رواية جميله الحلقه 8 و 9 حصريه وجديده
عارفه يعني بتكون عنيكي فين وانتي بتلبسي .. طيب قولي لمامتك تلبسك لو مش بتعرفي .. يا الوانك يا امل
امل عيطت ومردتش عليها
سالي اووووف ناقصه بقي كمان عياط زي الاطفال البيبيهات .. انتي مستحمله نفسك ازاي بس
خرجت امل من عندها ټعيط وبتجري وخبطت في حد وقعت اللي في ايده
امل مسحت دموعها بايديها زي الاطفال انا اسفه
وطي جابهم واتعدل بس خلص الموضوع مش مستاهل اسفك ابدا
امل ابتسمت ربع ابتسامه شكرا لحضرتك
وليد برضه بتشكري ! ماشي يا ستي هقبل اسفك وشكرك بس بشرط
امل بخضه شرط شرط ايه
وليد بسرعه لا ده انتي حكايه يا بنتي بهزر .. في ايه مالك ! انا بس كنت عايز اضحكك بما انك كنتي بټعيطي مش اخوفك زياده .. طيب بما اني خوفتك كده ينفع تقبلي واحد ليمون يهديكي قبل ما تمشي
قاطعها ولا اصل ولا فصل انتي خبطتيني ووقعتي مفاتيحي وممكن مفتاح عربيتي يكون اتكسر ومعرفش اروح ومش عايزه كمان نهدي بعصير ليمون
امل پخوف بجد ممكن يكون اتكسر .. انا ممكن اكلم حد ياخده يصلحه او اكلم آسر يتصرف او بابا
وليد ضحك انتي بتصدقي علي طول
امل ابتسمت انت بتضحك عليا تاني !
وليد اسف بس ارجوكي اقبلي عزومتي انا ھموت من العطش
وليد يعني عايز ادي حجه لنفسي فارجوكي كوني حجتي
امل ابتسمت طيب يالا
نزلوا الكافتيريا وطلب اتنين ليمون وقعدوا
وليد مين صح بابا اللي هتكلميه !
امل بابي خالد نصار
وليد شرق وكح انتي اخت آسر نصار
ندي ايوه آسر اخويا انت تعرفه !
وليد بلع ريقه بتمثيل واتكلم پخوف آسر ده مديري .. انتي طبعا هتروحي تقوليله عندي موظف خبطني وارفده صح
وليد بصلها باستغراب انتي حكايه .. انا ممكن افضل النهار كله اشتغلك كده
امل ضحكت انت بتهزر تاني
وليد تاني ايه بقي قولي عاشر علي فكره انا مش شغال في الشركه خالص فاهدي
جميله نزلت وشافت اخوها فراحت ناحيته وشافت امل وسلمت عليها
وليد تعرفيها دي اخت آسر !
جميله اه اعرفها
وليد بس ايه نكته انما نكته
امل انتو زمايل صح !
جميله لا ده وليد اخويا ..دكتور علاج طبيعي
امل د وليد !!
وليد هو انا مقولتلكيش اسمي اخص عليا
امل وانا مقولتش اسمي برضه
وليد اخص عليكي
امل ضحكت انا امل
وليد اهلا يا امل .. مش هتقولي بقي كنتي واخده في وشك كده ليه وبتعيطي
امل لا مفيش بس اتضايقت شويه
جميله امل ما تسمحيش لحد يهزك ابدا مهما يقولك .. خليكي قويه
وليد شكلك فاهمه ايه اللي مزعلها طيب فهموني
امل لا عادي ما تشغلش بالك .. المهم انا همشي علشان ما اتأخرش علي ماما
جميله طيب هننزل نوصلك
امل معايا عربيتي تحت
وليد يعني مش عايزه حد وبتقولك تطلعي مين انتي علشان توصليها دي بنت صاحب الشركه
امل فتحت عنيها مستغربه وبتدافع لا والله ابدا ما اقصدش .. انا بس بعرفكم
وليد هنا اڼفجر في الضحك فأمل كشرت وجميله ضړبت اخوها بطل غلاسه
وليد مش قادر ڠصب عني .. يعني مش ممكن انتي مش ممكن .. انا ما تخيلتش ابدا انك هتصدقيني وبتدافعي كمان
امل وبعدين بقي ..
جميله امل حاولي حبيبتي ما تصدقيش كل كلمه يعني لازم ما تدافعيش علي طول خليكي في موقع الھجوم
امل طيب اعمل ايه في نفسي انا كده ..
