رواية المؤنسات الغاليات الفصل الخامس والعشرون بقلم مريم سيد أم البنات حصريه وجديده

والمدرسين يشكروا فيكى ويقوله هلا بنوته شطوره
هلا.. حاضر وباست مامتها وباباها ودخلت وايمن بيقولها هلا شاطره بس بتحب اللعب اكتر
هاله....فعلا هى كده بس لازم نقومها علشان متزيدش فيها
ايمن...صح وانتى كلميها بهدوء ياهاله وبطلى تتنرفزى عليها هلا مش بتيجى بالعند هى بتعمل عكس اللى انتى بتطلبيه منها وانتى عارفه البنات فى سن ده بيملوا لتمرد وانا اللى هقولك يالولو
هاله... هحاول ياايمن بس انا مش عارفه اعصابى بتفلت معاها هى بذات بتنرفزنى
ايمن...خلى خلقك استرتش يالولو مش كل شويه عصبيه
هاله..ضحكت وبتقوله استرتش ماشى يااستاذ ايمن احاول اخليه استرتش
ايمن ...شاطره يالولو ارزح العب بقى بابجى
هالهعوض عليا عوض الصابرين يارب من ليمن اولاده وبعدها دعت ليهم ان ربنا يباركلها فيهم ويحفظهم من كل سوء وشړ ودخلت المطبخ تكمل اللى كانت بتعمله نسيبها ونروح لشقة عمر وفاطمه
فاطمه واقفه فى المطبخ وحاسه بدوخه ولسه بتتحرك وقعت من طولها اغمى عليها ومن حسن حظها عمر كان لسه جاى من الورشه ولسه داخل بينادى عليها وداخل المطبخ لاقها واقعه اتخض قفل البوتاجاز وبعدها شالها واتصل على مامته وقالها اطلعيلى ياماما فاطمه تعبانه وامه سمعت جريت على فوق ومعاها عاليا وفتحوا باب الشقه ودخلوا على اوضة نومهم وعمر قاعد جنبها وببحاول بيفوقها وكريمه دخلت مالها فاطمه ياعمر اتصل على المركز الطبي يبعتوا دكتوره من المركز تيجى تطمنا عليها او انزل انت
عمر...لا هنزل انا ونزل جرى وراح على المركز الطبى وجاب دكتوره وطلع على شقته وكشفت عليها وعلقت ليها محاليل لان ضغطها واطى وطلبت منهم تحاليل لازم تعمل دلوقتي لانها شاكه فى حاجه 
كريمه...بتقولها شاكه فى ابييه يادكتورة ممكن تكون حامل
الدكتوره.. بالظبط كده ياحجه بس انا مش بحب اد حد امل غير لما اطمن بالتحاليل
كريمه...ماشى ربنا يطمنا والدكتوره اتصلت بالمعمل يبعتوا ممرضه تاخد عينة من المريضه والممرضه واخدت منها العينه والدكتوره فضلت جنب فاطمه لحد مافاقت وعمر بلهفه عليها الف سلامه عليكي يابطوط
فاطمه...الله يسلمك ياعمر هو اييييه اللى حصل اخر حاجه فاكرها ان كنت واقفه فى المطبخ
عمر..لقيتك مغمى عليكى ادام المطبخ
كريمه..... حمدالله على سلامتك يابطه
فاطمه...الله يسلمك ياخالتو
الدكتوره ... حمدالله على سلامتك يامدام فاطمه ممكن اسالك شوية اسئله
فاطمه...اتفضلى
والدكتوره سالتلها عن حاجات تخصها وهى جوبت وطبعا الدكتوره طمنتهم وقالتهم هتبلغ بالنتيجة عن طريق الواتس اب. وعمر قالها تمام يادكتوره هستنى النتيجه وبعدها استاذنت منهم وعاليا وصلتها لحد تحت وبعدها طلعت تانى وبتقولها شكلى كده هبقى عمتو يابطوط
فاطمه....ايييه انا حامل
كريمه.... الدكتوره شاكه واخدت عينه وقالت هى مش عايزه تقول غير لما تتاكد بالتحاليل
عاليا..بضحك اكيد هتبقى حامل وانا هبقى عمتو الحربايه
عمر..بس ياهبله حربايه دانتى عمتو الطيبه ادعى انتى بس يالولو
عاليا...يارب نونو يارب عايزه العب معاه يارب
كريمه...انتى يابت اټهبلتى على كبر والايه انزلى يالا ادامى نعمل اكل لمرات اخوكى وبعدها وجهت كلامها لفاطمه ماتقوميش من مكانك لحد مااعملك شوربه واطلعك وفاطمه بتقولها والله ياخالتو كنت بعمل وبعدها اتخضت بتقولهم البوتاجاز والع
عمر..قالها اهدى انا قفلت الڼار متقلقيش
كريمه....سيبك اكلك دلوقتي وانا هنزل اعملك وهطلعلك عالطول يالا ياعاليا وعاليا ط مانعمل هنا
كريمه..قالتلها ويالا ادامى وخرجت وعاليا بتقولها ليه ياماما الفرهده ماندخل نعمل فى المطبخ
كريمه..بس ياهبله واحد ومراته نقعد احنا عزول ليه انزلى انزلى ونزلوا وعمر قعد جنبها وبيقولها ياه يابطتى لو طلعتى حامل هبقى فى قمة سعادتى
فاطمه..يارب ياعمر وعمر ان شاء الله ياحبيبتى ولسه هيبوسها سمع صوت رساله عالواتس اب 
عمر..... 
يتبع