رواية چرح المشاعر الفصل 56-57-58-59 بقلم أمال جوري حصريه وجديده

رواية چرح المشاعر الفصل 56575859 بقلم أمال جوري حصريه وجديده 
جزء
رحت درتلو المخدة ورا ظهرو ونفذت اوامرو ورحت كملت شغلي جبت فراشات وريدوات جدد شابين درتهم فالديار بعد ما سيقت الحالة الله الله انا غير حطيت البالي والفروطوار من يدي وهو صونا الباب رحت نجري قلت شكون _ رانيا حلي انا يماك عجوزتي حلي حلي _ فتحتلها الباب سلمت عليها وجاو معاها لبنات حتى ايناس كي شافتني عنقتني قاټلي اية هبلتنا فالليل كل دقيقة نروح عند مروان ورانا ضحكت هزيتها عندي وبستها توحشتيني يا ماما هززت راسها بايه ... دخلتهم لداخل بقيت معاهم شويا وراحو لمروان وانا ديت روبة شابة لبستها وحكمت شعري كوتشوفال بقينا كامل عندو فالشومبرة يحكو ويڨصرو معاه غير انا لي ساكتة شاف معايا الحب روحي جيبيلي نشرب كامل شافو فيا قتلني بالحشمة هادا تجيه الحنانة غير قدام الناس رحت نجري للكوزينة هاذا الراجل راح يهبلني عمرت كاس ما وديتهولو شربتلو وبعدت بقاو معاه حتى قاللهم خلوني نرقد باه خرجو زادو جاو وحد اخرين باه يشوفوه حتى صحابو وجاو وليت رحت انا ولبنات تعاونا فالعشا درناه والعشية طيبتلهم حليب وحطيتولهم مع البسبوسة هاديك والله يا الغاشي غير دود مروان عندو السيكسي فالليل عشيناهم كامل وراحو وفاميلتو باتو عندي فرشتلهم فالصالو بقينا سهرانين حتى للثناش ومروان كل دقيقة يعيط جيبيلي هادي راني مجيني راني رانا راني رانا هبلني حتى كي جاو يرقدو باه رحت للشومبرة وايناس كنت رقدتها بكري دخلت شعلت الضو ورحت للدوش غسلت وخرجت جبدت شورت وتريكو لبستهم طلقت شعري طفيت الضو ودخلت فالفراش دار عندي رانيا روحي جيبيلي غطا بردت وليت نضت جبت كوات وغطيتو جيت نقعد قالي تشهيت الياغوت جيبيلي وحدة زدت رحت على سواد سعدي جبت باطة ووليت عندو نوكلو كي الذراري الصغار بقا يشوف معايا وانا نتهرب معايا حتى مسني من فخضي ولاه عريتي على سيقانك مالفا تلبسي هكا نتيا ولا كي شفتيني مريض ټعذبي فيا _ أيوه هاديك هي ندير فالسكارة _ كاش نهار نقصلك لسانك على الطولة لي فيه _ قيسني برك تشوف لا مدعيتش عليك طلع راسو وناض يضحك اووو رنونتي دعوتها مستجابة بصح والله ماتحشمي دعيتي عليا حتى تكسرت _ شحلك باه خطړة اخرى متزيدش تهز يدك عليا بقا يشوف معايا رانيا لوكان ڼموت واش تديري _ واش ندير نترحم عليك وندعيلك بالرحمة _ ولوكان نتزوج عليك _ نغرس فيك موس ونترحم عليك ضحك وقالي تترحمي برك حاجة عادي عندك كي ڼموت سكت محبيتش نهدر _ شوفي في عينيا واهدري الصح رانيا _ شفت معاه _ هيا رانيا اهدري الصح تجيك عادي زعمة لوكان غدوة الصباح تنوضي ويقولولك راجلك ماټ تجيك حاجة عادية جيت نهدر مقدرتش دورت وجهي اول حاجة جاتني في بالي بنتو لوكان تزيد تتيتم كيفي بعدت عليه ديراكت شاف معايا روحي جيبيلي حبة تشينة تشهيتها _ يخااااه وشبيك نتايا راك تتوحم ولا وشنو _ ااااااا حقا فكرتيني رانيا راكي طولتي بزاف فالحمل زعمة ميكونش كاين مشكل خلي كي نبرا ونديك للطبيب راني نسيت الموضوع هادا كامل _ علاه تحوس على الذراري من عندي الحملة متحملنيش وتضل تبخس فيا _ رانيا مزالكي ا والله تعبت منك عاقبتك رخستك ضربتك ومزالكي في نفس الفكرة تاعك ياو افهمي يا بنت الناس بلي .... جا راح يحكي منبعد سكت