رواية جميله الحلقه 8 و 9 حصريه وجديده
انت في الصفحة 7 من 7 صفحات
بصدق اي حاجه .. آسر واحنا صغيرين كان بيفضل يلعب عليا النهار كله وحتي زمايلي بعد كده كانوا بيشتغلوني بس مش هزار زي اخوكي لا دول ... يالا معلش
جميله انتي لازم تتمرني .. الواد ده ممكن تتمرني عليه .. اتعلمي ما تهتميش شويه وما تصدقيش علي طول بلاش طيبتك قوي دي .. خدي شويه من بنت عمك سالي بس شويه صغيرين جدا اوعي تكتري
وليد لا معاكي عربيتك بقي زقي عجلك
امل بزعل طيب خلاص
وليد يخربيت كده .. يا بنتي بهرج و الله بهرج
امل بصتله خلاص ما تهرجش لحد ما اتعود
وليد هتتعودي ازاي لو انا بطلت ! هاه !
امل مش عارفه بقي .. هو يعني ايه زقي عجلك دي انا مش معايا عجل
وليد وجميله ضحكوا
وليد يعني اتطرقي
امل كشرت مش فاهمه
امل طيب يالا زقوا معايا عجلي
ضحكوا الاتنين و وليد انتي مسخره
امل ليه مسخره !
وليد امممم انتي حالتك مش بس مستعصيه دي انتي هوبلس كيس
امل انا بقول كده برضه
اخر النهار فهد داخل البيت ولفت نظره جميله واقفه مع نبيله وماسكه طبق بتأكلها ومبتسمه وبتتكلم كتير ونبيله مبتسمه فقرب منهم بحذر وسمع جميله
الاتنين ضحكوا وقاطع ضحكهم فهد
فهد اوعي تكوني بتتكلمي عن سالي
جميله اتفاجئت بيه وتجاهلته وكملت وهو اتضايق هو انا مش بكلمك
جميله خلصت وقامت وماشيه ولا ردت عليه وهو مشي وراها ونبيله بصتلهم ودعت دعوه صامته في قلبها
فهد اقفي هنا كلميني زي ما بكلمك
فهد زعق اقفي هنا واتكلمي زي ما بكلمك
جميله وقفت وبصتله دلوقتي بتكلمني !! لا يا سيدي متشكره عن كلامك انا في غني عنه ..
فهد انتي بتقولي ايه انا مش فاهم
جميله وانت تفهم ليه ! انت بس اقعد علي كرسيك زي الباشا وتتفرج
فهد فهم قصدها وبصلها انتي كنتي مستنيه مني ايه بقي ان شاء الله !
فهد وقفها استني واتكلمي عدل كنتي منتظره مني اقول ايه لسالي !
جميله تقولها اللي حصل !
فهد وايه هو اللي حصل اننا كنا بنلعب
جميله بغيظ اني كنت هقع وسندت عليك
فهد بيغيظها اكتر هو انتي كنتي هتقعي !
جميله وشها احمر وبصت حواليها وهو رجع خطوه لوري وضحك بتدوري علي ايه !
جميله علي حاجه تفتح دماغك اكتر يمكن تفوق وتركز كده طالما طول اليوم النهارده مش مركز .. انا هفوقك واخليك تركز
جميله بغيظ لا شكرا فيك الخير
فهد خرج وراها انا بتكلم بجد علي فكره
جميله بصتله وكملت طريقها شكرا
فهد طب اوصلك انا
جميله من غير ما تبصله وليد بره
وشاورت بايدها باي وهيا ماشيه وهو وقف يتابعها ومبتسم ومن فوق واقفه ميس متابعه ومبتسمه ايوه .. حبيه يا جميله واتعلقي فيه اكتر واكتر .. اتعلقي اكتر واكتر وبعدها اصدمك بخطوبته لسالي وجوازه منها .. ضحكت بشړ اكتر واكتر وقبل ما ابنها يدخل رسمت الحزن علي وشها والتعب ..
قعد فهد مع امه شويه
فهد انتي تعرفي ان عمي محي طلب مني النهارده اتجوز سالي
ميس وقولتله ايه !
فهد باستغراب انتي مش مستغربه
ميس اكيد عمك قبل ما يكلمك هيكون عرفني ولا ايه
فهد وانتي مقولتيليش ليه !
ميس عمك الكبير وهو المسؤل
عن الامور دي
فهد افهم من كده انك موافقه علي الارتباط ده
ميس طبعا موافقه وانت
قبل ما يرد سمع فهد صړاخ علية وبتنادي عليه وفتح الباب قابلها
علية الحقني يا فهد بيه الحقني !
فهد في ايه يا علية ايه اللي حصل
علية الست هانم الكبيره وقعت في الارض ومش بترد ولا بتفوق .. اطلب الاسعاف بسرعه يا ابني بسرعه يا فهد
فهد بص لميس اللي واقفه جامده وبصاله ومنتظره رده وتصرفه هيعمل ايه !!
9
علية الست هانم الكبيره وقعت في الارض ومش بترد ولا بتفوق .. اطلب الاسعاف بسرعه يا ابني بسرعه يا فهد
فهد بص لميس اللي واقفه جامده وبصاله ومنتظره رده وتصرفه هيعمل ايه !!
فهد اخيرا نطق هطلب الاسعاف حالا وانتي يا علية حاولي تفوقيها
علية جريت وفهد طلب
يتبع
