رواية المؤنسات الغاليات الفصل التاسع بقلم مريم سيد أم البنات حصريه وجديده

قالتلها اناجايه معاكى وحمدى جه عليها قولى هتجوزينى امك ازاى
كريمه...جواز مره واحده واحده اهدى يادكتور بص انا علشان عرفاك وعارفه ان حضرتك انسان محترم جدا وانا لما اتحجزت هنا فى المستشفى وعرفت مدى حب المرضى والدكاتره والممرضات عرفت ان انت انسان بمعنى الكلمه وماما محتاجه اللى يرعيها ويحتويها لانها عمرها كله كان لينا ومرديتش تجوز وتجيبلنا زوج ام بس هى دلوقتي تعيش مع شخص زيك بيحبها الحب ده كله اكيد يفرح قلبها اللى طول عمرها حزين هى تبان قويه بس من جواها مكسور انا ااسيبك بقى وانا هتصل بيك واقولك نعمل ايييه
حمدى .. خلاص هستنى تليفونك ياحجه كريمه 
وكريمه قالتله عن اذنك انا داخله اطمن على ابوفاطمه 
حمدى ...ماشى انا هستنى مكالمتك 
كريمه..ان شاء الله خير عن اذن حضرتك
حمدى..اتفضل يابنت الغالىه
كريمه..ابتسمتله ودخلت لغرفة سعيد وحمدى اتنهد تنهيده كلها سعاده ان اخيرا عرف طريق حب عمره ودخل غرفته جوه المستشفى يفكرازاى يقرب من امينه وكريمه هتعمل ايييه معاه وهتقنع امها ازاى 
نسييبه يفكر ونروح لشقة عبدالعزيز القاضى
امال . يابنات تعالى حهزوا السفره بابا على وصول
ايمان...حاضر ياماما وخرجت من غرفتها وامال بتقولها اومال اخواتك فين 
جنه ...هتقفل مع مليكه وتخرج اما الاخت مكه بتلعب ولا سمعتك من اصله.
امال .دى اخرة صبرى وبتنادى عليها يامكه انتى يازفتة الطين
مكه ايوه ياماما فى ايييه
امال...انا مش نديت عليكى انتى واخواتك ماخرجتيش ليه
مكه ...انا ماسمعتيكيش و جنه ماخرجتش جنه من وراها انتى مالك بيا يارخمه اخرج ولا ماخرجش اها
جنه انا مالى بيكى يااختى 
امال...ط يالا يااختى انتى وهى جهزوا الاطباق وايمان هتغرف ولسه هتكمل كلامها شافت عبدالعزيز داخل وزعلان والقى عليهم السلام عليكم ورحمه الله وبركاته ودخل اوضته
الكل .. وعليكم السلام ورحمه الله وبركاته 
البنات هو بابا ماله
امال...هدخل انا هشوفه ماله وايمان بتقولها نجهز الاكل ولالا 
امال..لا استنى هقوله بس اشوفه ماله ودخلت على جوزها وقفلت باب الاوضه وشافت عبدالعزيز قاعد وحاطت راسه بين ايديه جت عليه وقعدت جنبه بتقوله مالك ياحبيبى 
عبدالعزيز...بيصلها وساكت وامال بتقوله مالك ياعبدالعزيز 
عبدالعزيز....فى مشكله فى الشغل
امال....ايييه اللى حصل 
عبدالعزيز...اتعقدت على بضاعه مع واحد صاحبى بس للااسف ضحك عليا ومضانى على ورق كله مزور وهرب وخد الفلوس 
امال.... الفلوس كتييير
عبدالعزيز... للاسف اه
امال .. كام
عبدالعزيز....150000ج 
امال....فى داهيه ياعبدالعزيز
عبدالعزيز...فى داهيه دى الفلوس اللى بشتغل بيها ياامال انتى عارفه الفلوس اللى الموجودة في البنك ودائع للبنات وليكى 
امال...اه فى داهيه ياعبدالعزيز وجودك فى وسطينا بملايين الدنيا كلها وقامت من مكانها وجابت دهبها كله وحطته بين ايديه وقالتله خد ياحبيبى بيعه ومتشلش هم
عبدالعزيز....لا طبعا انا هتصرف
امال...هتتصرف ازاى
عبدالعزيز...هتصرف ياامال
امال ..هتفك الواديع 
عبدالعزيز...لا طبعا هشوف حد يسلفنى مبلغ اجيب بضاعه للسوبر ماركت اواجيب بضاعه بالاجل
امال....يعنى فلوسنا فى ايدينا وتدور نستلف ولانجيب بضاعه بالاجل ازاى عايزه افهم عبدالعزيز من غير اى زعل ولاتهديد انت تاخد الدهب وتبيعه وهات البضاعه اللى محتاجها السوبر ماركت 
عبدالعزيز....بس
امال ..مابسش قوم يالا لو مصلتش صلى ويالا علشان نتغدى انا والبنات مستنينك
عبدالعزيز....لا الحمدلله صليت بس هدخل اخد دش لحد ماتجهزوا وامال بتقوله ماشى اخرج انا وقبل ماتخرج عبدالعزيز شدها لحضنه وبيقولها ربنا يخليكي ليا ياامولا وتفضلى طول عمرك واقفه فى ضهرى كده 
امال...شددت من احتضنانه وبتقوله ويخليك لينا انا والبنات وكله من خيرك يازيزو ولاايييه
عبدالعزيز...قلب زيزو انتى ياامال وباس دماغها وخرجوا هما الاتنين وهو دخل الحمام وهى دخلت المطبخ تجهز الاكل هى اه جواها زعلت بس. لازم تحافظ على جوزها لان الفلوس تروح وتيجى بس هو لو
جراله حاجه ممكن يضيعوا من غيره