني داتني عجوزتي لوحد شومبرة وايناس مازالها في يدي بستها كانت تشهق هادا وين عرفت بلي تتوحد كي يعيط عليها باباها سقسيت عجوزتي قاټلي هو قلييييل وين يعيط عليها كي تزعفو تاع الصح وكي يعيط عليها تزعف بزاف وتشنف لازم حتى يرونجيها باه تولي نورمال قلتلها في قلبي تقول الشخصية تاعي واحد يعيط عليا غلطة برك نشنف ونزعف ومناكلش حتى يرونجوني لازم نحيت جلابتي بقيت بالروبة هاديك جاية موف حتى للتحت بحزامها فالدوغي وبقيت بصندالتي رحت عند ايناس نزلت عندها برجليا قلتلها وشبيكي ماما خلاص اسكتي متزعفيش من بابا منبعد يشريلك حلوة ايه وانايا نحبك سمعتي متزيديش تسمعي لجداك ياك قټلك المرة لي فاتت متزيديش تسمعيلها هكا بنتي حركت راسها بستها من خدها حكمت يدها وخرجت مع عجوزتي داتني للصالة بقيت معاهم فرحانين بيا الله الله ويقارنو فيا مع مرتو اللولة وانا معحبنيش الحال المخلوقة مېتة في قپرها .. جاو ثاني يما وخويا وزوج عماتي سقساوني على الليلة قلتلهم لاباس.. حتى لليل دخل مروان دارلي بيدو ارواحي حكمتني ايناس من روبتي رانا متروحيش عندو منحبوش نضت نضحك هادي طفلة لي يعيط عليها تكرهو وتولي متحبوش هزيتها عندي شوفي ماما امشي نروحو عند مروان نضربوه ونقولو يشريلنا الحلوة ويرونجيك واش رايك حركت راسها بايه شفت معاه دارلي بيدو ازربي ارواحي رحت عندو ضړبتو لذراعو شفت في ايناس قلتلها هاني ضړبتو ميزيدش يضربك ايه بنتي ونتا يا مروان